《万千星辉贺台庆》于上星期举行，全晚最抢镜就一定係身穿紧身瑜伽服大玩空中瑜伽的郭柏妍。近日佢就拍Vlog讲台庆綵排出事全过程，睇完成条片粉丝都话佢付出好大努力…

阅读全文

郭柏妍纪录练习受伤过程 痛到做唔到超腾鸡

郭柏妍近日在个人YouTube频道上传一段台庆特训VLOG，纪录自己用8日重新学习空中瑜伽的片段。郭柏妍在影片一开始就指自己很久没有学习空中瑜伽，练到差啲想呕。当练到差唔多上手嘅时候，郭柏妍到第六次练习的时候，就突然拉伤肋骨位置。郭柏妍讲到一半都忍唔住哽咽，仲话好担心添：「我之前上绳係从来冇试过嗌，今次係痛到嗌咗出嚟。跟住排舞嘅时候都唔係好顺利，但係个Show宜家只係剩返几日。」

拍片大爆台庆綵排曾出事

除了练习时受伤之外，郭柏妍在綵排时原来都出意外。郭柏妍拍片指，原来在第二日的第二次綵排中发生咗一件好大嘅事：「我上唔到绳，企咗喺度整整一分钟，咩都冇做过。」一讲完呢句就上字幕「To Be Continued」，大卖关子冇为点解上唔到绳多作补充。

全素颜上阵网民大讚有仙气

今次郭柏妍在Vlog多次以素颜上阵，不过就无损其美貌，反而更显清纯，并获网民大讚有仙气：「唔化妆都好好睇」、「素颜超靓」、「素颜都靓到咁好犯规」等。

一齐睇片：

TVB台庆2023｜郭柏妍紧身瑜伽服上阵险走光

上星期台庆表演多罗罗，最受到瞩目的一定就是郭柏妍以一身紧身瑜伽服上阵表演空中瑜伽。只练习了几日嘅郭柏妍非常有料到，喺空中自转多圈，做出多个高难度动作，不过就Close Up唔多仲要畀现场喷烟遮住，非常可惜。此外郭柏妍在空中倒吊期间差点走光，要佢伸手扯衫遮挡，场面非常牙烟！

TVB台庆2023｜郭柏妍声称做足安全措施

郭柏妍在接受访问时被问到在台上倒吊差点走光一事，郭柏妍就多次强调自己有做足安全措施，所以并唔担心：「其实都唔惊嘅，因为我自己都有做足安全措施，都有贴晒，所以都唔怕。（头先好似有用只手遮住）呃..好似係有嘅，但我係有做足安全措施嘅，咁嗰个（动作）係just in case、for safe啫。」郭柏妍指自己并没有担心会走光的问题，反而更加担心动作未能做得到位。

TVB台庆2023｜郭栢妍开心解锁成就：第一次吊到咁高

今次被玩空中瑜伽玩到被吊上电视城1厂，郭栢妍指很开心TVB给予自己今次机会挑战玩空中瑜伽：「我第一次吊上咁高嘅地方，平时玩空中瑜伽都唔会咁高，今次第一次吊上去1厂上面。我觉得係一个解锁嚟嘅，我都好开心，我自己都冇谂过咁短时间之内可以做到，同埋多谢佢地畀呢个机会我，令我真係成长咗好多。」

TVB台庆2023｜郭柏妍练习不慎受伤 一度在街上崩溃大哭

郭柏妍又指今次为了準备空中瑜伽表演，一度整亲条腰，搞到好多动作都做唔到，更因此一度在街上崩溃大哭：「我有同瑜伽老师讲『我好痛啊，咩都做唔到』。我嗰一刻真係好无助，我好惊我做唔到，因为我本身係做到嘅，如果我做唔到会好对唔住成个台嘅人，所以我喺条街到喊咗出嚟：『点解我会做唔到㗎！』」幸好即日有去睇医生，令情况没有更加恶化下去。

TVB台庆2023｜郭柏妍綵排期间被撞到嘴唇爆血

多灾多难的郭柏妍，除了整亲条腰之外，连嘴唇都被撞到爆血。郭柏妍忆述在綵排当时被好友撞伤嘴唇，最初以为只是稍微渗血，最后才被告知原来是大爆血，黎诺懿见到都吓一跳。虽然记者再三追问「元兇」的身份，不过郭栢妍非常有义气，指不希望大家责怪对方，所以坚持没有开名。

福利视频，稀有资源请前往新站下载：zuisiji.top