福利视频，稀有资源请前往新站下载：zuisiji.top

李幸倪 Gin Lee 由大马来港发展已有13年，于2023年初转投新公司英皇后，她在一年内便推出了5首新歌，踏入2024年，Gin Lee在叱咤乐坛颁奖礼上分别以《Dum Dum》获得专业推介叱咤十大歌曲奖，以及夺得女歌手银奖，却引来不少歌迷替她不值，认为她值得攞叱咤女歌手金奖！

阅读全文

李幸倪 Gin Lee叱咤连夺两奖：衷心感激

Gin Lee日前在叱咤乐坛颁奖礼上分别以《Dum Dum》获得专业推介叱咤十大歌曲奖，以及夺得女歌手银奖，她在社交网发表感言：

2023圆满结束，付出咗100%努力，收穫咗1000吨嘅爱同支持～完美?

感恩上一年遇见嘅、帮过我嘅每一位，衷心感激。❤️

用几日时间整顿自己，再出发?

2️⃣0️⃣2️⃣4️⃣ Here we go!

李幸倪 Gin Lee表示付出咗100%努力，收穫咗1000吨嘅爱同支持，令她觉得2023年好圆满。 — Gin Lee表示付出咗100%努力，收穫咗1000吨嘅爱同支持，令她觉得2023年好圆满。（图片来源：IG@eeg_music）

Gin Lee第4度夺叱咤女歌手银奖

睇番Gin Lee自2009年在马来西亚出道，到2011年开始来港发展，13年间曾攞过香港电台的「十大中文金曲」的女歌手金奖、新城电台的「劲爆女歌手」奖以及「Chill Club年度女歌手铜奖」，而她今次更是第4度获颁叱咤乐坛女歌手银奖。

李幸倪 Gin Lee早前已凭歌曲《企好》获得「新城劲爆歌曲」及「新城劲爆女歌手奖」。 — Gin Lee早前已凭歌曲《企好》获得「新城劲爆歌曲」及「新城劲爆女歌手奖」。（图片来源：IG@ginleeginlee）

Gin Lee直言加入英皇好似「执到宝」

对于今次第4度攞叱咤女歌手银奖，Gin Lee受访时直言冇失落，因为无论攞咩颜色的奖都係一个肯定，令她有更大动力去加把劲，所以意义重大，她更直言加入新公司英皇是「执到宝」，她透露未来几年的工作都已安排好，除了出新歌外还计划开骚。

李幸倪 Gin Lee表示唔会放弃就一定有机会可以做到更好，希望支持她的人不要失望。 — Gin Lee表示唔会放弃就一定有机会可以做到更好，希望支持她的人不要失望。（图片来源：IG@ginleeginlee）

网民戥唔抵：金奖应该是Gin Lee

但有不少网民替Gin Lee不值，纷纷出言指她值得攞叱咤女歌手金奖：「金奖应该是Gin Lee」、「输唔係问题，但咁样输，真係点都讲唔过去啰」、「二首冠军歌都要输真係无话可说」、「Gin个女歌手应该係金色㗎！」、「在我心里你是独一无二的女金」、「我心目中嘅金奖是你，加油」、「公正自在人心，唱live实力更加高下立见，识听歌的人心裏很清楚，谁是真正金奖得主，肯定就是你Gin Lee」等等。

李幸倪网民纷纷替Gin Lee不值，认为她值得攞女歌手金奖。 — 网民纷纷替Gin Lee不值，认为她值得攞女歌手金奖。（图片来源：IG@ginleeginlee）

引用 Wyman 得奖感言勉励Gin Lee

亦有网民引用 Wyman 黄伟文在2004年获颁叱咤填词人大奖时的感言：「我宁愿得唔到奖，人哋为我觉得唔抵，好过得到奖，人地觉得我唔值。」来勉励Gin Lee，又大讚她在今年的努力大家都感受得到，更有网民话要颁个「女钻」奖给她，Gin Lee亦有在IG一一转发粉丝的长文Story，表达感谢。

李幸倪 Gin Lee在IG一一转发粉丝的长文Story。 — Gin Lee在IG一一转发粉丝的长文Story。（图片来源：IG@ginleeginlee）

李幸倪 Gin Lee 一年推5首歌认係最勤力嘅一年：年头到年尾冇停过去做歌

歌曲《哭泣健康指南》是Gin Lee在2023年第五首派台作品，她坦言从未试过这样密集式出歌，她笑言不知道自己是否今年产量最多的歌手，但今年肯定是自己最勤力的一年，「年头到年尾冇停过去做歌，除咗呢五首歌，其实仲录咗好多其他嘅歌係放咗喺度，迟啲会再陆续同大家分享。眨吓眼就一年，好满足，过咗一个多产、勤力、充实嘅一年。」最重要的是这一年她作出了很多不同的尝试，「每一次嘅歌都有唔同嘅题材、唔同嘅班底，好似一年内满足晒咁多唔同嘅愿望，之前未试过嘅嘢，今年可以一次过试晒佢。」

李幸倪 Gin Lee在2023年出咗5首派台歌。 — Gin Lee在2023年出咗5首派台歌。（图片来源：IG@eeg_music）

李幸倪一年小总结：一个俾自己嘅目标

每到年尾，都要为过去一年下来作个小总算，Gin早前曾回想2023年年头为自己所订下的目标，「就係一路讲紧希望今年可以出到四至五首歌，喺年尾嘅时候可以出多一首歌，我觉得都兑现咗一个俾自己嘅目标。」至于颁奖礼，她坦言希望有好成绩，为一直以来努力的团队及合作过的单位有交代，其余就交给「宇宙」，「我相信努力係有回报，都好希望可以代表今年所有同我合作过、为我付出过好多精力、时间嘅团队同埋同事，可以攞到好成绩同埋肯定。我会继续全力以赴到最后一秒！其他就交俾……交俾边个好呢？交俾宇宙啦，哈哈，我要做嘅嘢就䀆咗力去做啦。」

李幸倪新歌 — Gin Lee已完成2023年初为自己订下的目标。（图片来源：IG@ginleeginlee）

李幸倪 Gin Lee 曾有放弃做歌手念头讲到眼湿湿自爆有Fans追求仲差啲拍拖

由网上频道「冤枉娱乐」主理人「枉阿姐」主持的网上纪录式游历传访节目《枉谈》（Hidden Talk with WrongAJer）早前正式上架，首集请来Gin Lee李幸倪任嘉宾。节目中，Gin首次大谈自己的感情世界，除了曾经遇过劈腿贱男、又有控制狂男友，更考虑过跟fans拍拖，又自爆原来手揸多个物业，在节目中呈现她最真实的一面。

李幸倪 plt7 — Gin Lee首次大谈自己的感情世界。（图片来源：大会提供）

李幸倪入行获全家支持接埋父母来港定居

节目走访多个地区，包括迪士尼、北角等，全都是跟Gin有关，「所有嘅主题公园我都啱，北角就係我一嚟香港住嘅地方。」Gin表示全家都十分支持她入行，更谓家人觉得她不做歌手是浪费了她的才华，家姐更放弃马来西亚的东西，到香港陪她工作，「係唔简单，我都好appriciate佢嘅勇气。」

李幸倪 Gin Lee已接了父母来港定居，她表示为了父母要更加努力工作，希望有更好成绩。 — Gin Lee已接了父母来港定居，她表示为了父母要更加努力工作，希望有更好成绩。（图片来源：YouTube@Gin Lee李幸倪）

李幸倪自爆马来西亚有好多层楼下个目标香港置业

枉阿姐直言坊间很多人觉得Gin闷，但接触过后发现她经常讲烂gag，而且亦觉得她跟其他艺人不同，不像他们那样享受生活，如买名车住豪宅，Gin表示其实自己也会买奢侈品，「我都会买我锺意嘅手袋，但我未必会show俾大家睇。但係我有做适当嘅投资，我唔锺意炫富，哈哈，我唔係好有钱，但係我觉得冇需要，你关心嘅人、你锡嘅人，你对佢好，我觉得已经足够，我唔需要俾其他人睇我有几好。」问到买过最豪、最贵的东西，Gin坦言：「买楼、买车最贵，喺马来西亚有好多层楼，哈哈，唔通又话你知咩，哈哈。下一个目标就要喺香港买楼啦。」

李幸倪自爆恋经验次数

谈到感情事，Gin表示读大学才初恋，恋爱次数五只手指数得晒，在寥寥可数的恋情中，她就遇上劈腿贱男及控制狂男友，「发现个女仔post咗佢哋嘅合照，我先知道『啊！原来你有咗第二个。』我有同佢坐低倾，佢怪责我先，佢觉得我锺意咗第二个，佢就慢慢fade out同第二个一齐，佢嘅意思係人哋都追你啰，觉得我变心，但我我冇。」Gin坦言想继续为这段感情努力，但对方拒绝，「伤心㗎都。我拣男仔係差啲，我朋友成日话我『你啲眼光真係麻麻哋。』」除了劈腿贱男，又遇过控制狂男友，「着得性感少少又唔得，喺台上面唱歌，有第二啲男人望住我又唔得，又係我错，又要控制我唔可以做歌手，『要做歌手就做教会歌手！』类似呢啲，个价值观係完全唔同。」这次经历后，令Gin成长了很多，亦认清自己适合哪䫶型的男生。

李幸倪曾考虑过同Fans拍拖

好奇问到有否试过跟fans拍拖，Gin突然犹豫片刻，才答：「曾经有谂过，最尾冇。」原来曾经有位fans向她展开追求，「我好insecure，成日会谂到最worst嘅状况，佢会唔会爆我啲秘密？佢会唔会点……哈哈，会惊呢啲。」所以她每次拍拖的对象都是要认识一段长时间的人，「要係由朋友开始，我唔可以一见钟情跟住就一齐，要两年以上，哈哈。」

李幸倪 Gin Lee曾考虑过同Fans拍拖，但最后冇成事。 — Gin Lee曾考虑过同Fans拍拖，但最后冇成事。（图片来源：IG@ginleeginlee）

曾想放弃做歌手讲到眼湿湿

谈到从旧东家到2023年签约新公司，Gin自言当中经历了一段迷惘、不知所措的时间，更曾有放弃的念头，「我过去都唔係懒吖，点解我已经好认真对待每一样嘢、每一个环节，做紧嘅嘢同我想做嘅嘢、或者我期望嘅结果係有啲出入。失望到一个阶段，会觉得『唉，定係算呀』、『定係我做唔到呀』、『可能我唔得啊』，会有呢种质疑。要係放弃吖？可能我仲可以做到啲嘢呢？喺呢个十字路口徘徊嘅时候，最终我就拣咗再试多次啦！最后一击㗎啦，咁如果都真係唔係我想像中嗰样嘢嘅话，可能我真係唔适合。」节目尾声释出下集预告，Gin谈到初到港的屋住环境及生活，说到面对父母的愧疚更眼湿湿，精彩内容令人期待。