福利视频，稀有资源请前往新站下载：zuisiji.top

不经不觉，宇宙天团ERROR已经成军五周年！为咗庆祝这个大喜日子，肥仔梁业、何启华DEE、郭嘉骏193及吴保锜Poki与团队花尽心思大搞庆祝活动外，亦灌录了新歌《四五成群》，并邀请了300 Fans一同拍摄MV，场面墟冚！

阅读全文

再与梁栢坚合作歌词写尽兄弟情

《四五成群》由陈考威、黄兆铭作曲，梁栢坚填词，旋律温馨，但歌词就写尽ERROR四子之间最赤裸的兄弟情。193回想起搵梁栢坚填词的原因道：「啱啱出完台湾Trip，阿济问我哋搵边个写词好，突然谂起喺台湾同梁栢坚打咗两次边炉，又谂起当年帮我哋写，《我们很帅》，嗰阵我哋出道咗年几两年，都已经好了解我哋。」肥仔都十分认同，道：「唔知点解梁栢坚好熟悉我哋，呢度入面好多都係我哋亲身经历，应该成日静静鸡J我哋。」阿DEE亦认同道：「其实係俾功课考下栢坚，谂住睇下佢几了解我哋，点知真係写得出。」歌词当中就连去厕所、发脾气等内容都有，十分到肉，至于边句讲边个，大家都表示唔开名，听到边个唱，就一清二楚了！

邀300fans齐拍MV 选址总结今年发展

MV方面，今次《四五成群》特别选址在充满情怀的宝石戏院内拍摄，原来是阿DEE提出的，他说：「唔知点解当时谂到喺宝石戏院，可能因为罕有，唯一仍在保育嘅戏院，所以趁我哋成军五周年，仲有得拍就拍咗先。其实今年我哋拍咗部电影《阴目侦信》，一出击就满城话题，用返戏院做我哋今年嘅总结都唔係坏事，不过认真讲，戏院象徵一个舞台，我哋想搵个舞台，又坐到观众，但又要有入场感觉，所以就拣咗戏院。」MV其中一幕是坐爆戏院，ERROR所以号召了300 Fans一齐参与拍摄，肥仔道：「搵埋Fans一齐拍呢个五周年MV，就有种与众同乐嘅感觉。」阿DEE也坦白道：「五年前我哋Call唔爆一间戏院，而家几间都应该可以，所以都要同大家讲声，I Love You Guys!!」193亦道：「多谢你哋不离不弃，咁多选择都选择我哋。」肥仔也表示：「有你有我。」DEE也接着表示：「今日拍MV都辛苦大家。」但一说起拍摄，193就说：「因为Delay咗少少，要佢哋喺外面等咗个几钟。」怎料Poki爆料：「因为我有个朋友迟到啰。」至于谁迟到？大家经讨论得到的总结是：没有人迟到啊！

《全民造星》号码绣章神预言

除了Fans加入拍摄，今次四子的造型也花了心思，在西装上加入了大家在《全民造星》时的参赛号码绣章，勾起了大家很多辛酸又难忘的日子，但估不到这些号码都是神预言！Poki道：「睇返原来唔係好意头，58即係唔发，同我而家经济状况一样，发唔到。」DEE亦说：「呢个冧把就係当年公司对我哋嘅期望，咪就係又七又死啰！」肥仔的冧把，就预言了他们的歌曲名字，他说：「我45咪就係今次首歌《四五成群》啰！」至于193的26号，Poki迅即联想到，大叫道：「咪二打六啰！」看着各人的参赛号码，193得出了结论：「照咁睇，公司对肥仔喺Day 1嘅加入已经有安排，你同DEE两个Eye Catching Idol有特别待遇㗎！」Poki也和应道：「我哋喺后面帮你哋做Dancer咋！」肥仔不甘示弱，反击道：「你谂下你当年跳成点先啦！」Poki与193都自信满满的表示：「我跳得好好，到而家都觉得自己跳得好好，冇问题！」但DEE认真表示：「其实Eye Catching Idol係我自己努力返嚟。」Poki即大爆：「都係嘅，佢当年只係着条Legging出嚟，好鬼Eye Catching。」不过193很感恩，这五年里DEE作出了重大改变，道：「五周年最大改变就係阿DEE着Legging会着返条裤喺面。」

四子对兄弟的心底话

疯狂的说话讲好多，但四子其实都有些心底话，想趁五周年分享一下：

肥仔：

五周年，兄弟们，食屎啦！因为屎都食过先係真兄弟，我哋四个曾经一齐共过患难，乜嘢屎都一齐食过，经历过咁多嘢，咁先係最真嘅兄弟，喺我心入面係不能没有你哋。

DEE：

都冇咩想同兄弟讲，都有排对，反而想同Fans讲，但只代表个人立场。大家都知我锺意做戏，音乐上面冇乜野心要去追求，但每次见到你哋推到我哋入去一啲要投入嘅五强，都有种感动。我哋坚持就应该，因为做紧呢份工，但你哋都咁坚持，真係多谢你哋，都唔知可以点。未来我哋仲有好多日子一齐行，大家一齐努力加油，我哋会令更多锺意ERROR嘅人Proud of Us，锺意ERROR係有品味嘅象徵，我哋会继续往呢个方向进发。