现年65岁的郑裕玲（Do姐）近期进军YouTube界，开设了个人YouTube Channel《The Do Show》，做埋YouTuber。最新一集《The Do Show》何超仪接受访问，大爆老公陈子聪曾身体出现状况，严重到差点死去，她讲到当时老公大动脉撕裂，除了险丧命更差点需要截肢！Do姐听完成个故事都话：「我听完Josie讲都好感动。」

阅读全文

The Do Show︳Do姐请嚟何超仪讲述老公陈子聪健康状况

Do姐YouTube Channel《The Do Show》最新一集请到请嚟何超仪做嘉宾，何超仪首度开腔讲述老公陈子聪健康状况。陈子聪于2016年，被发现腹部鼓胀，原来因为肝硬化出现问题要入院接受治疗，后来好返后再发现直肠炎，都成功治疗，但因为咁都出现暴瘦的问题。另外超仪想讲另一件事係早前老公大动脉撕裂一事：「其实我今次上嚟係想借我老公大动脉撕裂，直情係爆裂咗呀，呢个case嚟到同社会上嘅朋友讲，原来呢个病我哋一路都无乜点留意嘅，亦都係一个沉默杀手嚟嘅，同埋係无乜病徵，但原来又可以做body check嘅，可以特别要求check呢样嘢。」

陈子聪出现大动脉撕裂

超仪讲到老公大病后，认为身体好返，又开始大吃大喝，直到去年10月陈子聪出现大动脉撕裂。当时陈子聪回澳洲探亲，食咗好多虾饺，后来觉得盘骨唔舒服，以为自己整亲腰。何超仪指陈子聪眼见面色已有不妥，但唔知咁大件事。喺澳洲最后一日时，陈子聪个肚好痛，车入去医院时，佢已经晕咗，入咗急症室。全身检查后，发现陈子聪出现大动脉撕裂，一肚都係血，「照完晒好多嘢之后，医生同佢讲话佢个动脉爆咗，肚脐以下嘅大动脉係爆裂咗喇，应该肚痛係因为一肚都係血。依家唔使讲咁多嘢，畀个机会佢打一个电话，佢就打咗畀我。」当时陈子聪说不到话，由他父亲告诉Josie他现在马上要做手术了。

何超仪：有生命危险出现截肢问题

陈子聪在抢救过程中，身体出现好多状况，整个身体插满喉，换咗含硅胶的人工动脉，驳咗尿喉，又要洗肾又流出黑血等。手术完成后，陈子聪昏迷咗好耐，何超仪坦言当时医生同佢讲头一星期係危险期，好大机会活唔到，同埋只脚好冰开始发紫，何超仪就打俾香港的医生，每日记录低陈子聪的状况，话俾香港的医生知，发现有机会出现截肢问题，何超仪就每日偷偷哋自己揽住佢帮佢暖脚。陈子聪最后大概一个月左右先醒返，医生指佢有机会一世都需要洗肾。

陈子聪感激何超仪

陈子聪开始接受物理治疗，康复稳定后，透过玛丽医院搵嚟教授帮忙，最后陈子聪坐医疗专机返港再次接受治疗。何超仪喺呢段时间不断鼓励佢，但表示自己都忍唔住躲于房间中喊，不过为了自己keep住健康，就无再喊。医护表示现时陈子聪要一世背尿袋，但陈子聪唔想，何超仪就搵嚟全球最好的医生，去美国重建尿道。最后Do姐打咗俾陈子聪，陈子聪都表示好感谢何超仪，喺呢种情况下一直咁样照顾佢，经历咗今次之后更加珍惜生活、生命。

何超仪：佢只係一个啦啦队

影片最后2人互相拥抱，Do姐表示：「我冇嘢可以帮到你，我只能俾你一个拥抱，你经历咁多，今次一定成功，子聪一定没事。」何超仪都表示自己无乜嘢可以做到，佢只係一个啦啦队嚟。

一齐睇片：

网民：好欣赏何超仪 获封绝世好女人

网民睇完影片都表示好欣赏何超仪，更封何超仪为绝世好女人「好欣赏Josie，佢修养有情义不炫富，谈吐有教养，呢啲才是真正的名媛，祝福陈子聪手术成功早日康复，Josie心想事成」、「简直叹为观止的思维和最强大的求生意志 两夫妻真是太棒了」、「何小姐你好勇敢又有情义，多谢你的分享，你对先生的爱护和支持令我好感动，彻彻底底履行对婚姻的承诺，祝福你先生手术成功，和你一起健康快乐到白头！」、「听到她为了帮子聦暖脚而强饭加衣，每天吃大份早餐及穿厚衣服，只为要自己身体有热量时，真的被她的无私感动不已。」

福利视频，稀有资源请前往新站下载：zuisiji.top