42岁陈茵媺时隔多年复出，与老公陈豪合作拍台庆剧《罗密欧与祝英台》，无论口碑定收视都仆直。不过咁都唔够惨，事关陈茵媺在10年前因怀孕而弃猫一事再度引起网民关注，不少网民都非常好奇猫猫的下落。原来陈茵媺就9年前已经作出回应，不过就指「越描越黑」！

阅读全文

陈茵媺9年前澄清「弃猫事件」言论遭网民狂插

陈茵媺曾经自爆自己刚出道时因为没有亲人在旁陪伴，所以领养了三只猫猫作伴，一养就养咗六年。不过在2013年陀住大仔陈梓烨，就突然爆出「弃猫事件」，狂遭网民炮轰。事后陈茵媺亦有接受访问为「弃猫事件」澄清，不过就遭网民怒斥「越描越黑」：

我领养咗啲猫猫之后，就发现自己有鼻敏感。我一直都有食紧药去控制我啲敏感。但到我大肚，我就唔食得药，因为大肚食咗药就会畀咗BB，咁所以我啲敏感就发晒出嚟，都几严重嘅。我会呼吸唔到啊，喉咙会肿晒啊，条眼肿到得一条线。

我朋友见到我咁严重嘅情况，就提议不如暂时等佢照顾啲猫猫，等我啲敏感淡化咗，先再带返啲猫猫返嚟，所以先有呢啲暂时嘅安排。我都有成日做家访，我都好挂住佢哋。我都养咗佢哋六年，六年啊，我点会捨得佢哋啊。

有网民留言为陈茵媺平反：道德X上身

陈茵媺当年言论再度受到网民关注，网民们都纷纷留言怒斥指陈茵媺「越描越黑」，亦有网民留言指：「日久见人心」、「别兜了，越兜越低庄」、「咁多年啲猫喺边啊？」、「养猫会生畸形儿？叶翠翠啲仔女好健康。猫有生命有感情。畀人遗弃。猫都会惊都会喊。我想知佢下一代点对动物。」、「陈小姐唔接猫猫返去係好事，点知佢几时又有藉口，又弃猫。又敏感一早唔好养啦。」等。

不过依然有网民为陈茵媺平反指：

唔係动物唔可以同小朋友一齐，係怀孕唔可以食敏感要。当然你可以坚持食药，或者忍受敏感，小朋友有问题都唔紧要，总之就唔可以畀朋友样。畀朋友养当弃养，幻想猫大爷好可怜，道德X上身，闹足人十几年。

细数圈中3大冇弃养宠物艺人：

冇弃养宠物艺人 1｜舒淇严重湿疹都照养

其实圈中不乏爱猫之人，亦有不少艺人都未有因怀孕或疾病而弃养宠物，女神舒淇就是其中一个人办。舒淇多年来一直患有严重湿疹，每次复发都饱受煎熬，身心备受困扰。由于湿疹是免疫系统出毛病引致，医生就曾建议舒淇若想控制病情，最好避免养宠物，要远离猫毛等引起敏感源头，不过舒淇爱心爆棚，家中两只猫是她的命根，为养爱猫亦冇有怕。知情人说：「都唔单只係医生讲，其实都有朋友劝佢，就算养猫，都试吓少啲抱埋身，更加唔好同猫咪一齐瞓觉，不过，佢当正两只猫係仔女咁，话唔抱猫势係假，宁愿自己辛苦啲，再搵第二啲方法治疗。」认真有爱心。

冇弃养宠物艺人 2｜陈国邦夫妇一直坚拒弃9只爱猫

艺人陈国邦、罗敏庄两公婆同为爱猫之人，二人高峰期曾一度养8只爱猫。陈国邦直言虽然在小朋友出世后，身边的朋友都指担心猫猫会令小朋友敏感，曾经劝他把8只猫猫都送给人，不过陈国邦就坚拒弃养，并表示小朋友与动物一起成长，能够令体质和心智都更健康：「宠物喺屋企，可以将小朋友既爱心啓发出嚟。小朋友一出世，佢已经大过只猫好多（身型上），我地可以藉此教导佢要照顾呢只小动物，令佢知道点样去照顾啲比佢弱小嘅生物。」陈国邦又指身为父母会管理好因饲养宠物而产生的卫生问题，获网民大讚有责任心！

冇弃养宠物艺人 3｜陈柏宇夫妇「为生B弃狗」风波一度失控

陈柏宇与太太符晓薇Leanne于2017年结婚，婚后一年太太就公开表示怀孕。但其实在Leanne怀孕期间受，曾经因为家中两只爱犬鬆狮狗VV同老虎狗Bessie经常打大交，继而陈柏宇更公开爆了一句「最坏嘅情况係将佢交畀我个朋友」，即时被爱犬之人公开声讨「生B弃狗」，当时网民几乎一面倒批评陈氏夫妇不负责任。不过事隔4年旧事重提陈柏宇近日在自己的YouTube频道影片中重提旧事，坚持自己冇做错，并强调当时该番言论只是一个「最坏打算」，二人至今依然有继续养狗狗：

我都未弃，我都要谂㗎，係咪先？呢啲係最坏打算…好喇，我唔弃喇，尽我能力唔畀佢哋打架，然后有一只被打死咗，咁係咪一个好好嘅结果呢？我认为唔係。

福利视频，稀有资源请前往新站下载：zuisiji.top