MIRROR成员Anson Lo（卢瀚霆）今日（13日）到观塘出席饮品宣传活动，吸引了逾500位「神徒」到场支持，他在访问中回答了有关近日引起网民热议的「P图事件」，但竟然讲错了另一张图。此外在活动上他又被乌蝇围住，吓到他面容即时变色，成为继姜涛后第2位吸引乌蝇的MIRROR成员！

阅读全文

Anson Lo卢瀚霆 预告10月头出新歌

已完成新剧《社内相亲》拍摄的Anson Lo透露将会在10月头推出他今年最后一只派台歌，他笑言：「係一首快歌嚟，因为上一首出咗《浪漫杀死巨蟹座》，係一首慢歌，所以我就想出一啲完全100%唔同嘅嘢，就係由慢去到最快，所以今次首歌会係讲速度、我对工作嘅态度同价值观，同埋我呢几年嘅工作模式係点。」

解释做Gym并非为骚肌

而讲到新歌MV，Anson Lo表示会在今晚凌晨开拍，由于要跳舞，加上有不同场口和造型，至少要拍30个钟：「造型上今次係有个theme，係咩theme梗係唔可以讲，但应该係我完全未试过嘅，大家放心唔係啲骑呢嘢，亦都唔好expect好性感。」他笑指好多神徒见到他做Gym，都问嚟紧係咪要露肌肉，他解释：「其实做Gym係一个作为我呢个岗位一定要做嘅嘢，係为咗保持身型，所以你当做Gym同学唱歌、学弹琴一样就得，其实都只係学嘢。」

新团综有听过会去澳洲

而讲到新团综的目的地，Anson Lo指有听过会去澳洲和新西兰，但未confirm：「佢哋话係一个饮食节目，带我哋周围行吓街，食吓饭，畀我哋放吓假，但我哋都喺ViuTV嘅磨练之下，都会知道点只咁简单，实有啲嘢嘅，我谂都一定会有啲惊险嘅Task要做。」他续指预计会拍摄1个多礼拜，但详情要等公司安排。

新戏讲迷幻、人性

被问到年尾要拍的电影，Anson Lo透露拍完团综返港后就会开拍，而角色内容他表示已签了约，所以不能透露，只能说是他从未接触过的，比较迷幻和讲人性的剧种。

称Edan、姜涛大个仔唔使大家担心

访问中Anson Lo又讲到队友姜涛和Edan（吕爵安）近日的是非报道，他表示有睇新闻，但不会劝交，因为这件事不是他的位置去做。他指Edan同姜涛相识已久，私下兄弟情好熟，大家不用太担心他们友谊受伤害，因为大家都大个仔。

指花姐出手P图被误po

被问到最近引起网民热议的P图事件，Anson Lo解释事件竟然关花姐事：「有一次花姐攞咗张相嚟，係佢自己P嘅，跟住send畀我，但佢就send咗去official其中一条link度，咁我就冇谂咁多照download，po咗之后佢先同我讲你po错咗呀，但嗰时已经係讲紧三、四个钟之后嘅事，所以我就冇理由因为来自我嘅错漏而delete，只能够下次做好啲。」

原来摆乌龙讲错揽公仔相

但原来Anson Lo所讲的并非网民所指明显出现P图痕迹的照片，而是另一张他在主题乐园酒店揽住公仔影的相，该张相也有网民留言指出相中Anson Lo疑似「变脸」到令人认唔出：「张相係咪有啲唔对路？(我本人都好锺意Anson Lo)」、「我都觉得係，唔同咗样？」、「怪怪地」、「上唇唔见左」、「太唔似佢本身个样了」、「或者P图得过龙」、「真係tune得差」等等。

网民热议「长腿P图」P到背景全变形

而本身引起网民热议的Anson Lo疑似P图，是由公司团队处理，相中被指有明显P图痕迹，因为向来耳仔低过眉的他，耳仔亦被P到变高，腿长更被拉长到近两米，在他身后的木板、枱脚及插苏位都P到变晒形，引来网民热议：「这P图不够专业啊」、「果然喺P图教主」，连神徒都搞笑话：「咪挂住我地挂到腿都长晒？」、「期待你嘅新歌啦～长腿教主」、「捞捞目测有两米高」等等。

即睇Anson Lo 卢瀚霆 访问 回应P图事件：

Anson Lo 被乌蝇嬲全因太Sweet？

此外Anson Lo在拍照时，被一只乌蝇飞到头上，他笑指自己性格Sweet，加上手持蜂蜜饮品，所以才会吸引到乌蝇，而在接受访问前他又连续打了三个喷嚏，他解释是因为鼻敏感，又笑指今次是他出道以来首次在人前打喷嚏，又说他有一招秘技就是无声打喷嚏，可以谷返个喷嚏入去，就不会有飞沫。

早前姜涛亦被乌蝇吓到弹起

早前姜涛在演唱会上唱完《我只在乎你》之后，突然于台上左闪右避，原来係有只乌蝇围住姜涛飞，搞到姜涛吓到弹起，更发出尖叫：「有只嘢嗡住我！尾场搞啲咁嘢！」无论姜涛点样拨开，只乌蝇依然围住姜涛转，姜涛到最后都无言接受：「点解要追住我！有咁多人！连动物界都嚟睇啊！」

福利视频，稀有资源请前往新站下载：zuisiji.top