MIRROR成员Edan吕爵安的后援会于今年10月宣布解散，后援会Admin被狂数5大罪之余，更被踢爆经常闹「爵屎」（Edan粉丝名称）做白卡，引起轩然大波。虽然没有了后援会，但Edan依然非常爱锡粉丝，经常在社交网站与粉丝交流倾偈，昨日（10日）他在Threads中连环发文抒发心情，表示自己经常听到外界对「爵屎」印象差，又认为MIRROR成员接连负评不断，自己都需要反思……

阅读全文

Edan回应MIRROR负评不断：我哋都要反思下

Edan事隔20星期再回归荒废多时的Threads，原本以为是轻鬆的话题，然而却竟然是「认真mode」︰「看见很多人都在threads裏畅所欲言，甚么都可以乱说乱分享一通，而我为甚么这么久没有玩threads，因为对我而言这裏跟ig没分别啊。我还是不能想说甚么就说甚么，我不想一会儿又被放大然后上新闻，但我今天鼓起勇气了，我要尝试尽量地想分享甚么就分享，所以我现在要乱说一通了，大家準备好了吗？」他之后随即转载一个由KOL所写的帖文：「镜仔进场大家可以另觅新净土了」，即有感而发分享外间对MIRROR或成员们的负评不断的感受︰「好老实讲外界/镜圈外好多时都会惊咗negative feeling’s towards镜仔/镜粉/镜仔粉大家可以选择唔理dun give a _，哩（呢）个都係个客观事实，所以可能有时我哋都要反思下点解会咁同点样，尽量唔好俾到啲唔好嘅印象其他人(禾甘duck ng duck?)。」

Edan自爆工作人员反映粉丝冇礼貌

他又反思自己可能因为表现不好，因此才会令人有负面观感：「我要做嘅就係下次做好啲而希望大家会见到。如果我心态永远只係『你唔钟意就算啰bye，你一定係hater。』咁我永远都唔会可以做得更好，令人改观。」由于后援会解散之前曾经被踢爆闹「爵屎」做白卡，令外界对爵屎的印象大减，他亦表示都有听过演唱会工作人员向他反映「你啲fans真系好冇礼貌」：「冇礼貌嘅未必係睇紧哩篇文嘅你，但当有其他人係咁嘅时候，人哋对『爵屎』嘅印象就会变成冇礼貌。」

Edan教粉丝要互相做好少少

他又重提早前fansclub重组一事，见到好多起底、嘈交等等不断互相恶意攻击，Edan呼吁各大粉丝做好少少：「甚至最后5强其中一队候选人托同事送礼物俾我又被扭曲成『贿赂』定唔知咩。哩啲所有一切都係我最唔想见到嘅嘢，点解要咁呢？所以可能只要大家都做好少少，互相提点，互相尊重，有礼貌地去表达观点可能大家对我哋嘅印象都会好啲。」

Edan：太多嘢要顾虑

Edan抒发完情绪之后，笑称自己也不知道自己可不可以这么真实，因为实在有太多要顾虑的东西，但又非常想讲：「既然演唱会都讲咗要做『ED偶像』，咁我就讲下啦。明嘅就明，唔明嘅就点都唔会明。」回带到今年8月Edan的个人演唱会，他提到可用3句金句「感恩感恩」、「应该可以嘅，但我要问下经理人先」及「呢条係一条好好嘅问题」去回应击退各方批评或刁难和攻击，不过却一度被网民批评不顾偶像形象兼小家。

连日公开酸民DM：皇帝唔急太监急

Edan在一连三场演唱会中疯狂自抽，重提自己向姜涛举中指、提醒好兄弟不要随便开餐厅做生意，更拿姜涛和髮型师Lydia的绯闻开玩笑等，引来不少同队成员粉丝不满，纷纷向Edan DM投诉。Edan当然唔哑忍，一一转发酸民DM的截图，不但反击酸民指「皇帝唔急太监急」，又话「你dmX人就得，人哋公开就唔得，我遮名都好仁慈啦下话」。

大篇幅回应网民批评

Edan今日就发出千字文反驳网民批评，对于外界指自己小家，他回应指自己一直「接受理性、坦白嘅意见」，不介意有礼貌的批评获意见，但部分网民故意DM人身攻击、刻意扭曲自己的原意，所以才会转发DM对话表达自己的不满。他直言：

「梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛。」

「我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。」

企出嚟为艺人发声：我唔认同做艺人就要哑忍

Edan指虽然有网民会叫自己「唔好理啲haters、无视佢Block咗佢就算」，但Edan指艺人都係人，有权表达不满或反击网民的攻击，但外界却以「偶像、艺人係唔应该反击」的潜规则去禁止艺人表达感受：「艺人都係人，艺人都会有感受，但个世界好似禁止咗艺人有感受/表达感受」、「好多人就係藉住『偶像、艺人係唔应该反击』哩条规则而为所欲为。而好多Artist都因为哩条『潜规则」而选择『哑忍』，殊不知内心已经千疮百孔，甚至情绪病。」

网民大讚Edan反驳得有条理

今次Edan出尽力反击网民挑机，为一直受到攻击的艺人发声，不少网民都留言大讚Edan反驳得有条有理：「有文有路既，讲野公道、识捞」、「认同既，但佢够多fans先讲得先多人支持，呢堆野係tvb人讲就一定比人闹死，希望佢都帮下一直被欺凌既艺人发声」、「佢愿意用自己嘅影响力去讲都算係咁」、「今次反镜都撑佢」。

Edan反驳网民攻击全文：

好啦，本身谂住开Live先讲，但见有人开始担心我冇PR，觉得我係嬲猪，觉得我个人唔humble，我惟有早啲同大家分享下我嘅谂法同目的啦☺️(白纸黑字写低都好嘅??)

1. 你係咪唔可以俾人话啊？

其实不嬲我都好接受理性、坦白嘅意见(如果唔係我都唔会cut短talk part啦?‍?)，因为我都好想做好啲继续进步好唔好睇，好唔好听，好唔好笑，完全係base on个人喜好，咸鱼青菜，各有所好，唔锺意係完全冇问题，我亦都好乐意接受。但如果係直接msg我一啲人生攻击，完全扭曲我原意嘅嘢，我就真係想讲句「有心啦！」❤️

2. 你唔好理啲haters啦！无视佢Block咗佢就算啦！

其实个个都会咁讲，但我可以分享一个比喻俾大家feel下其实係咩感受?「你俾人好大力打咗一巴落块面到，然后身边嘅人同你讲:「算啦，有佢啦。」」喂大佬！我块面仲痛紧㗎喎！点无视啊！艺人都係人，艺人都会有感受，但个世界好似禁止咗艺人有感受/表达感受。

3. Po dm出嚟好小家，好冇PR。

首先，讲真，你公海_我我真係算数?你直接msg我，但係又唔俾我公开(名都遮埋啦喎)，哩个係咩logic???再讲真，我梗係知我咁样做有人会觉得我好小家(所以我係唔会闹佢㗎☺️)，觉得一个公众人物唔应该咁做。喂！啲天皇巨星都唔会咁做啦！你啱啊！我真係唔係天皇巨星level啊嘛????

咁点解我要咁样做呢？就係因为我想俾大家知道做偶像做艺人每日係会suffer啲乜嘢好多人就係藉住「偶像、艺人係唔应该反击」哩条规则而为所欲为。而好多Artist都因为哩条「潜规则」而选择「哑忍」，殊不知内心已经千疮百孔，甚至情绪病。我比较好彩，我心脏真係算强大，情绪都算係比大部分人稳定。但当我发现连我都会被哩啲嘢牵动情绪嘅时候，我想尝试去做少少嘢，想尝试去改变少少嘢。我唔认同做艺人就要哑忍、就要硬食，我相信只要你唔係发脾气，你有道理，你有礼貌地表达，总有明白事理嘅人係会明白你係会支持你。

4. 将心比己

其实老实讲，街外大把唔锺意我嘅人，但佢哋係唔会浪费时间特登走去睇我啲嘢仲走嚟dm我㗎??所以我想同haters讲，你哋做紧嘅嘢，係同样地有人会对你偶像咁样做，而佢哋亦都会受困扰，我相信你哋都唔会想佢哋suffer。所以，己所不欲，勿施于人。我想改变嘅嘢唔係净係想唔好再有人嚟_我(我亦都冇咁天真觉得我咁样讲完就会冇)，而係希望大家可以将心比己，其实大家无仇无怨，冇必要製造咁多负面嘅情绪，哩啲完全係vicious cycle。如果你哋控制唔到，发现_完我先会舒服啲嘅，咁不如你哋dm闹完之后同我讲声：「辛苦晒，我舒服了。」咁我可能都可以当係做咗善事，唔放喺心到? (当然可能你哋就係想我放喺心??)

5. 总结

讲咁多，其实都係想大家做人relax啲，同埋想话俾大家知其实所有人都只係一个普通人。哩一年发觉，做人要经常开心事事顺利身体健康其实一啲都唔容易，每日都有好多不幸嘅事情发生，其实好多人都过得好「苦」。喺咁嘅前提下，点解仲要想去製造更多嘅「苦」，又何必呢？不如真係试吓放鬆啲，尝试欣赏多啲or用另一个角度去睇嘢，可能大家都会开心啲。唔锺意咪唔好睇啰，但冇必要伤害人姐，right?

最后我想讲我唔係话个个人都要好似我用咁嘅方式去表达，每个人都有佢嘅自由同方法同capacity去应对，但我相信每一个人(包括艺人)都係绝对有权去有礼貌地表达自己的。

其实我个talk show就係想表达类似嘅嘢，有机会再同大家分享多啲?欢迎大家去youtube参透下☺️

讲完，感恩感恩

福利视频，稀有资源请前往新站下载：zuisiji.top