凭《天水围 Gang Gang》一曲为人所熟悉的香港独立饶舌歌手组合「光头帮TomFatKi」简称「TFK」，由肥仔、福正、阿奇组成，近日成员肥仔退团，仲大爆内部问题，以及福正KOL女友肥蛙3宗罪。其后成员福正亦有现身护航，仲大爆嫖妓！

阅读全文

光头帮｜肥仔千字文宣布退出：怒揭肥娃似足恐怖情人

TFK的肥仔昨日（9月4日）突然IG千字文宣传佢会退出TFK，其原因係同成员福正出现咗问题。肥仔先指出同福正由中学时已认识，係佢最好的朋友，后来再认识埋阿奇，3人一齐玩一齐做嘢，成立TFK，后来去到疫情时开始出现变化，肥仔开始暗示福正的KOL女朋友肥蛙恐怖女友行为，疑牵制福正TFK 3宗罪！

光头帮｜福正同KOL肥蛙拍拖 第一宗罪：开始意见多多

首先，疫情开始时，令3人感迷惘失方向，福正当时与KOL肥蛙拍拖，肥仔指肥蛙俾咗好多意见同想法佢哋，虽然好感激，不过肥仔就指出肥蛙自身的成功同佢哋的成功一定有出入，唔可以将肥蛙嗰套全套複製，但肥仔表示：「但係我尊重，因为福正除左係tfk之外，都係一个男朋友，我明白点解要提出呢d方向，所以我同阿奇一样，选择左迴避同沉默，唔讲伤害左大家关係既说话。我好感激你地既付出，我同阿奇因为个人感受拒绝，其实我地都好惭愧，要你拉住我地行咁，对唔住」。

光头帮｜第二宗罪：肥仔指福正觉得越黎越多人加入会分薄左利润

肥仔续说时间耐咗，核心思想唔同咗，以前成班人周围做嘢演出好开心，可以行得更远，「后来福正觉得越黎越多人加入我地係坏事，会分薄左利润，但我最享受既係一班人一齐玩一齐做野，而且我相信我地一班人力量大咁多，可以做到既野亦都唔係我地三个自己可以做到既，反而有机会可以令我地行得更远」。

2023年头去咗日本玩，肥仔以为可以藉此修补关係，将大家收埋喺心底的说话攞晒出嚟讲，点知返到香港即打回原形，令肥仔深受打击。继而演唱会出现成员提出退团、漠视成员意见、做到无觉好瞓等问题。

光头帮｜第三宗罪：监视其群组及其他对话 见面要录音

肥仔指出最令佢认为唔可以再落去的最大诱因，係因为佢哋发现「有自己人」一直容许女朋友登入佢嘅WhatsApp，一直监视佢哋群组以及其他对话，而佢哋全然不知，感觉被严重侵犯私隐，其后因为呢件事，大家无再沟通。不过最夸张嘅係，肥仔指出就算当面见面沟通，竟然要录影或者录音，令肥仔嬲到俾唔到反应，亦反思自己係咪真係对福正咁差先会搞成咁。

最后肥仔表示TFK无办法再行落去令佢非常心痛，已经收埋咗自己一段时间，向大家道歉，希望大家体谅。

原文如下：

光头帮｜福正护航回应 唔关女朋友事大爆嫖妓事件

福正其后亦有以千字文回应肥仔的控诉，千字文回应第一句就表示而家呢刻觉得最对唔住就係佢女朋友肥蛙，「去到呢刻我最对唔住嘅係我女朋友，因为呢刻都係保护紧我、肥仔、奇三个，无将我地「叫X」既事公开讲出来。即使我女朋友已经原谅左我地，但依家所有网络攻击反而只係攻击佢，佢咩都无做，但佢承受嘅係最多。难道我地（哋）咁大个人想屈一个女人？

其后直言完全唔关佢女朋友肥蛙事，肥蛙完全唔会干涉佢係TFK所有的决定，仲唔会迫佢俾任何对话佢睇，回应「whatsapp事件」只係因为佢无喺女朋友电脑登出，唔应该怪肥蛙，只可以怪佢自己。

光头帮｜录音只係保障自己不断约成员沟通但无用

录音事件方面，斥肥仔无将事实的全部讲晒出嚟，福正指当时因人威胁佢，同佢讲要将呢件事好好处理，所以为咗保障返自己先录音，而无录影。其后佢指过去呢半年，不断以唔同方式约成员沟通、接job、未来发展等，但换嚟的都係「已读不回」。

光头帮｜最想令TFK有主导权「分薄利润」只为保障3人利益

福正表示佢最想改变TFK只係想佢哋可以有主导权，而唔係要人批准先可以做作品，同埋有关「分薄利润」方面，佢只係想公平公道，保障佢哋3个人的利益，为咗维持营运，不过最后佢都表示係可以接受多于3个人，但亦无补于事。

福正最后表示最大感受就係自己被排挤，受侮辱，认为搞到今时今日最大原因唔係佢女朋友，而係拒绝沟通。

光头帮｜福正曾于8月尾交代TFK动向

TFK暂停更新后，福正8月尾于社交媒体交代动向，表示完show后3人无达到共识，需要停落嚟休息吓，而佢一直等紧团队的沟通，同回覆，但一直未有回应。

全文如下：

光头帮｜网民力撑肥仔：用揽炒嚟队班曾经嘅兄弟

网民普遍对于福正的回应都唔收货，更质疑福正的千字文唔係福正自己打「劲x醒 先用「call g」去标籤晒所有人先 然后再讲到自己几无辜 最后就屈晒肥仔全部人唔肯沟通但明明係「福正」自己打篇文地图炮x人先，不过呢篇写得几好 终于写返啱个「既」字 等人以为係福正自己打」、「打惯咗「嘅」字但又要扮係福正打「既」又真係好难嘅蛙姐 下次睇多几次先出post啦」、「你话点咪点啰蛙姐」、「用揽炒嚟队班曾经嘅兄弟」、「真係忽x咗，冇咗何图东城一丁做歌同mv你地红x到咩 仲好意思嫌人哋分你钱」、「揽炒真係好x核突 越爆越多嘢 撕破面皮就係你想要既结果？食相差到」、「咩叫咁样屈一个女人？唔通男人就可以屈？」、「好肉酸 要拎call g 呢单嘢出嚟「保护」女朋友」、「到底初心去咗边」。

福利视频，稀有资源请前往新站下载：zuisiji.top