由陈展鹏、吴若希、洪永城、蔡洁、戴祖仪、吴业坤等主演的《香港人在北京》首周开播最高收视已达20.6点（约133万观众），成绩不俗！剧中除了陈展鹏同吴若希带头大放笑弹令观众眼前一亮，吴业坤同戴祖仪呢对欢喜冤家同样有惊喜！

阅读全文

吴业坤丧窒戴祖仪唔收口

吴业坤同戴祖仪早前为剧集宣传时，两人由戏里斗到戏外，经常公开斗嘴，在台上坤哥已经火力全开连窒对方身高同身材，戴祖仪先是讚坤哥最近勤力操肌，瘦咗好多，练得一身钢条身形。岂料坤哥反窒一句：「点解你唔瘦嘅？」于是戴祖仪即无奈苦笑，随即惹全场起哄！在旁的蔡洁亦帮口说：「点解人哋讚你你要咁样嘅？」坤哥自知「出事」后即补镬：「佢唔瘦身都靓呀！」戴祖仪亦扮嬲猪返回后台，场面劲搞笑！

吴业坤笃中戴祖仪死穴

完成活动后，二人一同接受传媒访问期间出现一段小插曲！吴业坤预告二人在剧中往后发展成情人，不过要多啲火花，戴祖仪即说：「好有（火花）呀，每次活动、台前台后、幕前幕后都不停咁攻击我，你唔攰咩？」再讲返刚才被指肥一事，祖仪闹坤哥过份，「係呀，我真係好唔开心，因为我已经好努力减肥，你又话我肥！」

戴祖仪爆喊当场洒泪

不过唔够5秒，祖仪突然泪崩眼湿湿，仲背向镜头爆喊！坤哥反应唔到，自知激嬲女神，即刻说：「痴线，你一啲都唔肥！死啦，呢条片肯定疯传，吴业坤侮辱女艺人，当场洒泪⋯⋯」事后，祖仪表示无事，更澄清坤哥是好人，「我都觉得成件事好好笑，突然间take it serious咗，我哋私底下都成日讲笑，本来係好小事，但可能今日係女性週期，比较情绪化，我好玩得㗎！」坤哥笑指：「今次死梗，肯定畀人炎上啦。」

网友为戴祖仪平反：有啲肉地好可爱

戴祖仪唔小心真情流露，不少网友纷纷留言：「睇得出佢两个係好朋友⋯ 只係真情流露啫」、「坤哥误踩地雷了！不觉得戴祖仪肥啊！有点肉而已」、「Joey其实越嚟越靓，坤哥好想讚佢，不过可能惊老婆炸型」、「JOEY 有D 肉地, 好可爱」

戴祖仪吴业坤老友鬼鬼

事实上，二人私下老友鬼鬼！戴祖仪饰演的港仁妹妹宝怡同吴业坤饰演的石磊会有感情线，戴祖仪早前亦在IG晒出二人合照宣传：「斗娇俏！石磊终于出场啦」不少网友大讚两位：「你同坤哥好登对」、「有坤哥有喜感，你哋今晚好搞笑好正」、「你两个做得好好！套剧好好睇」

坤哥「石磊」成功抢焦！大讚戴祖仪好勤力

至于早前坤哥一出场便成功抢焦，皆因其饰演的石磊讲广东话有口音，相当惹笑。石磊是在深圳长大的安徽人，为了角色坤哥事前苦练有口音广东话，坤哥说：「拍摄前同监製倾过呢个角色有咩可以玩吓，喺隔离（拍摄时正值疫情）嘅时间準备，每日都有十几个钟练习。」

讲到与Joey有不少对手戏，坤哥说：「佢係一个好勤力嘅小妹妹，同埋好有音乐才华，係对自己冇乜自信，希望佢可以继续发光发亮，我哋都合作写咗一只歌（插曲《想跟你好好道别我怕来不及》），希望大家都锺意！」

角色名同食女相似「床戏」练声劲爆笑！

吴业坤角色个名「石磊」同食女的读音非常相似！有网友误会坤哥呢个角色会係花花公子，之前一场坤哥教戴祖仪在床上用丹田发声，被洪永城以为他们在亲热，非常搞笑！二人难得有「床戏」，吴业坤笑指：「都突破咗我嘅尺度，床戏喎！」

福利视频，稀有资源请前往新站下载：zuisiji.top