MIRROR成员姜涛今晚（5日）于亚博举行一连4场个人演唱会《KEUNG TO “WAVES” IN MY SIGHT SOLO CONCERT》的尾场。众所週知他是罗志祥（小猪）的忠实Fans，来到尾场成功邀请小猪做嘉宾，更被称「追星天花板」。前3场邀请到林海峰、谢安琪和张继聪夫妻档，以及汤令山等人担任嘉宾。

阅读全文

姜涛终圆梦请罗志祥做尾场嘉宾

姜涛演唱会来到尾场，就终于请到偶像罗志祥做嘉宾。两人齐齐又唱又跳，分别演出了《No Joke》、和《够了》2首歌，而罗志祥就自己再独唱一首《闹翻天》。虽然罗志祥今年已经44岁，但依然宝刀未老，舞蹈动作跟歌唱都没有马虎。

罗志祥一出场大派笑弹：少吃点火锅

两人同台演出后，姜涛连声感谢小猪担任自己演唱会嘉宾，而罗志祥继续发挥搞笑本色，叫姜涛少吃火锅：「我看你的IG动态更焦虑，我看到你IG说『明天是最后一天了，可以吃火锅了』，少吃一点会比较好。」罗志祥更笑指姜糖很爱锡姜涛：「你的粉丝很在乎你的心情、所有的一切，我还记得有一次你好像因为工作压力太大，引起你心情不好，你的粉丝还私信我：『拜託关心一下涛涛啊』，我还回她『好的好的』。」罗志祥更笑指姜涛经常心情不好，但明白年纪轻轻的他有很多压力，但幸好有姜糖们的支持。

罗志祥即场邀请姜涛做香港演唱会嘉宾

罗志祥即将在香港举办演唱会，在台上更即场邀请姜涛做嘉宾。听到偶像邀请自己做嘉宾，姜涛即刻笑到见牙唔见眼：「一定要，一定会！你说的喔，有好多人看着喔。（因为他很忙，我不知道你档期可不可以。）我跟你讲干什么我都会给他推掉！」

为亡友哽咽唱《Dear My Friend》：相信佢都喺度

姜涛今次在头3场演唱会中都没有演唱为亡友而作的《Dear My Friend》，令不少网民和歌迷都感到非常惊讶，事关大家都知道此曲对有义气的姜涛来讲非常重要。不过姜涛果然没有令大家失望，到最后一场惊喜献唱《Dear My Friend》，并指想在第一个演唱会将此曲献给亡友，相信对方亦有到场支持自己，在献唱期间更一度忍不住哽咽：「对唔住，我同自己讲唔再唱呢只歌，但係我始终觉得我唔捨得，我相信嗰个朋友而家喺度，我知道喺我人生第一个演唱会入面，我相信佢喺呢一度，所以我都希望佢会听到呢一只歌！」

畀乌蝇狂围吓到弹起：点解最后一场会咁？

当姜涛唱完《我只在乎你》之后，姜涛突然于台上左闪右避，原来係有只乌蝇围住姜涛飞，搞到姜涛吓到弹起：「有只嘢嗡住我！尾场搞啲咁嘢！」无论姜涛点样拨开，只乌蝇依然围住姜涛转，姜涛到最后都无言接受：「点解要追住我！有咁多人！连动物界都嚟睇啊！」

台上台下星光熠熠 毛舜筠、Do姐都嚟捧场

尾场除了有罗志祥做嘉宾之外，台下亦星光熠熠，不但有Gin Lee李幸倪、Alina李炘颐、同门师妹Win Win同Ash到场支持，仲有前辈Do姐郑裕玲、毛舜筠都有到场支持。最令人估唔到嘅係TVB御用绿叶马海伦昨日已有入场捧场，并且在社交平台留言感谢「姜糖」大方送礼物畀自己。

听小猪话唔打边炉 亲揭今晚选曲理由

演唱会结束后，传媒朋友都纷纷恭喜姜涛可以打边炉，但姜涛就笑指：「小猪头先叫我唔好打边炉，咁我就唔打边炉喇，佢讲乜我都听。」姜涛亦透露选择与罗志祥合唱《No Joke》和《够了》两首歌的原因：「两只歌都有各自嘅意义，《No Joke》就係第一次开Mini Concert嘅时候，我拣咗佢呢首歌嚟跳。第二首《够了》就係我同佢都面对好多外界嘅声音，但我哋都觉得呢首歌好中我哋想讲嘅心声。」

好奇林海峰对自己想法：好希望佢畀啲指点我

当被问到为何会找林海峰担任首场嘉宾时，姜涛解释指一直都很好奇林海峰对自己的想法：「其实我一直都有好多嘢想问佢，我好想问吓佢对我嘅睇法，好希望佢畀啲指点我。因为我觉得林海峰前辈谂嘢都好跳，所以我好好奇佢係点样谂我。」姜涛又大讚林海峰：「我好开心佢将我一啲可能会畀人笑嘅嘢，攞嚟做一个好好嘅玩笑，令我同大家都好开心，可以化解咗佢。」

笑指姜妈妈钟意听人叫「奶奶」

姜涛于今次演唱会首场中表示当姜糖做屋企人，令姜糖们都话可以名正言顺叫姜涛妈妈做「奶奶」，就此姜涛就笑指：「好啊，嗌啰。我阿妈都钟意听嘅。」对于姜涛妈妈以「性感打扮」到场支持乖仔演唱会，姜涛就无奈回应道：「我阿妈真係Control唔到，佢开心就得啦，唔好限制佢衣着，我有时睇啲相我都唉…其实我都话根本就唔係我想做Artist，係佢想做Artist。」

一齐睇姜涛足本访问：

辛苦晒姜涛一连四场演唱会！

福利视频，稀有资源请前往新站下载：zuisiji.top