郑中基（Ronald）7月于澳门完成《Fragments of Wonder 郑中基世界巡迴演唱会2023》首站后，将会于10月28日、31日去加拿大站，分别喺温哥华同多伦多各演出一场。不过在昨（26日）晚上，郑中基突然宣布会延期，而其原因竟是⋯⋯

阅读全文

郑中基入唔到加拿大境演唱会需要延期

郑中基（Ronald）正在举行世界巡迴演唱会，仲有2日準备嚟到加拿大站时，Ronald突然喺社交平台宣布需要延期，Ronald亦有交代其原因为因为佢本人的加拿大入境一直处于审查中，就算经过多方努力都係未能如期出发，所以无奈只能同主办单位决定延期，而日期、退票等安排将会尽快公布。Ronald表示佢真係「好难过、好无奈、甚至生气」对等候多时的粉丝感到抱歉。

好难过、好无奈、甚至生气，因为我同团队、主办大家都努力咗好耐，而观众亦都期待咗好耐，我好想好想可以做得到，真係好对唔住！好希望eTA一批到我就尽快同主办reschedule过2场show，再同大家见面。

网民猜测会否因为美国洛杉矶醉酒闹事有关

对于Ronald入唔到境，唔少粉丝都留言支持，表示会等Ronald！「係fans点都会等嘅」「我地无论如何都等你！Good things are worth waiting for!」「等你～」「暴龙哥我地等你」「晴天 阴天 雨天我在何地 亦都会等你」「希望在明天，外国人做嘢係慢啲，总会可以举行得了」今次加拿大一直唔批Ronald入境，网民就猜测其原因未知是否因为多年前Ronald饮醉酒飞机闹事有关。当年Ronald喺美国洛杉矶飞去台北时醉酒闹事，搞到被FBI拘捕、起诉，最终被判罚2,500美元兼留案底。

郑中基成功入纸红馆24年2月举行香港站

郑中基早前宣布好消息，2024年2月将于红馆举行演唱会的香港站！Ronald原来一直都收到不少信息问「几时开红馆呀？」自澳门首站启动后，更加激增，而由去年中秋第一次入纸至今已一年，Ronald 表示收到红馆确认信的一刻都有点难以置信。「 铁柱终于磨成针！上年中秋开始入纸，每个月入，入到变成每个月嘅指定动作，当收到红馆成功批俾我哋封信嗰一刻，大脑空白一片，心谂：係L唔係㗎？真係得咗啦？我真係晕一晕，然后花咗10几分钟冷静咗个人之后就谂点样部署。除咗通知各个部门之外，最想嘅就係同大家分享第一手消息，Show date 大概係2024年2月13-18号，但实质日子暂时未定到，定到又再即刻话俾大家听，我知道讲到好乱，但係我真係好开心！再次农曆新年见！」

福利视频，稀有资源请前往新站下载：zuisiji.top