男团MIRROR成员AK（江熚生）早前因回应队友成员Frankie（陈瑞辉）有关年底颁奖礼的出席安排时，以一句「点会问Frankie㗎」惹争议，昨日（4日）他出席电影活动时大方回应事件，又大讚Edan（吕爵安）早前在社交平台上回应恶评的千字文做得好！

阅读全文

「膊头有花论」惹热议 网民质疑团队内部不和

早前Frankie在出席活动时，被问到MIRROR年尾是否会缺席各大颁奖礼，他当时表示收到公司通知，但不清楚有SOLO的队友们会否出席颁奖礼，当AK再被追问有关年尾的颁奖礼时，竟然说：「点会问Frankie㗎」、「大家嗰阵时太过鲁莽，应该问个膊头有花，问副队长㗎嘛呢啲嘢」等言论，引起网民们不满，认为他「唔畀面」和踩低队友。AK昨日开腔回应事件，表示自己和Frankie的感情很深厚，不是几句话就能影响到的，粉碎团队内部不和的传言。虽然网民们因为AK的言论而猜测他与Frankie之间的关係，但是事件的另一位主角一于懒理传言，孖Lokman及Alton一同现身戏院观赏首映礼，并在社交平台上「打卡」大讚：「无得顶呀！做得好好」和标注了AK，而AK亦有转发该限时动态并回覆：「Thanks bro」，可见二人的关係并非如网民推测般恶劣。

大讚Edan为艺人发声 认同：Artist都係人

Edan于演唱会期间连日来被网民以不同的途径骚扰及恶意攻击，令他最终忍无可忍反击回应恶评，在IG长文中提及「我唔认同做艺人就要哑忍、就要硬食」、「想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人」，AK在访问时更大讚Edan做得好：「well said，真係叻仔！」他又表示haters们的恶意行径对行业风气不会有任何帮助，希望大家能够做到将心比己。

AK澄清MIRROR不出席颁奖典礼传言

对于有指MIRROR将会缺席2023年尾及2024年初所有颁奖礼一事，身为MIRROR副队长的AK早前出席活动时回应指：「大家嗰阵时太过鲁莽，应该问个膊头有花，问副队长㗎嘛呢啲嘢，点会问Frankie㗎？我哋係好想出席颁奖礼，公司宜家协商紧个行程点做，因为我哋嗰阵时应该要排演唱会，但係宜家就仲係度紧个期，睇吓点样排到演唱会又可以去到颁奖礼。」AK指颁奖典礼是每年一年一度的乐坛盛事，自己亦很想出席颁奖典礼与其他歌手交流切磋。

Frankie承认缺席颁奖礼準备演唱会排练

Frankie（陈瑞辉）早前出席公开活动时，对于MIRROR年尾缺席颁奖礼一事作回应，他承认自己有收到公司通知，但不知道其余有份SOLO的MIRROR队友会否缺席颁奖礼。Frankie表示非常想出席颁奖礼的盛事，但可惜每年演唱会排练都非常赶急，而且每次完骚后都觉得本应可以更熟练，所以对于公司今次的决定以示尊重。他续称，尤其今次是补场，所以觉得应该要作更多準备交出good show。至于今次演唱会的保险会否加大，Frankie则表示不清楚。

叱咤903节目副总监未收到通知

当奴作为叱咤903节目副总监，他于上周六（26日）出席电台活动时被问及MIRROR年底将缺席颁奖典礼一事，表示尚未收到任何通知。他称距离叱咤颁奖礼还有4个多月，现时只是筹备主题方向的阶段，还有很多变数，亦要等有关方面去通知确定MIRROR会不会出席。当奴又称，不论MIRROR会否出席，都不会影响得奖结果。

Edan自爆收黑粉DM质问 以3句金句回应

Edan在首场演唱会中播出恶搞MIRROR成员的影片，更扮姜涛在街头学「姜糖」举灯牌，却惹黑粉不满留言狠批Edan将队友「摆上檯」，Edan在第2场自爆疯狂收闹爆自己的DM。他完骚之后，今日（28日）在IG公开自己反击黑粉的截图，并教大家面对所有黑粉时都只用3句作回应：「感恩感恩」、「应该可以嘅，等我问下我经理人先」、「呢条係一条好好嘅问题」，更直言：「有呢三句应付真係个心都舒服啲，希望大家做人都可以relax ddddd，应该会过得开心啲啲！」

大篇幅回应网民批评

Edan今日就发出千字文反驳网民批评，对于外界指自己小家，他回应指自己一直「接受理性、坦白嘅意见」，不介意有礼貌的批评获意见，但部分网民故意DM人身攻击、刻意扭曲自己的原意，所以才会转发DM对话表达自己的不满。他直言：

「梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛。」

「我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。」

企出嚟为艺人发声：我唔认同做艺人就要哑忍

Edan指虽然有网民会叫自己「唔好理啲haters、无视佢Block咗佢就算」，但Edan指艺人都係人，有权表达不满或反击网民的攻击，但外界却以「偶像、艺人係唔应该反击」的潜规则去禁止艺人表达感受：「艺人都係人，艺人都会有感受，但个世界好似禁止咗艺人有感受/表达感受」、「好多人就係藉住『偶像、艺人係唔应该反击』哩条规则而为所欲为。而好多Artist都因为哩条『潜规则」而选择『哑忍』，殊不知内心已经千疮百孔，甚至情绪病。」

网民大讚Edan反驳得有条理

今次Edan出尽力反击网民挑机，为一直受到攻击的艺人发声，不少网民都留言大讚Edan反驳得有条有理：「有文有路既，讲野公道、识捞」、「认同既，但佢够多fans先讲得先多人支持，呢堆野係tvb人讲就一定比人闹死，希望佢都帮下一直被欺凌既艺人发声」、「佢愿意用自己嘅影响力去讲都算係咁」、「今次反镜都撑佢」。

Edan反驳网民攻击全文：

好啦，本身谂住开Live先讲，但见有人开始担心我冇PR，觉得我係嬲猪，觉得我个人唔humble，我惟有早啲同大家分享下我嘅谂法同目的啦☺️(白纸黑字写低都好嘅??)

1. 你係咪唔可以俾人话啊？

其实不嬲我都好接受理性、坦白嘅意见(如果唔係我都唔会cut短talk part啦?‍?)，因为我都好想做好啲继续进步好唔好睇，好唔好听，好唔好笑，完全係base on个人喜好，咸鱼青菜，各有所好，唔锺意係完全冇问题，我亦都好乐意接受。但如果係直接msg我一啲人生攻击，完全扭曲我原意嘅嘢，我就真係想讲句「有心啦！」❤️

2. 你唔好理啲haters啦！无视佢Block咗佢就算啦！

其实个个都会咁讲，但我可以分享一个比喻俾大家feel下其实係咩感受?「你俾人好大力打咗一巴落块面到，然后身边嘅人同你讲:「算啦，有佢啦。」」喂大佬！我块面仲痛紧㗎喎！点无视啊！艺人都係人，艺人都会有感受，但个世界好似禁止咗艺人有感受/表达感受。

3. Po dm出嚟好小家，好冇PR。

首先，讲真，你公海_我我真係算数?你直接msg我，但係又唔俾我公开(名都遮埋啦喎)，哩个係咩logic???再讲真，我梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛????

咁点解我要咁样做呢？就係因为我想俾大家知道做偶像做艺人每日係会suffer啲乜嘢好多人就係藉住「偶像、艺人係唔应该反击」哩条规则而为所欲为。而好多Artist都因为哩条「潜规则」而选择「哑忍」，殊不知内心已经千疮百孔，甚至情绪病。我比较好彩，我心脏真係算强大，情绪都算係比大部分人稳定。但当我发现连我都会被哩啲嘢牵动情绪嘅时候，我想尝试去做少少嘢，想尝试去改变少少嘢。我唔认同做艺人就要哑忍、就要硬食，我相信只要你唔係发脾气，你有道理，你有礼貌地表达，总有明白事理嘅人係会明白你係会支持你。

4. 将心比己

其实老实讲，街外大把唔锺意我嘅人，但佢哋係唔会浪费时间特登走去睇我啲嘢仲走嚟dm我㗎??所以我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。我想改变嘅嘢唔係净係想唔好再有人嚟_我(我亦都冇咁天真觉得我咁样讲完就会冇)，而係希望大家可以将心比己，其实大家无仇无怨，冇必要製造咁多负面嘅情绪，哩啲完全係vicious cycle。如果你哋控制唔到，发现_完我先会舒服啲嘅，咁不如你哋dm闹完之后同我讲声：「辛苦晒，我舒服了。」咁我可能都可以当係做咗善事，唔放喺心到? (当然可能你哋就係想我放喺心??)

5. 总结

讲咁多，其实都係想大家做人relax啲，同埋想话俾大家知其实所有人都只係一个普通人。哩一年发觉，做人要经常开心事事顺利身体健康其实一啲都唔容易，每日都有好多不幸嘅事情发生，其实好多人都过得好「苦」。喺咁嘅前提下，点解仲要想去製造更多嘅「苦」，又何必呢？不如真係试吓放鬆啲，尝试欣赏多啲or用另一个角度去睇嘢，可能大家都会开心啲。唔锺意咪唔好睇啰，但冇必要伤害人姐，right?

最后我想讲我唔係话个个人都要好似我用咁嘅方式去表达，每个人都有佢嘅自由同方法同capacity去应对，但我相信每一个人(包括艺人)都係绝对有权去有礼貌地表达自己的。

其实我个talk show就係想表达类似嘅嘢，有机会再同大家分享多啲?欢迎大家去youtube参透下☺️

讲完，感恩感恩

福利视频，稀有资源请前往新站下载：zuisiji.top