现年76岁的「鼎爷」李家鼎厨艺了得，近年先后主持《阿爷厨房》和《肥妈李鼎》等烹饪节目，收视都高企，近日他却忽然现身主妇资讯节目《流行都市》，主持新环节「鼎爷家常菜」，被指遭到「降呢」！

阅读全文

「鼎爷」李家鼎 狂窒安德尊网民讚好

「鼎爷」李家鼎近日现身《流行都市》逢星期四的新环节「鼎爷家常菜」，一连10个星期教家庭观众煮餸，不过拍档「大王」安德尊却因为太嘈而被鼎爷嫌弃，节目中可以见到鼎爷不时黑面寸爆安德尊：「我未出声，唔好问嘢住！」又呼喝安德尊要落油：「快啲快啲」，吓到一向寸寸贡的安德尊都要乖乖收声。

安德尊：大家就係咁沟通

安德尊接受访问时直认，当时录影厂「好火」，因鼎爷入厨火喉十足，不过对于被指「太嘈」引起鼎爷不满，大王却坚持要继续讲嘢大声：「佢都咁大声，咁我都咁大声啰，我不嬲都咁大声！鼎爷係我哋前辈，佢有啲咩我都跟住去做，佢话乜我就乜，呢个好平常。我同鼎爷相识几十年，大家就係咁沟通㗎喇，可能大家少见我哋一齐上电视！」

安德尊疑被鼎爷调走 换胡诺言上阵

而最近两集「鼎爷家常菜」中，鼎爷的拍档而换由安德尊和宋芝龄，换成胡诺言和张美妮，网民纷纷表示支持：「应该係鼎爷要求掉走大王」、「安德尊真係好嘈好烦，鼎爷一定唔锺意呢套，直头都唔想望佢」、「原来好多人同我一样都唔锺意安德尊，冇佢喺度，真係睇得好舒服」等。

有网民力撑：好想睇鼎爷窒爆安德尊

不过亦有网民力撑安德尊留低，原来是觉得两人合作好有火花：「有大王先爽，佢搅搅震先爽」、「好想睇鼎爷窒爆安德尊，早两集嗰句『智者问得巧，愚者问得笨』真係好应」、「钟意睇德尊多啲，两个炒吓嘴劲好笑」、「咁先有火花 当鼎爷遇上大王时，确实现场火气镬气都很大」等等。

鼎爷传为还骚债接拍《流行都市》

而鼎爷被「降呢」到《流行都市》教煮餸，据指是因为鼎爷坚持今年骚就要今年还清，不想积落到下年，而TVB亦不想白白出粮给鼎爷，于是安排鼎爷去接拍《流行都市》还骚债，结果令一众网民都十分受落。睇番资料，近月来鼎爷密密出骚，继上《思家大战》玩游戏后，又上埋黎耀祥主持的《请客必食 18道菜》做嘉宾，看来好有决心还骚债。

鼎爷做「教煮」源于一个女人？

粗豪的鼎爷唔止武得，仲好煮得，讲到由武术指导兼演员变做真正「教煮」係几时，佢就话源于一个女人，就係珍姐啦！鼎爷曾在《肥妈李鼎》中透露：「想当年有个曾励珍监製嘅处境剧《香港＇82》，要拍一场食饭戏，点知道具餸出咗事，有人食完又屙又呕，嗰味係萝蔔炒鱼鬆…阿珍话咁叻你煮吖，我话我惊你呀，煮咪煮啰，阿珍食完之后佢就记得喇。30年后，拍咗个《男人食堂》，你知我把口唔晓停，同肥妈差唔多，佢哋话见我几Talk得，阿珍就叫我不如煮嘢食啦，咁就整咗个《阿爷厨房》出嚟。」

拍《阿爷厨房》经历三次试厂

鼎爷又在另一集中讲到最想多谢的人是曾励珍，自言和珍姐好 Friend 的鼎爷说：「我由艺员做到煮食嘅主持，都係珍姐极力推荐我嘅，我有天大本事都冇用，都要有人畀机会先得。」鼎爷更自揭当初拍摄节目《阿爷厨房》前经历了三次试厂，他说：「真係试到我忟，觉得我眼神恶同声气大，前前后后试咗三次，其实佢都好重视，如果唔係都唔会嘥钱试你呢个傻佬啦。」

福利视频，稀有资源请前往新站下载：zuisiji.top