虽然中秋已经过咗，但仲剩咁多月饼点算好？《MM730 – 男女自然观察学会》中秋节正日（29日）就同大家发挥创意整「月饼料理」！佢哋玩到好尽，将月饼玩到极致，连「月饼榨汁」都出埋，真係无办法相信！

阅读全文

岑珈其听到都话「唔会想食」

岑珈其、杨安妮（WinWin）、许宝恆（Alice）、P1X3L 成员欧镇灏（George）同叶振弘（Marco） ，一开始同大家分享钟意食边种月饼，又分享奇怪月饼料理！坊间有番茄炒月饼、月饼捞饭等等，珈其听到都话「唔会想食」！Alice就讲一阵大家都要整创意料理，其他人未食已经劲惊！

三道菜都好重口味！

第一道 月饼生菜包 食评：食到最后有少少怪！

睇返呢三道菜，每道都好重口味！首先第一道係月饼生菜包，月饼切粒再摆入生菜，再加酱汁同粟米片。到了即场试食环节，Alice咬了一口即摆出黑人问号表情，不过又表示：「我觉得可以接受，刚刚咬下去係几好食，但食到最后会有少少怪」，Marco即说「唔加月饼就咁食都正」，惹起全场爆笑！

第二道 滑蛋香煎月饼 食评：唔得、唔夹！

来到第二道滑蛋香煎月饼，开始有啲伏伏地嘅感觉！做法就係厚切月饼，再加蛋液一齐煎，类似煎年糕。卖相吸引，但食完之后，个个都即刻大呼「唔得」、「唔夹」、「第一道仲有惊喜」，睇嚟一致都认为好伏！

第三道「终极大佬」月饼奶盖茶 食评：惊返唔到屋企团年

来到终极大佬，月饼变成饮品，用半个月饼加牛奶、忌廉芝士打成半体状，望落已经似「呕吐物」，众人闻了一下，更表示好臭！之后到将奶盖放上茶就大功告成。Alice表示「惊返唔到屋企团年」，WinWin就觉得要加多啲忌廉芝士，先冇咁难饮！

网友：那年中秋我们绽放如花

ViuTV玩食物，疯狂程度唔差过TVB，相信试过呢三道菜，亦可能会肚痾！网友纷纷留言：「那年中秋我们绽放如花」、「月饼榨汁好恐怖」、「煎月饼我觉得 ok 我熊仔饼都会叮黎食」、「製作组先试过」。

福利视频，稀有资源请前往新站下载：zuisiji.top