早前Dee哥（何启华）曾在ViuTV节目《ERROR暑期自作业》中被医生检查前列腺，证实其前列腺好健康，日前ERROR四子出席英皇电影《阴目侦信》首映礼，就再度讲到Dee哥前列腺的话题，Dee哥仲答应如果票房达到5,000万，会让三位队友193（郭嘉骏）、保锜同肥仔（梁业）亲吻其前列腺！

阅读全文

《阴目侦信》Dee哥解释「亲吻前列腺」承诺由来

ERROR四子接受访问时，讲到「亲吻前列腺」这个承诺的由来，Dee哥就解释是之前在录影《爆谷一周》时讲的（这集将于本周六8月12日播出），但当时只是出于斗气，今日再讲就好认真，不过他直言好有信心，认为以港产片来讲5,000万係好难达成，193立即在旁表示愿意降低标準：「4,000万我哋就锡阿Dee前列腺！」

193企图降低票房标準被拒

Dee哥即时拒绝，并反建议：「不如4,000万你哋3个露前列腺，我锡啦！」193和保锜即坚决拒绝，193更再度提出降低标準：「3,000万阿Dee都会攞前列腺出嚟，但我哋唔锡，净係叫佢攞出嚟！」但被Dee哥坚拒表示：「唔会，冇啲咁嘅事！」

193强调好认真：屎都食过啦！

访问期间肥仔封Dee哥为「前列腺哥」，Dee哥反击指会以主观镜头拍摄他们锡前列腺：「佢哋完全误会晒，个镜头係影佢哋点锡我个前列腺，而唔係影到我前列腺点样畀佢哋锡。」保锜则指这是票房暗黑兵法，更指5,000万就可以睇到Dee哥前列腺，仲要係起势舐同锡，好抵。193就强调唔係讲笑：「舔之嘛！屎都食过啦！有咩未试过，无所谓！」

193质疑Dee哥被检查前列腺后转「基」

此外讲到同Dee哥夹份开食肆的MIRROR成员Alton（王智德）日前在社交网公开「通缉」Dee哥，要求他应机，肥仔即踢爆Dee哥长期唔覆机，193更指：「有时话同个靓女出嚟佢都唔出，唔知係咪前列腺检查完转咗性取向。」Dee哥就话活动前已经回电了Alton，又笑言除了睇剧本会即覆外，向来都不会回覆三位队友。

保锜为续集改定名

访问中193话见到投资係1,100万，好担心电影回唔到本，又讲到监製承诺有2,000万票房会开续集，希望做到好似《阴阳路》系列一样：「因为电影係网络小说改编，原着仲有好多篇唔同故仔，所以可以长拍长有，如果票房好嘅话，拍到《阴目侦信》4567都得。」保锜更为续集改定名，包括有《阴湿侦信》、《阴目再侦信》、《阴目係咁侦信》等，可以不停延伸下去。

周家怡拒为电影票房晒线

周家怡就笑指ERROR四子拍戏期间经常口花花撩女仔，郭思更爆四子经常向周家怡「求包养」，保锜仲专向事业型女士埋手，周家怡解释：「佢哋见一个就求一个，我都唔明点解以为我有钱，我仲要还Loan，係咪想帮我还？」又笑指自己冇前列腺，只有坑，但不会骚出来，如果票房有5,000万，亦只可以骚髮线，郭思就表示可以考虑骚事业线。阿正就指在片中跟肥仔有借位亲吻的镜头，笑言若有更多戏份，不介意真锡。

即睇ERROR访问片段：

睇埋《阴目侦信》终极预告：

福利视频，稀有资源请前往新站下载：zuisiji.top