人气YouTube Channel「小薯茄」经常拍摄欢乐影片娱乐观众，而他们其中一个系列「你撑我撑小店」会找一些坚持自己理想的小店合作拍片，不过新片一出引起公关灾难，仲被列出3宗罪…

阅读全文

小薯茄︳爆公关灾难？撑小店点知变误撑「黑店」？

YouTube频道小薯茄其中「你撑我撑小店」系列中，找来一间名叫「声匠製作」的配音公司，大讲粤语配文化，整段影片非常有意思。但留言有网民爆出原来呢间小店係「黑店」？仲力数3宗罪！「哇呢间………撑佢我真係黑人问号。做人有啲嘢我觉得要过到自己良知。」

网民力数3宗罪︳1. 前老闆走配音员数 现任老闆有份助攻？

自称前苦主千字文强调要爆真相！先指出唔明「小薯茄」点解会搵呢间公司，大爆原来呢间公司的前老细差配音员钱，无钱出粮，其后想走佬，最后前老细将间嘢低价卖俾依家公司个老闆，跟住依家老闆仲明知前老闆想走佬的情况吓都同旧老闆收购咗，兼唔通知受影响的员工。而且依家公司的老闆为免揹条数上身，通过卖晒啲器材然后再开新公司的方法同旧老闆划清界线。网民指出原本係有解决方法令配音员唔需要受到损失，即係会夹钱顶咗呢间旧公司，用盈利填返欠薪，或者一齐搵拖欠薪金的配音员开工补数。网民感慨依家个老闆法律上佢係无错，只係道义上的问题，而家好多配音员都唔愿意帮呢间Studio做嘢，之后亦向Viu出过联署，叫众网民自行判断到底呢位老闆到底有无问题。后来引嚟劲多同行爆料，仲话原来损失成七十几万！

网民力数3宗罪︳2.老闆古惑又最爱卖惨

其次仲有多名自称前苦主爆该小店老闆古惑又最爱卖惨，仲话如果入咗呢间公司之后，唔会有第间公司搵你开工！「识得佢耐嘅就知佢份人不嬲都好古惑，最锺意就係卖惨，奉劝想学配音想入行嘅唔好搵呢间公司，因为出到嚟基本上唔会有第二啲公司同领班搵你开工」、「有太多人畀呢个老细表面嗰层呃左」、「教人配音，传承呢个行业？ 记得教埋啲学生要有良知，要有道德，唔好好似佢咁为咗得到某啲嘢而牺牲其他人，仲要讲到自己都係受害者，自己都好惨呀」。

网民力数3宗罪︳3. 上堂乜都学唔到 连兴趣班都不如！

跟住仲有自称报读过呢间公司的前学员都爆料，爆小店导师教学根本教唔到人，上堂课程只係俾学员试吓配唔同类型影片，配完基本一个学期的课堂就结束，导师唔会关心你最后有无得着学唔学到嘢，上完堂无功课，仲要劲「大细超」，虽然最后会有毕业功课，但係就连导师上堂都自己讲呢个课堂只係俾学员玩吓！结束后无人反映问题，无人会帮手处理。

其次又话导师唔识教人，形容个课堂「连兴趣班都谈不上」，因为兴趣班都至少有体验、试下啲器材，但呢个配音班只係拎啲片出嚟俾学员配吓，唔教人点读正字、发音、表达情绪、语气，就连改懒音都无教。狠指要介绍点都唔会介绍呢间嘢，直言係「倒钱落海的course」。

睇片先：

小薯茄未有回应 网民力撑：佢哋係无辜架！

其后就今次「撑小店」公关灾难事件，记者向小薯茄经理人查询将会如何交代，对方已读不回，暂未有回应。

亦有唔少网民认为呢单嘢好似只有行内人会知，小薯茄只係唔知情的情况下刚好访问中呢间公司，其实佢哋都好无辜，希望小薯茄下次可以做多啲功课先。「其实稍为对香港粤语配音有认识…都知呢间studio有几黑…访问一间行业之耻 当然我相信小薯茄唔知」、「老实讲唔係行内人唔知呢间公司咩料真係唔出奇」、「老老窦窦 呢啲唔係行内人真係好难知」、「如果得咁少人知而又冇乜公开发表过问题，小薯茄都几无辜」、「真 ，Google搵过吓都唔觉有咩新闻/讨论」、「小薯茄可能要做多啲功课，带眼识人」、「本身都睇开小薯茄，但係估唔到竟然会介绍呢间嘢，真係好失望，希望只係未了解清楚而介绍错啦」。

福利视频，稀有资源请前往新站下载：zuisiji.top