11月3日将会是MIRROR成军五周年的大日子！除了连串活动外，12子亦推出了新歌《Catch a Vibe》来庆祝一番。MV中除了靓仔造型，人人更有搞鬼角色，欢乐气氛满泻！随着五周年的来临，MIRROR亦谈及他们所期待的突破，还分享了对Fans的心底话。

阅读全文

聚首一堂感情不变

成团五年，MIRROR各人愈来愈忙，很少机会走在一起，但今次《Catch a Vibe》却让大家再次众首一堂，分享欢乐，而歌词亦道出了他们的心声，填词人陈咏谦道：「成班人相处模式唔同咗，少见咗好多，但有一啲感觉、情谊，如果存在喺心里面，并唔会因为少见咗而冇咗。唔好觉得係理所当然，就如歌曲里面所讲，如果得闲有时间，就约出嚟见下，倾下偈。」就如作曲的T-Ma，在副歌里埋下的一句Hook「Catch a Vibe」的深层意义，最重要就是抓紧欢聚的一刻，从中重拾力量。

成员以搞鬼造型登场

今次MIRROR在《Catch a Vibe》的MV 中，除了有预告及单曲封面的华丽型格造型外，12人都有不同的角色扮演，发放笑弹。Stanley道：「今次大玩唔同时空，大家唔同背景、服饰、颜色，都几得意。」12子分成四组，其中姜涛扮演看更，看守蜡像馆内的展品，当中包括Stanley与Jeremy这两个蜡像。AK则走入80年代电视Game Show中担任主持人，以复古的造型、浮夸的演绎，与参赛者Frankie、Jer及Tiger大玩抢答游戏。Anson Lo饰演?直，但精神有问题的科学家，与大懵、好似化学老师冇乜记性的科学家Ian，则捉了刚好落街买餸的年青人Edan去做实验。至于IT Look的Alton，实情是个速递员，而他搬运的货物，就是Lokman！这个完全不按常理出牌的人设与故事背景，充满喜感，众人也投入当中，即兴演出，娱己娱人。Jer道：「今次无论只舞、个Beat、场景里面要做嘅戏，大家都可以好Free Flow去做，好玩！」Tiger亦说：「因为首歌开心，剧情又开心，做嘅时候就轻鬆啲。」姜涛直情轻鬆得捉实Stanley，玩到扮猪嘴，但他搞笑说：「呢啲係我平时嘅日常嚟嘅，不过从此以后会有啲唔一样，除咗工作以外，非必要嘅话都唔会同Stanley沟通。」但Stanley听到后仍很有爱地表明：「佢唔当我係好朋友都冇问题，我仍然会当佢係我嘅好朋友。」至于扮演货物的Lokman要在1.2米高的箱里面做Freeze动作，算是较认真的Shot，不过Lokman同样觉得好玩，并说：「挑战下自己嘅极限都几正。」

成员们对未来的愿景

来到五週年，除了推出新歌《Catch a Vibe》，各人都希望团队上有新的突破，且听听他们的想法：

Jer：今次喺跳唱歌上试咗新嘅音乐元素，希望可以再试多啲，同埋可以去世界各地做下表演，俾其他海外Fans睇到MIRROR开Show係点样。

Edan：如果可以去到其他地方，一方面海外Fans终于可以亲眼睇到我哋嘅演出，二来又好似旅行，去下其他地方都几开心。

姜涛：开海外嘅演唱会啦！大家都未试过。

Alton：啱啱12个齐人搭飞机做综艺，希望以后多啲呢啲机会，嚟紧1月香港开Show，当然希望日后都有海外演出嘅机会，但呢啲就係天时地利人和喇！

Stanley：开返关去唔同地方见下唔同Fans，就算唔係开演唱会，只係Fans Meeting都好。

Tiger：可以12个一齐做下舞台剧，大家都冇试过，呢件事应该好突破。

Anson Lo：我哋12个人都未试过一齐做舞台剧，一齐做Musical，应该会好玩。

Frankie：都希望我哋唔净係限于喺舞台上嘅团队合作，不过今年其实都试咗好多，例如电影《12怪盗》同埋团综《MIRROR Time》。

AK：之前都有唔同队员出Solo，嚟紧其他队员都可以出到自己嘅Solo，或者做一啲佢哋喺MIRROR里面嘅时候，大家睇唔到嘅强项。

Lokman：我哋成日被人标籤係一队男团，可以做啲反传统嘅嘢，例如我哋成日做好正能量、缤纷嘅歌，可以试做啲好恶嘅歌，或者係声嘶力竭、惨情嘅歌，对我哋嚟讲都会多一种感觉。

Jeremy：开抬外国市场，而家啱啱开始，要继续努力。

Ian：希望MIRROR啲Crew饭好食啲，膳食可以有突破。

五週年与fans的心底话

在这五年里，MIRROR与Fans都一同成长，各成员都想跟Fans分享他们的心底话：

Jer：好多谢每位Fans，由比赛开始我哋只係Nobody嘅时候就一直支持到而家，好多谢大家嘅陪伴，我哋先有力量去做更多作品俾大家。

Tiger：都唔明白点解会有人喜欢我哋呢12个人，真係沿途高低伴我走过，好多粉丝朋友都係不离不弃，令到我哋有机会同能力喺呢个行业行落去。

AK：多谢Fans五年嚟嘅支持同埋爱，冇你哋，我哋冇可能行到嚟呢一步，希望嚟紧日子大家可以用一个最舒服嘅心，最开心嘅状态去追你哋嘅星啦！

Frankie：多谢Fans嘅包容，同埋无条件付出嘅爱，亦多谢一路以嚟同我哋讲过唔好说话嘅Fans或者Haters，呢啲会令我哋反醒，Keep住改进。

Jeremy：坚持係好难，但Fans到而家都一路咁支持我哋，都真係好锺意我哋先做到，所以真係好多谢大家。

Stanley：呢啲嘢唔能够用说话讲，只能够好俾心机做每一个作品，好努力去报答佢哋。

姜涛：用作品说话。

Ian：除咗感激都係感激，成日都觉得如果冇大家嘅支持，都冇而家嘅我哋，做好多嘢都冇人同我哋分享，冇咗嗰个意义。

Edan：五年喇！都绝对唔係三分钟热度，大家都真係好有爱，先可以支持我哋咁耐，希望我哋可以回馈返你哋，继续努力。

Anson Lo：呢五年有新Fans亦有一直支持嘅旧Fans，每位都同样重要，呢五、六年好似坐过山车有开心唔开心，但大家依然默默守候，呢样係每一日都好感谢。

Alton：MIRROR嘅存在，都因为Fans同埋普罗大众有份参与呢件事，先至有呢个位置，衷心向每一位讲声多谢，希望以后多啲输出，做多啲唔同作品俾大家睇。

Lokman：同大家距离远咗，对Fans有少少亏欠，我哋直接表达俾大家嘅爱又间接咗，初出道会多少少影相、倾偈嘅机会，可以望住大家眼睛交流，而家只可以喺舞台透过能量发送，多谢大家嘅体谅，喺咁嘅情况下仍然无私爱我哋。

MIRROR〈Catch a Vibe〉MV现已于Mirror YouTube Channel推出。

Mirror YouTube Channel -https://www.youtube.com/c/MIRRORweare/

福利视频，稀有资源请前往新站下载：zuisiji.top