ViuTV《恋讲嘢》最新一集请来18岁木木做嘉宾，主题係「急婚如律令」，大讲恨嫁的木木拍拖两个月已开始向男友逼婚，令两人拍拖未够一年，已经历分手又复合，不过大家更关注她竟然撞样MIRROR人气成员姜涛，连主持浩南都形容她笑起来的样子是「姜涛式笑容」！

阅读全文

《恋讲嘢》木木 15岁已开始谂结婚

木木透露她由初恋15岁开始已想结婚，而她现在的男友已是她第3个男友，讲到当初想结婚的原因，她直言：「因为本身屋企对我嘅关爱唔多，细妹成绩好好，係全级第一，屋企当然係偏心佢多啲，所以希望知道畀人锡嘅感觉。」而到了现在18岁，她表示想结婚就纯粹是因为遇上合适的人，和真的想有自己的屋企。

男友大木木12年

木木介绍现在男友是她做Model工作时认识的同行，对方是Part-time Model：「第一次出去约会，我哋睇完戏，行紧海旁，我就话其实我18岁，佢吓亲啦，然后佢叫我估佢几多岁，我估22，跟住再估27，佢都话唔啱，我再估29，但原来係3字头！」对方大木木12年，刚刚好同一个生肖。

锺意男友够大男人 唔Care男友有冇钱

木木直言锺意男友够大男人：「因为我本身比较小女人，例如佢好多嘢都会同我讲应该点做，同埋要按住佢嗰套做，而且我好锺意同佢一齐嗰种感觉，係之前男友畀唔到我，例如我会上去佢屋企煮饭，就有种家嘅感觉，佢就喺隔离做嘢，然后佢就会帮手洗碗，呢个就係我梦想嘅世界。」

木木指不会计较其他外在条件：「冇谂到咁长远，净係觉得同佢一齐感觉舒服，冇Care佢有冇钱之类，我觉得佢养得掂自己就已经OK，因为我本身都有返工，我都养得起自己！」193大讚木木想法好成熟。

拍拖第二个月已想结婚

木木透露拍拖第二个月，就向男友讲明想结婚：「我同佢讲要停一停，话我拍拖就係想结婚，如果你唔係想结婚嘅话，我哋就stop啦！」193就指事实上每个男仔都一定会呃呃凼凼，话想同你结婚先，木木亦认同：「佢有同我讲佢係认真嘅，咁我就畀人凼咗入局啦，当时佢有带我返屋企，介绍畀佢妈咪识，然后我觉得见咗佢妈咪，好似真係认真喎！」

行「奶奶政策」陪行山

木木之后就大行「奶奶政策」，同对方阿妈打好关係，两「婆媳」好到木木有时口快会直接叫「妈咪」，又有对方阿妈whatsapp随时打小报告，木木笑言：「我要攻略佢个仔，就要攻略佢阿妈先。佢阿妈好锺意行山，我就6点起身沖凉，化好晒全妆，仲要衬衫，9点喺佢楼下陪佢阿妈食完早餐，就去行山。」

男友被逼婚每次都敷衍

Helen问木木做咩唔煮埋早餐畀未来奶奶食？木木回答：「我平时喺佢屋企会煮饭，都会煮埋畀佢阿妈食，佢阿妈係好锺意我嘅，佢都有讲，话你哋结咗婚之后住边之类，又话其实我好想你做我新抱，好明显地逼婚，但男友就觉得太长远，亦觉得妈咪好chur，每次都会敷衍住先！」

男友大呻被木木管得太严

木木形容男友私底下比较幼稚，每次遇到问题都会话要瞓觉先，不停逃避：「所以我花时间打咗一篇文畀佢，话我都好想畀安全感你，我哋应该要点做之类，我係觉得我提出咗问题，想问佢有冇谂过点解决，但后来佢话畀我听，佢係左耳入右耳出！」

拍拖期间木木更曾check男友电话，发现男友社交网的朋友list全部都係model女仔，男友更经常在她们的story中留言，她说：「我唔敢揿入去睇，惊自己唔开心，佢话自己纯粹想倾偈！」有晚男友扮瞓后，她更从朋友口中得知男友去蒲老兰，男友更向朋友大呻她管得他太严，觉得自己似在坐监。

木木提分手男友求放过

后来木木忍受不了他经常讲大话，又三番四次为出去玩而欺骗她，对她态度也不好，所以决定提出分手：「我同佢讲我一心一意对你，但係你咁样对我，你值得我嘅爱咩？然后隔咗一阵，我唔捨得，打番畀佢，之后佢就话：你放过我啦，我惊咗你呀！」193即话：「佢係觉得你好chur，等紧你同佢讲分手！」木木反问：「咁点解佢唔同我讲分手？」193同Helen就异口同声回答：「因为唔想做衰人啰！」

睇骚重逢情节似《经过一些秋与冬》

木木续说：「后尾有一次我喺九展睇骚撞番佢，佢夜晚就打番畀我，问我：你觉唔觉得我哋今日好似《经过一些秋与冬》个MV。佢变态到话其实我成晚冇睇骚，净係睇你，我连你去咗几多次厕所都知！」193解释这首係Dear Jane的歌，而MV内容与木木及男友的情况相似。

不敢再想男友会向她求婚「恋摆嘢」放低面膜一块

之后木木便因为男友承诺和她订婚而复合，男友更话要认真储钱买楼，但木木指他并冇实际行动。录影这集节目时，木木刚与男友复合约两个礼拜，木木表示现在已不敢再想男友会向她求婚，因为怕期望越大失望越大，但她又指如果男友向她求婚，她也可能会一时冲动答应。

最后木木在「恋摆嘢」环节，放下男友送的面膜，她指当时她因为DSE压力好大，皮肤变得好差，男友就在屋企拿了一块面膜揸车过去送给她，她笑言每日都将面膜摆上神枱供奉：「因为係男友送畀我嘅爱，每日起身都要望住佢！」193除了送上祝福外，又叫木木要谂清楚先好结婚。

木木原来係Channel幕前成员

木木现时IG有1.5万位Followers，原来她现时除了做Freelance Model外，今年中已加入了一个新成立的YouTube Channel「娱宇宙 Fun Universe」，成为其幕前成员，网民看她的演出时，亦不时留言指她个样好似姜涛，亦有网民指她的动静好似Sica何洛瑶，声线则似COLLAR成员Day许轶。

男友Reman係前男团成员

而木木今年情人节曾公开男友身份，原来她的男友是Reman王立文，两人早前中秋节更曾公开合照放闪。Reman除了做Model外，更曾在2016年加入过男子组合Lucky Boys，曾推出过单曲《无重力状态》，不过现在组合已解散。

睇埋木木靓相：

福利视频，稀有资源请前往新站下载：zuisiji.top