福利视频，稀有资源请前往新站下载：zuisiji.top

刚踏入26岁的梁庭欣（Verna）今日（10月11日）就代表香港，出发到东京参战《第61届国际小姐竞选》，不过大会日前公开了她即将在比赛中穿着的民族服饰造型照，却引起大批网民狠批肉酸，有网民更直指其设计似痰罐、天津冬菜甚至寿衣，令设计者都忍唔住要出声！

阅读全文

梁庭欣梁庭欣刚在本月10日踏入26岁。 — 梁庭欣刚在本月10日踏入26岁。（图片来源：IG@tingyanleung）

梁庭欣今日梁庭欣就出发飞到东京，準备参加本月26日举行的国际小姐选举。 — 今日梁庭欣就出发飞到东京，準备参加本月26日举行的国际小姐选举。（图片来源：IG@tingyanleung）

梁庭欣战衣由7位学生设计及製作

梁庭欣今次代表香港出战国际小姐选举，其民族服饰由香港知专学院（HK Design Institute）演艺造型设计高级文凭课程中的7位学生负责设计及製作，上面有好多香港本土特色，包括有当舖招牌、麻雀、龙凤、红双囍，以及「香港」和「东京」两个地名等元素。

梁庭欣梁庭欣的民族服饰左右膊分别写住「香」和「港」，下面当舖招牌有「东京」两字，手提袋仲有个红双「囍」。 — 梁庭欣的民族服饰左右膊分别写住「香」和「港」，下面当舖招牌有「东京」两字，手提袋仲有个红双「囍」。（图片来源：IG@tingyanleung）

梁庭欣裙襬左右边仲有Q版龙凤图案，同埋两只麻雀。 — 裙襬左右边仲有Q版龙凤图案，同埋两只麻雀。（图片来源：IG@tingyanleung）

网民狠批似「纸扎公仔孭住个痰罐」

不过网民就对这件代表香港的战衣好不满，纷纷狠批：「万圣节嘅鬼新娘造型」、「纸扎公仔孭住个痰罐」、「好肉酸，是咪中学生设计」、「好似寿衣」、「以为cosplay紧鬼灭入面只玉壶」、「或者适合长洲包山飘色巡游穿着嘅」、「天津冬菜」、「完全考验着上身个人去实践“只要自己唔尴尬就係人哋尴尬”嘅道理」、「攞你命3000系列，将所有嘢放埋一齐，就会有意想不到嘅效果」等。

梁庭欣服饰上的「东京」字眼被放在当舖「押」字招牌上，亦引起不少网民争议。 — 服饰上的「东京」字眼被放在当舖「押」字招牌上，亦引起不少网民争议。（图片来源：IG@tingyanleung）

梁庭欣有网民直指这件民族服饰好似痰罐。 — 有网民直指这件民族服饰好似痰罐。（图片来源：FB图片）

梁庭欣有网民就话好似《国产零零漆》入面嘅「攞你命3000」，将所有元素「炒埋一碟」。 — 有网民就话好似《国产零零漆》入面嘅「攞你命3000」，将所有元素「炒埋一碟」。（图片来源：《国产零零漆》截图）

梁庭欣获讚「救咗件衫唔少」

亦有网民大讚梁庭欣够靓才撑得起这件衫：「人靓、妆靓、衫怪」、「好彩个女仔生得几靓，个设计咁样都仲衬托到」、「Model姐姐几靓，救咗件衫唔少，但係呢啲level嘅衫，全香港除咗?蕙BB之外冇一个carry到…」事实上梁庭欣本身是模特儿出身，身高有5呎9吋半，今年初更曾到米兰时装周行Catwalk。

梁庭欣梁庭欣本身係Model，有5呎9吋半高。 — 梁庭欣本身係Model，有5呎9吋半高。（图片来源：IG@tingyanleung）

梁庭欣能够Carry到唔同嘅造型。 — 能够Carry到唔同嘅造型。（图片来源：IG@tingyanleung）

香港知专学院：同学仔以霓虹灯牌及麻雀作灵感

对于今次的服饰设计，香港知专学院日前亦曾在社交网出po，介绍这件「学生作品」的製作过程，并特别Tag出7位负责设计的学生，表示为他们感到非常骄傲，其po文如下：

过去两个月，有班同学仔暑假都成日出现係学校，就係为咗黎紧 26th Oct 係东京代代木举行嘅Miss International 选美赛事努力。

同学仔以香港独有既霓虹灯牌以及麻雀作为创作灵感，为香港表@tingyanleung_@missinternationalhk创作极具香港特色嘅民族服装

由搵灵感、画设计图、拣物料、出稿印布、画纸样到车缝钉珠，全部都係同学仔一手包办??

作品製作进入最后阶段，好快会出发到东京既舞台！

Stay Tuned ! ???

Extremely proud of you all

梁庭欣学院社交网公开同学们落手落服製作这件服饰时嘅过程。 — 学院社交网公开同学们落手落服製作这件服饰时嘅过程。（图片来源：IG@hkdicostumedesign）

梁庭欣梁庭欣赏同学们嘅设计时，都笑得好开心。 — 梁庭欣赏同学们嘅设计时，都笑得好开心。（图片来源：IG@hkdicostumedesign）

梁庭欣仲有拍摄造型照时嘅梁庭欣。 — 仲有拍摄造型照时嘅梁庭欣。（图片来源：IG@hkdicostumedesign）

设计者解释设计目就是为了吸noise、斗夸张

其中一位设计者则在社交网限时动态中解释他们的设计目的就是为了「吸noise同斗夸张」，所以这个设计现在某程度上已经成功了，同时他仲贴出一张以中式点心作主题的民族服饰照，不过这个造型并非上年《国际小姐竞选》的香港代表造型，而是2021年在泰国举行的「国际万国小姐」（Miss Grand International）中，香港代表Sen Yang参选时的民族服装造型：

应该咁讲啦，做创作有noise好过冇人讨论。其实呢个比赛民族服装呢part本身某程度上就係为咗吸noise同斗夸张，所以同学嘅设计已经算成功咗。有留意嘅话就知其实旗袍已经玩到烂晒，上年开始已经係玩呢啲。所以大家加油，再接再厉，习惯批评。

太多陌生讯息问候老母啦，开个story讨论吓。小弟的确係有份出纸样嘅，虽然冇乜贡献，不过都出咗啲力咁架，可否畀畀面X细力啲。

梁庭欣其中一位设计师贴出「国际万国小姐」香港代表嘅点心主题服饰照作对比，指出民族服饰呢part本身都係要斗夸张同吸noise。 — 其中一位设计者贴出「国际万国小姐」香港代表嘅点心主题服饰照作对比，指出民族服饰呢part本身都係要斗夸张同吸noise。（图片来源：IG图片）

梁庭欣而上届国际小姐香港代表菀蔚所着嘅民族服饰，就以黑白街招广告作为设计元素。 — 而上届国际小姐香港代表凌菀蔚所着嘅民族服饰，就以黑白街招广告作为设计元素。（图片来源：IG@missinternationalhk）

梁庭欣曾在2016年国际小姐竞选中夺得「亚洲皇后」奖的陈约临，当年就以舞狮装作为民族服饰。 — 曾在2016年国际小姐竞选中夺得「亚洲皇后」奖的陈约临，当年就以舞狮装作为民族服饰。（图片来源：IG@missinternationalhk）

梁庭欣「师姐」王咏珩嘅民族服饰则将「东方之珠」夜景印上裙。 — 「师姐」王咏珩嘅民族服饰则将「东方之珠」夜景印上裙。（图片来源：IG@missinternationalhk）

另一设计者：希望可以深入了解咗先再批评

仲有另一位设计者就在限时动态中发了一篇长文，详细讲到他们一班学生，为了设计和製作出这件服饰，用了足足一个暑假，由设计、拣布、出纸样、印布、车缝、饰物等，耗费了不少心血：

听到咁多评论的确有惊讶到，无谂到会突然成为热话。知道有好多批评，但都想卑微跳出嚟讲少少嘢。

比赛虽说是选美类型，但同传统选美要优雅靓靓type好唔同，可以话係要斗夸张、吸引眼光等等过往几届到都可以见到。

初稿的时候其实我哋都设计咗好多所谓「靓靓」嘅服装，一直离唔开长衫、旗袍等元素，再唔係就晚礼服咁。

我哋讨论咗好耐又疯狂改，净係设计图前后差唔多30张，听咗好多意见最后先决定採用大家眼前见到嘅设计。

所以出到嚟套衫的确唔係喺主流审美方向为主，更多係用特别啲嘅形式展示多啲香港元素，想试吓跳出框框。

无错，我哋仍然有好多值得改进嘅地方，但都好希望可以深入了解咗先再批评，听到好多难听嘅说话的确唔好受qq

我哋七个人都真係落咗好多时间心血落去做，完全係用爱发电咁做落去，由未放暑假到教完到宜家都仲做紧。

上次已经无sem break，唯一暑假都係non stop，畀我哋整嘅时间都唔多，因为我哋真係由0做起，设计、拣布、出纸样、印布、车缝、饰物等，所有嘅闪石係我哋逐粒逐粒人手痴上去。

小妹就负责多啲设计同布料方面，暑假嗰阵吓吓出ssp同阳光竞赛，日晒雨淋，真係全部都血与汗，真係希望大家X细力啲谢谢:(（会唔会畀人话卖惨 I’m so sorry）