张致恒（Steven）同老婆区燕雯（雯雯）结婚4年，育有3名孩子，但二人感情却不太稳定，雯雯经常将家家事摆在网络世界，更Keep住提离婚一事，因此被网民封做「离婚界KOL」！最近雯雯又被爆出怀孕的消息，同时雯雯网上大呻有经济压力，话要搞会员制大爆家中事，用途是帮补家庭。但临盆在即的雯雯在会员制IG再次数臭张致恒，并表示要结束会员制。

阅读全文

雯雯千字文再次数臭Steven结束会员制

早前张致恒Steven同老婆区燕雯（雯雯）一家五口去行书展，以为二人準备好返，点知近日雯雯又再喺IG放负，指Steven五年嚟都无安守本份，仲係咁沟女仲要数自己老婆等，内文如下：

的确我係好失败，我承受唔到外界嘅打击，甚至压力。今日嘅新闻导致我变咗骗子。收到好多msg，话我借张致恒出位，如果唔係边有人识，但我从来冇谂过要出名甚至做一个名人，我只係已经被逼到爆煲，谂唔到其他地方去发洩，所以就会不停打一啲嘢出嚟，去发洩自己嘅不满同情绪或者委屈。

我从来冇谂过后果，亦都冇谂过之后会发生嘅事，我只係嗰一刻好辛苦，所以就打出嚟，而去到要做一个收费嘅平台，一来我唔想有啲黑心或者根本唔係关心自己嘅人出现喺平台，二来我就嚟要生，唔係偷唔係抢唔係犯法，我都需要谂尽办法去找钱畀屋企交租同生活，咁啱有IG咁样提议我就尝试。

试问有边个会锺意畀人笑做小丑，甚至不停畀人闹？但係我冇办法，我搵唔到呢笔钱，我成个屋企就会瞓街，我又可以点样选择，畀人话乞儿畀人话嘅所有嘢，一个正常嘅人都唔会开心，但係我一直同自己讲捱过咗，呢一段时间嘅时间就会好，一定要过到而家先有之后。

谂番（返）转头，点解我会变到咁癫点解我要不停发洩我嘅不满？可能係因为受嘅伤害已经去到极限，承受嘅委屈已经去到冇可能再收埋，你要去怪我去製造负面新闻倒你米？影响你嘅事业？甚至所有嘢？

点解你唔谂吓五年裏面，你有冇真真正正改变过安守本份？我喺屋企捱生捱死，大住肚照顾小朋友，你有畀任何嘅金钱我哋去食饭买奶粉尿片睇医生？我都係靠自己，不停搵朋友，嗰段时间，我从来冇质疑过你任何嘢，我只係同自己讲好快就会过，你好快就会返嚟，但係结果我换来嘅係乜嘢？你沟女对住啲女仔去数自己老婆嘅时候，你又有冇谂过我？

我今时今日公开去讲你去发洩，我相信你嘅伤害唔会够我大！我一次又一次原谅你畀机会你，甚至再一次怀孕，但係你从来冇悔疚心，只係怪我点解要公开，无可奈何，我而家冇能力，一定要人帮手，但係我相信我生完我一定会有出路，我唔需要再停留喺度…

至于个收费IG，好多谢真正支持我嘅人去之前（支持）我同关心我，但无奈我好失败，我承受唔到外界嘅评论甚至打击，所以过埋今个月我会取消。预先畀咗钱嘅朋友，我会退番钱俾你哋，我希望从此之后所有嘅人都可以放过我。

张致恆1拖3行书展 做个尽责爸爸

张致恆早前被人拍到与雯雯带住3个儿子入场去书展做好爸爸。老婆雯雯身穿黄色连身裙、白色运动鞋，由于她正佗住第4胎，张致恆就负责照顾3个仔仔。张致恆面露笑容，一个人孭住孻仔，手推住大仔及二仔坐住的BB车，虽然辛苦，但画面好温馨。张致恆亦有在IG分享大仔、二仔坐在BB车上看图书的片段，留言︰「细个自己去动漫，大个同个仔睇图书。」有网民见到张致恆努力照顾孩子，都大讚「贴地做人」、「同老婆雯雯形成强烈对比」！

小食店打工被野生捕获

早前有网民在小食店巧遇工作中的张致恆，仲拍照放上社交网。有网民认为毕竟张致恆肯自力更生，唔好打扰别人；亦有人就觉得张致恆北上登台仲好，亦建议其他收入更好的工作。

张致恒雯雯认陀第4胎 搞＄50会员制帮补家计

张致恒同雯雯2019年奉子成婚，3年诞3子，细仔去年6月出世，刚刚又宣布陀第4胎。雯雯早前声称停用旧有IG，却忽然出po公布大搞50元会员制，富二代KOL Sean Lam却大爆被雯雯拒绝，把本来已付的50元退回给他！

雯雯拒绝Sean Lam兼退还＄50

Sean Lam去年大爆Coffee疑出席饭局、KOL内幕、卖假货等，在网络人气高企。本来与老婆Toby Sin闹离婚又离奇和好，由爆料频道变成闲话家常频道，晚晚开直同网民吹水。雯雯爆再陀B，Sean Lam当晚（11日）在直播中谈及此事。他昨日连环出post被雯雯退款「大佬我课金想睇正能量啫，换来负能量，咩世界」、「做善事都要食柠檬」、「你有无试过喺街买旗，个小朋友话唔卖比你」。

Sean Lam问雯雯：我可以畀多啲钱！

Sean Lam又公开与雯雯的对话截图，雯雯指「我IG唔欢迎你，我比番50蚊比你」，Sean问：「发生咩事？係咪比太少？我可以比多啲真心想帮你」，雯雯回应：「唔係钱问题，係本身每个人嘅来意唔同」，Sean：「每个人都有自己嘅价值观，无必要去猜疑人地呀，最紧要小朋友开心」。而昨晚Sean Lam如常开直播，将被雯雯拒绝兼退钱一事分享，至约凌晨一点，雯雯用旧有帐号乱入，态度竟180度转变。

雯雯拒同钱作对！？入Sean Lam直播为自己宣传！

Sean Lam不停用「50雯」来称呼雯雯，又指雯雯搞会员制有财路，更帮佢计数，笑言可以大赚钱，雯雯留言：「数钱数到手软」， 又不介意被网民指她抢钱，雯雯留言：「你哋畀＄50我只係可以follow，如果想睇我哋嘈交就要畀＄100 」，Sean Lam搞笑指这盘生意有潜力可以上市，雯雯反问：「上市叫咩名好？uglymoney？」Sean Lam提议就叫「50雯」，雯雯话自己唔锺意呢个名，建议不如叫「雯50道阴影得唔得？」

雯雯自爆餵Steven饮奶

雯雯又不停跟网民互动，就算负评照顾回应，被人指是生仔机器，雯雯就问：「我做代母有无得谂？」Sean问网民张致恆第四个小朋友，应该改咩名，引来网民疯狂改名接龙，雯雯都玩埋一份：「张致富、张剪裤」。Sean老婆Toby Sin其后入镜加入直播，雯雯问Toby帮佢个BB改英文名，又大爆生兔B，预产期在八月。Toby同网民同指餵人奶期间难成孕，因为子宫收缩等等，雯雯竟自认是「喷泉」：「我啲奶唔係用嚟餵我啲仔」、「我餵畀Steven㗎咋」，更叫Toby小心啲：「Toby你要小心啲我，一阵食咗阿Sean」、「到时你喊都无用」，句句说话都零底线！

雯雯认怀上第四胎大爆就嚟产子

雯雯IG story连环放负，承认自己真係怀上第四胎，仲大爆埋已经差唔多要入医院产子，并强调佢生唔生呢胎同佢要唔要同张致恆离婚係无关係，佢声称：「我相信，只要我生咗之后，我肯坚持，无嘢係无可能」。雯雯表示佢会记得帮过佢的人，佢一定会记住，同埋佢亦认为自己一个女人都可以照顾起个家庭。雯雯最后坦言主动帮过佢的人，佢会还、会记住，而且强调无问过人拎一分一毫。

雯雯ig story连环放负:

雯雯开会员制 ＄50一个月

雯雯昨日「最后一post」表示要关闭该ig后，表示好多人follow佢的另一个「ig2.0」，不过太多人follow佢，搞到佢分唔到边个真心边个唔係，所以就有网民建议雯雯不如搞个会员制，一嚟阻吓不怀好意的人，顺手又可以帮补下屋企，收费为＄50一个月，叫大家有兴趣就dm佢。雯雯现时ig已改为私人帐号。

激动澄清「餵奶」论并非自己讲

她乱入网红Sean Lam直播口出狂言的报道出街后，雯雯随即在其IG发文澄清，表示在直播中留言的并非自己，兼暗示有人利用与她名字差不多的帐号假扮自己：「其实我都只係普通人，突然间变得咁有价值，真係多谢大家，我个Account係ugly_mama，嗰个好明显係Ugly___mama，3条线。我都唔再多讲，总之得啖笑！」不过，依然有不少网民不相信她的说法，认为雯雯为了令更多人「课金」而自编自导自演而成为焦点人物！

福利视频，稀有资源请前往新站下载：zuisiji.top