福利视频，稀有资源请前往新站下载：zuisiji.top

MIRROR成员Anson Lo（卢瀚霆）今晚于亚博举行一连四场个人演唱会《ANSON LO “THE STAGE” IN MY SIGHT SOLO CONCERT 2023》的尾场。继有Dear Jane、蔡卓妍担任前两场嘉宾，尾场就邀请到陈慧琳做嘉宾，分别演唱两首经典金曲《花花宇宙》和《对你太在乎》，Kelly一出场就丧讚Anson Lo够勤力：「乐坛好需要你呢啲歌手！」

阅读全文

Anson Lo 演唱会尾场邀请陈慧琳齐唱《花花宇宙》

Anson Lo个人演唱会今晚来到尾场，前两场邀请到Dear Jane、蔡卓妍担任嘉宾，今晚就邀请了大前辈陈慧琳出席做嘉宾。Kelly一登场随即惹来全场欢呼，两人齐齐大唱陈慧琳hit爆金曲《花花宇宙》，再由Kelly自己独唱慢歌《对你太在乎》。Kelly果然係大前辈，轻鬆带热全场气氛之余，又唱又跳都毫无喘气，认真厉害。

ansonlo 卢瀚霆 Anson Lo Anson Lo 演唱会尾场邀请陈慧琳，两人又唱又跳合唱《花花世界》 — Anson Lo 演唱会尾场邀请陈慧琳，两人又唱又跳合唱《花花宇宙》（图片来源：东方新地）

ansonlo 卢瀚霆 Anson Lo 之后Kelly独唱慢歌《对你太在乎》，零走音唱到好似食咗CD。 — 之后Kelly独唱慢歌《对你太在乎》，零走音唱到好似食咗CD。（图片来源：东方新地）

Kelly高度评价Anson Lo：乐坛好需要你呢啲咁嘅歌手

两人唱完《花花宇宙》后，Kelly大讚Anson Lo特意为两人合作舞台排舞，态度够晒认真：「我要讚吓佢先，我做咗咁多次演唱会嘉宾，都从来都未试过嗰Artist会排埋舞，好勤力，非常好。你继续加油啊，你掂啊。佢拍晒Video，一早排晒舞俾我练，好感动。」Kelly更高度评价Anson Lo，指乐坛需要更多像他的歌手：「我哋真係好需要你呢啲咁嘅歌手，咁认真为我哋乐坛出一番力，勤力、无得顶！」

ansonlo 卢瀚霆 Anson Lo Kelly出场后讚足AL两分钟，讚佢够晒勤力，事先为《花花世界》排舞 — Kelly出场后讚足Anson Lo两分钟，讚佢够晒勤力，事先为《花花宇宙》排舞（图片来源：东方新地）

Dear Jane再做嘉宾 Tim老婆都到场捧场

除了有Kelly担任嘉宾之外，Dear Jane继第二场之后再次担任嘉宾，一出场就唱《到底发生过什么事》，令全场high到爆。

ansonlo 卢瀚霆 Anson Lo Dear Jane再做嘉宾 — Dear Jane再做嘉宾（图片来源：东方新地）

ansonlo 卢瀚霆 Anson Lo 有观众更发现Tim@Dear Jane太太杨洛婷亦有现身捧场。 — 有观众更发现[email protected] Jane太太杨洛婷亦有现身捧场。（图片来源：东方新地）

爆喊剖白过去一年压力爆灯：曾经同花姐讲话我顶唔顺

感性的Anson Lo到尾场再次忍不住落泪，表示过去一年曾经压力爆灯，有考虑过停下休息，但幸好有歌迷的支持，令自己有力量继续向前：「过去一年其实係自己好大压力嘅一年，我曾经都同花姐讲话我好似顶唔顺喇。我都有谂过不如停一阵，教父都叫我停一阵，唔好冲得咁快。我自己都好挣扎，但就係因为你哋每一个人，我先继续有力量，去继续做我想做嘅嘢。喺我好累嘅时候，对自己当日表演好失望、工作未如理想等，我都见到你哋叫我要加油。好多人话我浸淫咗喺大家叫我努力，而唔记得点样去进步。但係永远爱係大过憎恨，我呢一年学识咗无时无刻鼓励下身边嘅人，值得定係唔值得都要俾多啲爱大家。」

ansonlo 卢瀚霆 Anson Lo Anson Lo表示过去一年曾经压力爆灯，有考虑过停下休息，但幸好有歌迷的支持，令自己有力量继续向前。 — Anson Lo表示过去一年曾经压力爆灯，有考虑过停下休息，但幸好有歌迷的支持，令自己有力量继续向前。（图片来源：东方新地）

从20位粉丝到坐满亚博感激粉丝一路陪伴

此外，Anson Lo忆叙当年只有20位粉丝在台下支持自己，到今时今日能够坐满成个亚博，表示非常感激每一位粉丝的陪伴：「出Event有20个粉丝，慢慢到有200个，到宜家有你哋每一位嘅支持，仲有喺屋企睇紧Live嘅每一位。如果唔係有大家嘅坚持，我都唔可以喺今日行到嚟呢一步。」

ansonlo 卢瀚霆 Anson Lo Anson Lo第一场已经开始喊，到尾场都继续忍唔住流泪。 — Anson Lo第一场已经开始喊，到尾场都继续忍唔住流泪。（图片来源：东方新地）

希望能够加场声称体力许可：可以加廿场

演唱会结束后，Anson Lo接受一班传媒访问时，指很开心能够举办今次演唱会，透过今次演唱会感受到歌迷和大众对自己的爱，同时亦希望能够加场：「如果可以开多几场就最好啦，因为有好多神徒都话入唔到嚟睇，我都想畀本身唔认识同无太大兴趣嘅人入嚟睇。同埋我觉得我体力上都能够之撑到几场。（你觉得自己Maximum可以支撑到几场？）哇，20场啦！」

ansonlo 卢瀚霆 Anson Lo指自己体力许可，可以开到20场。 — Anson Lo指自己体力许可，可以开到20场。（图片来源：东方新地）

今次冇肚痛头晕为之前事件感到好失礼

身体向来孱弱的Anson Lo，去年都有好几次因为身体不适而缺席活动。Anson Lo就指今次演唱会并没有身体不适，并且为之前因病缺席活动而感到好失礼：「年初、上年有几次都因为胃有事或者好晕，我自己都觉得好失礼，我都唔想再发生呢啲时间。今次Prep咗好多嘢，今次呢四场食足三餐，饮够水，唔会饮太多斋啡，同埋时常带定胃药同晕浪丸，in case要嘅时候就唔会咁失礼。」

ansonlo 卢瀚霆今次教主冇头晕冇胃痛，开足4场演唱会。 — 今次教主冇头晕冇胃痛，开足4场演唱会。（图片来源：东方新地）

演唱会造型曾考虑半裸上身谈及肉搏女Dancer感想

对于第一次开演唱会，Anson Lo自评今次表演有70分，随即亦谈及到与女Dancers肉搏跳辣身舞的感想：「本身排舞係一啲都唔买，隔咗至少两个身位，排排吓越嚟越熟咁都OK嘅，On Show嘅时候直情埋到差啲嘴埋落去，但係大家钟意睇就OK喇。」Anson Lo 今次亦有参与服装设计，更笑指本身有考虑过半裸上身：「但我最后都ban咗自己，因为觉得未係时候。大家等多阵，如果真係开到廿场先啦。」

ansonlo 卢瀚霆今次演唱会教主难得与女Dancer肉搏上阵，睇到粉丝们都哇哇声。 — 今次演唱会教主难得与女Dancer肉搏上阵，睇到粉丝们都哇哇声。（图片来源：东方新地）

首场后曾提醒自己唔準再喊：唔係大家都体谅到你

当被问到有否限自己于演唱会喊的次数，Anson Lo就表示曾经有提醒过自己不要在落泪：「其实我第一场喊到成首歌唱唔到之后，都有提醒过自己之后三场唔好再喊，因为唔係大家都体谅到你。我都好想唱完整嘅歌畀大家听。第三场就只係喊咗两句，但因为今场可能係尾场，所以其实今日出门口嘅时候已经想喊。」

ansonlo 卢瀚霆每场都感动落泪。 — 每场都感动落泪。（图片来源：东方新地）

庆幸有为黄牛飞事件发声认为自己要保护粉丝

Anson Lo在演唱会首场曾经为「黄牛飞事件」发声，表示每次见到粉丝被人虾都会好嬲。Anson Lo在接受访问时表示庆幸有为事件发声，他认为自己要保护自己粉丝：「我唔觉得（发声）係一件坏嘅事。我戥我嘅fans心痛，因为有好多神徒入唔到嚟睇。由第一晚开始就有好多神徒都打算食黄牛，但係就畀人hold住啲飞等等。我好心痛係因为我Visualize大家扑飞，上网买飞嘅场面，但人地hold住啲飞，我就觉得好心痛、好虐心。」

ansonlo 卢瀚霆 Anson Lo表示为粉丝们感到要买黄牛飞而心痛。 — Anson Lo表示为粉丝们感到要买黄牛飞而心痛。（图片来源：东方新地）

一起看Anson Lo演唱会后足本访问：

辛苦晒教主一连四场演唱会！

两人结缘于五年前 Kelly曾指冇谂过AL会出道

陈慧琳早前出席公开活动时重遇5年前为自己《打自己》MV伴舞的Anson Lo，陈慧琳表示拍摄MV当时已经觉得对方好型，但就冇谂过对方会出道：「觉得佢好乖巧，好好笑容，同埋好Pro，同埋佢都係聪明嘅。冇谂过佢会出道，因为我唔知道佢识唱歌，嗰阵只係见到佢跳舞咋嘛，同埋觉得佢扮嗰样似嗰样。因为嗰时个MV係60年代，嗰阵就觉得呢个男仔做到呢个感觉出嚟，佢可塑性係高啰。」