MIRROR饮食王国接连重挫！继早前MIRROR和ERROR成员有份的串烧店宣布结业后，近日又有网民留言大爆串烧店的黑丑闻，闹爆消费昂贵，除了最低消费要 500，5串串烧卖成＄588，实在夸张！

阅读全文

网民大爆「影之鸟」5串串烧＄588 网民澄清

似乎有帮衬过的网民爆料，指「影之鸟」有最低消费每人＄500，book位要预缴，仲话一人串烧set，包括牛舌、椒盐鸡翼、鸡颈、青椒、甘荀，共5串卖成＄588，未计加一，狠批「唔执先奇！」唔少网民留言都表示惊讶「癫过食神」、「$588 5串串烧 难怪会执笠」、「水鱼餐厅」、「5条有2条係菜 588yen都觉得贵」、「以为係日元」、「粉丝是割韮菜本钱」、「唔讲以为加咗鱼子酱」、「FatBoy自己食唔食得饱？」、「588蚊食到善良同孝顺既感觉，抵啦」、「肥仔开间自己都食唔饱嘅餐厅」，不过有网民反击澄清指$588唔止5条串烧，有寿司同刺身，第二位可以半价。

「影之鸟」负评镜粉大闹4宗罪

睇返OpenRice「影之鸟」的食评，其中一个负评指自己係镜粉，係真实食评家。首先指book位时已4大规则，1最低消费每人＄500，2是book位时需要预缴费用，3是用餐时间为1.5小时，4食甜品「九龙珠」一定要预先book定。该镜粉指book位时已感觉不安，认为餐厅太多限制，佢係嚟享受美食，感觉有啲赶客，但作为镜粉都决定要支持吓。事主去到后表示环境非常舒适，对环境非常满意。

不过第2个问题就係侍应服务态度就唔多掂，认为价格咁高，应该有优质的服务，结果因为侍应太忙，都无耐性去答佢问题，好似去咗茶记的感觉。

第3点，事主表示佢已经无拣贵价的食材，因为整个菜单都係偏贵，觉得串烧无太大的烹煮技巧，似乎性价比唔够高。

最后第4点事主认为因为用餐时间只有1.5，作为一间居酒屋已经唔啱，想倾吓计，饮吓酒慢慢食串烧都唔得，整体都感觉好赶客，为去一次就够。

价钱昴贵似中伏

而另一篇负评就有网民见佢哋门面几靓所以帮衬，指自己叫咗个寿喜烧牛肉锅，接近＄600，但得5片牛肉，而且有2片仲要係黑黑地，觉得自己中咗伏，表示其他食物都係唔好食。

「影之鸟」一开业即爆场 OpenRice多正评

该餐厅前年12月开张，粉丝花篮曾一度排到后巷！3人号召力惊人，「影之鸟」开放网上订座首日，一个半小时已经爆场，网上订座更试过排到2月中，花篮多到冇位放，迫爆亚士厘道！AK、Jer和肥仔找来日籍沖绳大厨仲泊大阿Nakadomari Takuma主理食材。当时AK、Jer和肥仔早前在「影之鸟」门前合照，宣布餐厅即将开张。睇返OpenRice「影之鸟」的食评，「影之鸟」正评多多指餐厅环境舒适，又门口放咗好多应援物，非常啱镜粉帮衬。

TVB艺人唔怕得罪方丈帮衬

在「影之鸟」IG可见，开张至今都有唔少艺人撑场，包括TVB艺人翟威廉、罗天宇、周志康、谭嘉仪，唔怕得罪方丈嚟帮衬，另外仲有Collar 成员Day、Ivy、Candy 同Winka都有来捧场。

OpenRice：烧鸟店已结业

OpenRice Hong Kong FB专页前天（15日）发帖表示：「突发 AK、Jer@MIRROR +肥仔@ERROR 烧鸟店已结业」。涉事餐厅就是AK（江熚生）、Jer（柳应廷）、肥仔（梁业）尖沙咀串烧店「影之鸟」。从OpenRice网站可见，该餐厅写了「已结业」。

「影之鸟」IG证实消息网友爆料：上个月无晒佢地嘅应援

另一方面，「影之鸟」官方IG亦证实了此消息，发文表示：「感谢大家一直以来的支持，本店已于8月15日结束营业。订座退款将会陆续安排，不便之处，敬请原谅。再次衷心感谢大家的支持。」不少网友留言：「上个月无晒佢地既应援，之后AK阿哥出既story, 都估到有事发生」、「好唔捨得」、「留下美好的回忆有缘再见」

福利视频，稀有资源请前往新站下载：zuisiji.top