福利视频，稀有资源请前往新站下载：zuisiji.top

Edan吕爵安早前一连三场的个人演唱会早前圆满结束，他在演唱会过后连日转发网民挑机言论，示範如何活用「偶像三大金句」，不过就被网民再度攻击话佢小气。Edan今日（29日）在IG再发千字文，爆seed反击网民的批评，更企出嚟为艺人发声：「我唔认同做艺人就要哑忍」。

阅读全文

Edan千字文反驳网民批评

Edan早前在个人演唱会中，提到可用3句金句回应：「感恩感恩」、「应该可以嘅，但我要问下经理人先」及「呢条係一条好好嘅问题」，就能回应击退各方批评或刁难和攻击，近日Edan更亲自在IG转发酸民的DM，示範如何活用以上三句金句，不过就有网民认为Edan太不顾偶像形象，转Po网民的攻击DM行为未免太小家。

edan 千字文 Edan Edan在演唱会提出要用「偶像三大金句」来回应网民攻击。 — Edan在演唱会提出要用「偶像三大金句」来回应网民攻击。（图片来源：IG@edanlui）

大篇幅回应网民批评

Edan今日就发出千字文反驳网民批评，对于外界指自己小家，他回应指自己一直「接受理性、坦白嘅意见」，不介意有礼貌的批评获意见，但部分网民故意DM人身攻击、刻意扭曲自己的原意，所以才会转发DM对话表达自己的不满。他直言：

「梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛。」

「我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。」

edan 千字文 Edan在骚后公开Hater DM，传话人明显来自MIRROR另一成员的粉丝，Edan加上惹火点评「皇帝唔急太监急」。 — Edan在骚后公开Hater DM，传话人明显来自MIRROR另一成员的粉丝，Edan加上惹火点评「皇帝唔急太监急」。（图片来源：EdanLui@IG）

edan 千字文 Edan在演唱会的小剧场环节，引述两年前媒体的「举中指」事件玩自嘲，不过怀疑被姜涛Fans疯狂DM投诉，尾场下图）索性将「姜涛甜蜜反击」的图文删走，集中自嘲举中指的行为。 — Edan在演唱会的小剧场环节，引述两年前媒体的「举中指」事件玩自嘲，不过怀疑被姜涛Fans疯狂DM投诉，尾场（下图）索性将「姜涛甜蜜反击」的图文删走，集中自嘲举中指的行为。（图片来源：网民提供）

企出嚟为艺人发声：我唔认同做艺人就要哑忍

Edan指虽然有网民会叫自己「唔好理啲haters、无视佢Block咗佢就算」，但Edan指艺人都係人，有权表达不满或反击网民的攻击，但外界却以「偶像、艺人係唔应该反击」的潜规则去禁止艺人表达感受：「艺人都係人，艺人都会有感受，但个世界好似禁止咗艺人有感受/表达感受」、「好多人就係藉住『偶像、艺人係唔应该反击』哩条规则而为所欲为。而好多Artist都因为哩条『潜规则」而选择『哑忍』，殊不知内心已经千疮百孔，甚至情绪病」。

edan 千字文 Edan Edan向来敢言，今次更为一众艺人们发声，认为艺人有权表达不满或反击网民的攻击。 — Edan向来敢言，今次更为一众艺人们发声，认为艺人有权表达不满或反击网民的攻击。（图片来源：东方新地）

网民大讚Edan反驳得有条理

今次Edan出尽力反击网民挑机，为一直受到攻击的艺人发声，不少网民都留言大讚Edan反驳得有条有理：「有文有路既，讲野公道、识捞」、「认同既，但佢够多fans先讲得先多人支持，呢堆野係tvb人讲就一定比人闹死，希望佢都帮下一直被欺凌既艺人发声」、「佢愿意用自己嘅影响力去讲都算係咁」、「今次反镜都撑佢」。

edan 千字文 Edan 网民大讚Edan今次反驳得有条理，就连「反镜粉」都留言力撑。 — 网民大讚Edan今次反驳得有条理，就连「反镜粉」都留言力撑。（图片来源：东方新地）

Edan反驳网民攻击全文：

好啦，本身谂住开Live先讲，但见有人开始担心我冇PR，觉得我係嬲猪，觉得我个人唔humble，我惟有早啲同大家分享下我嘅谂法同目的啦☺️(白纸黑字写低都好嘅??)

1. 你係咪唔可以俾人话啊？

其实不嬲我都好接受理性、坦白嘅意见(如果唔係我都唔会cut短talk part啦?‍?)，因为我都好想做好啲继续进步好唔好睇，好唔好听，好唔好笑，完全係base on个人喜好，咸鱼青菜，各有所好，唔锺意係完全冇问题，我亦都好乐意接受。但如果係直接msg我一啲人生攻击，完全扭曲我原意嘅嘢，我就真係想讲句「有心啦！」❤️

2. 你唔好理啲haters啦！无视佢Block咗佢就算啦！

其实个个都会咁讲，但我可以分享一个比喻俾大家feel下其实係咩感受?「你俾人好大力打咗一巴落块面到，然后身边嘅人同你讲:「算啦，有佢啦。」」喂大佬！我块面仲痛紧㗎喎！点无视啊！艺人都係人，艺人都会有感受，但个世界好似禁止咗艺人有感受/表达感受。

3. Po dm出嚟好小家，好冇PR。

首先，讲真，你公海_我我真係算数?你直接msg我，但係又唔俾我公开(名都遮埋啦喎)，哩个係咩logic???再讲真，我梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛????

咁点解我要咁样做呢？就係因为我想俾大家知道做偶像做艺人每日係会suffer啲乜嘢好多人就係藉住「偶像、艺人係唔应该反击」哩条规则而为所欲为。而好多Artist都因为哩条「潜规则」而选择「哑忍」，殊不知内心已经千疮百孔，甚至情绪病。我比较好彩，我心脏真係算强大，情绪都算係比大部分人稳定。但当我发现连我都会被哩啲嘢牵动情绪嘅时候，我想尝试去做少少嘢，想尝试去改变少少嘢。我唔认同做艺人就要哑忍、就要硬食，我相信只要你唔係发脾气，你有道理，你有礼貌地表达，总有明白事理嘅人係会明白你係会支持你。

4. 将心比己

其实老实讲，街外大把唔锺意我嘅人，但佢哋係唔会浪费时间特登走去睇我啲嘢仲走嚟dm我㗎??所以我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。我想改变嘅嘢唔係净係想唔好再有人嚟_我(我亦都冇咁天真觉得我咁样讲完就会冇)，而係希望大家可以将心比己，其实大家无仇无怨，冇必要製造咁多负面嘅情绪，哩啲完全係vicious cycle。如果你哋控制唔到，发现_完我先会舒服啲嘅，咁不如你哋dm闹完之后同我讲声：「辛苦晒，我舒服了。」咁我可能都可以当係做咗善事，唔放喺心到? (当然可能你哋就係想我放喺心??)

5. 总结

讲咁多，其实都係想大家做人relax啲，同埋想话俾大家知其实所有人都只係一个普通人。哩一年发觉，做人要经常开心事事顺利身体健康其实一啲都唔容易，每日都有好多不幸嘅事情发生，其实好多人都过得好「苦」。喺咁嘅前提下，点解仲要想去製造更多嘅「苦」，又何必呢？不如真係试吓放鬆啲，尝试欣赏多啲or用另一个角度去睇嘢，可能大家都会开心啲。唔锺意咪唔好睇啰，但冇必要伤害人姐，right?

最后我想讲我唔係话个个人都要好似我用咁嘅方式去表达，每个人都有佢嘅自由同方法同capacity去应对，但我相信每一个人(包括艺人)都係绝对有权去有礼貌地表达自己的。

其实我个talk show就係想表达类似嘅嘢，有机会再同大家分享多啲?欢迎大家去youtube参透下☺️

讲完，感恩感恩