近日郑嘉颖接受传媒访问传出与马国明不和，全因他表示将会缺席马国明的婚礼，访问中郑嘉颖讲到：「唔同阶段做唔同嘅嘢，有啲嘢係要取捨」、「浪费时间」等说话。结果访问播出街后，郑嘉颖被一众网呢批评小气又唔大方，虽然马国明出席活动时强调二人没有不和，但都难阻网民对郑嘉颖嘅怒火，仲连累埋老婆陈凯琳被网民讨伐…

阅读全文

郑嘉颖言论出错引起网民公愤 老婆陈凯琳惨成讨伐对象

近日陈凯琳于小红书公开自己与好友去非洲旅行的片段，引来网民热讨，然而有网民直指她为何有时间去旅行却没有时间出席马国明的婚礼：「点解老公冇得出去？老婆就可以放低啲仔出去？」、「唔使还人情？」亦有部份不了解郑嘉颖马国明不和事件的内地网民不断留言问发生了什么事！

陈凯琳晒性感相都难阻网民嘅Mean爆留言

陈凯琳再于另一边厢的IG晒出新一辑性感靓相，写道：「老公zoom近咗张相⋯『哇！』咗一声，条短裤好短喎！」结果又惹来网民寸爆，借用郑嘉颖的「浪费时间论」，直接留言写道：「你老公冇觉得浪费时间咩？」

马国明近日出席《新闻女王》宣传时，亦大方回应郑嘉颖的有骨言论，仲处处维护兄弟，认真抵讚！

马国明大方回应郑嘉颖有骨言论：你唔熟佢可能觉得佢好寸

郑嘉颖早前就不和传闻作出回应，不过就句句都超有骨。今次轮到马国明现身说法，就好大方回应：「係呀，我又觉得呢单嘢好奇怪啰，仲係好似啲记者同我讲好似早两日先传，我唔知係咪就係就今日新闻女王宣传，所以早两日就写单咁嘅嘢出嚟，我又唔好明点解会写咗不和啰！」

「咁首先佢依家係三个小朋友嘅Daddy啦，所以其实好多时食饭佢嚟唔到係大家都好明白，所以我又唔觉得有啲乜嘢特别要咁样讲不和啰，其次，如果你熟嘉颖嘅人，你就知道佢讲嘢係咩事啦，你唔熟佢可能觉得佢好寸，但其实你熟佢就唔係，你明佢意思就唔係嗰样嘢㗎啦！」

马国明高EQ回应「浪费时间」：几时有时间嘥嘅，你嚟搵我哋呀！

提到郑嘉颖谈及近年缺席「铁马」聚会时，竟直接以「浪费时间」回应，马国明高EQ为好友解话：「我成日话啲嘢大家唔係好明嘉颖讲嘢个方式，我哋明就冇乜嘢，大家都明，几时有时间嘥嘅，你嚟搵我哋呀！」

他又解释郑嘉颖已成三子之父，照料家庭非常忙碌：「因为你要明白，佢依家凑住三个小朋友，咁又有个家庭，其实佢真係好忙，佢冇乜时间，但我哋其实我哋最熟嘅朋友係乜嘢呢，就係你几时有时间嘥咪搵我哋啰，其实最熟嘅朋友反而係咁样！」

马国明自爆会搵朋友摄时间

访问期间，马国明又自认衰仔，会搵朋友摄时间，但认为真朋友就係会唔介意：「其实我都试过嘅，你唔好话，我有时都好衰嘅，可能我喺元朗或者屯门拍嘢，中间有两个钟头 break呢，我就搵可能嗰头有个好熟嘅朋友，我就会搵佢，我话『喂你得唔得人呀，使唔使开工呀』，我试过有一次我朋友真係话『我唔想开工呀，我喺屋企呀，你上嚟呀，上到屋企饮杯咖啡』你难听啲讲就好似搵人摄时间咁，但係其实如果你真係明白真係friend呢，其实係冇所谓㗎！」

马国明爆笑拆解「不和」意思：通常都係钱或者女人

「你谂下点解我同嘉颖不和，男人同男人不和，通常都係钱或者女人嘅啫，咁我同佢又唔係追埋同一个女仔，钱佢又大把（你都好多呀！）我唔多，我虽然我唔多，但我又唔需要问佢借，即係我意思我同佢又唔会有钱银瓜葛，咁点会不和，两个男人无啦不乜鬼和，两个都咁大男人。（会唔会whatsapp讲返声）呢啲嘢唔使讲啦，但係特登讲咪仲奇怪 大家心照就明。」被问《铁马家族》群组多唔多出声，「间唔中啰，又唔会成日嘅，因为其实阿子善又有个女，家乐佢有好多时飞返大陆做嘢，咁其实个group都唔係成日会讲嘢嘅，譬如两个月后，有人生日问会唔会出嚟食饭，即係嗰阵时先会讲返多啲嘢喇喺个group入面，如果唔係平时都唔会成日讲嘢。」

马国明大讚靓汤：佢一定係比我叻！

最近都见到汤洛雯过大礼排场好劲，大家都话好夸张，马国明笑指：「其实又唔係好夸张，我睇好多人po 出嚟嗰啲，大家都差唔多，嗰唔觉特别夸张，同埋始终一生人一次嘛，点都要试一次嘅，开心钱嚟嘅，使得开心嘅！」

另外，他又甜爆以老婆叫靓汤，大讚老婆好叻：「因为我近排拍晒《飞常日誌》啦，我尽量帮多啲手，原来真係好多锁碎嘢要做，我都好佩服我老婆佢自己搞咗好多嘢，因为佢冇请wedding planer，好多嘢都係自己安排，我都好佩服佢，佢好叻呀！如果畀我搞，我一早就发咗脾气。（有冇闹交？）冇，我哋之前已经讲咗唔好因为呢啲嘢闹交，同埋佢係好叻㗎，佢处理呢啲锁碎嘢係好叻，佢一定係比我叻，某程度上佢帮到我好多呢一类嘅嘢，我好弱，湿湿碎嘅嘢搞唔掂。」

郑嘉颖传与马国明不和 句句有骨大耍太极：唔好再问

早前传出马国明将会与汤洛雯远赴峇里举行婚礼，当郑嘉颖被问到会否出席婚礼时，郑嘉颖就即刻话：「婚礼如果係香港就机会大啲嘅，但如果係外面，要离开香港，我就有啲窄窄地，因为就未必走得开啦。」当记者追问会否另外约马国明出嚟祝贺其结婚，郑嘉颖就话「自己有分数」，又问身旁曹敏莉「边个电话响」避答问题。当记者尝试打圆场问係唔係马国明打嚟，郑嘉颖就马上回指：「佢话你唔好再问啦你，佢话你够喇！」不少网民见到郑嘉颖的回应，都纷纷留言指郑嘉颖冇风度，又小家：「呢个男人好小气！ 更年期！每句说话都冇大将之风！ 呸」、「做男人，做到咁冇风度，可能佢结婚时，马明冇到或礼金少」、「郑嘉颖真的没有男人的风範」等。

郑嘉颖亲揭缺席铁马聚会真相 回应句句有骨

唐诗咏早前上传了「铁马家族」最新聚会合照，合照中可见马国明、汤洛雯、林子善和唐诗咏等人都有出席，唯独「大哥」郑嘉颖就没有现身聚会。对于多次缺席「铁马家族」聚会一事，郑嘉颖早前出席活动时亲口作出回应。郑嘉颖回应指家庭和家庭都是常缺席聚会的原因之一，他又指发现人生到了一个不同的阶段，每天就只有24小时，他直指假如是浪费时间的事都不会去做，会宁愿将时间放在更值得的地方上。郑嘉颖又坦言自己喜欢安静的环境，一直都不怕孤独，反而要去适应「热闹」，如果要想去凑热闹，都要视乎与谁一起去热闹。

回应与马国明不和传闻：有啲嘢係要取捨

当被问到与马国明不和传闻，郑嘉颖就指大家都识咗咁多年，都冇话唔啱，只不过大家去到不同的阶段，要去做不同的事情。郑嘉颖亦指对方都会明白，有些事情是需要取捨的。

多次缺席铁马聚会 连黄家乐婚礼都无影

有网民发现自从2021年的新年饭局，郑嘉颖就没有再出现于「铁马家族」的聚会。「铁马家族」的马国明、林子善都有担任黄家乐婚礼的「兄弟团」，就连唐诗咏都超有义气穿西装反串做「兄弟」，但郑嘉颖就连人影都唔见。

福利视频，稀有资源请前往新站下载：zuisiji.top