相隔22年再次合拍电影《金手指》的梁朝伟和刘德华，近日二人均为宣传电影马不停蹄。近日两位影帝就接受郑裕玲（Do姐）YouTube频道《The Do Show》访问，两位在访问中大谈银幕以外的生活，更罕有谈及二人的感情生活。

阅读全文

梁朝伟自认孤僻感激刘嘉玲迁就

Do姐在访问中大讚两位影帝对另一半都非常长情，当问到二人是如何维繫感情时，梁朝伟就表示自己性格孤僻，全靠太太刘嘉玲才能维繫此段关係：

我谂係因为嘉玲比较迁就我。我觉得呢个係我哋可以相处咁耐嘅原因。其实佢对我真係好迁就，我好孤僻㗎嘛，又好少陪佢。久唔久我都会陪吓佢嘅，出嚟同啲朋友聚吓餐，但有时我真係好怕啲好多人嘅场合。佢钟意热闹，我钟意静啲。不过我都係觉得呢啲都係互相迁就同互相尊重。

刘德华大谈维持关係秘诀：可以半年唔讲一个电话

至于一直少有在访问或公开场合谈及私生活的刘德华，亦有在访问中大方分享与太太朱丽蒨维持关係秘诀。刘德华指二人可以半年都不通一个电话，太太亦没有特别要求，令Do姐都听到非常惊讶，认为刘德华找到了对的人，是一种特别的缘分。

我又唔知佢觉得我咩好，我又唔知我觉得佢咩好，但係就两个人一齐，佢又冇就我，我又冇就佢，但係就係咁样。以前我哋喺两个唔同地方，我哋可以半年唔讲一个电话。

刘德华为1原因为妻女茹素

此外，刘德华在访问中表示自己已经茹素十年，而茹素的原因全因妻女。刘德华指太太就一直茹素，女儿亦从胎里素开始从未食过肉，所以就特意为妻女决定不吃肉：

其实当囡囡出世一年到，我都仲食紧肉嘅。但係好似见到老婆同个囡都食素，但自己食肉就好奇怪，我冇任何宗教原因，我只係好希望同屋企人一齐，所以就一齐食。

梁朝伟自爆曾在家中大发脾气

两位视帝除了罕有谈及到感情生活之后，亦在访问中大谈二人私下鲜为人知的一面。当Do姐提及到多年来从未见过梁朝伟和刘德华发脾气时，梁朝伟都承认自己少发脾气，但唯一一次就发脾气发到在家中打烂所有东西：「我谂我记得我唯一一次发脾气，就係我一个人㗎啫，冇人见到嘅，就係屋企打烂晒所有嘢。我都唔知点解，我唔记得咗嗰原因，由第一样嘢开始打之后，就停唔到，好似拍戏咁。」刘德华在旁亦表示自己曾经在表演场合中，发脾气将衣架的铁通逐条拆掉，之后搞笑地续指：「你谂吓，其实发完脾气要收拾先最麻烦，要我自己执返。」

梁朝伟讲明唔会再唱歌：我呢啲玩玩吓㗎咋

两位影帝梁朝伟、刘德华除了曾经是TVB同事，亦曾经签约华星当歌手。梁朝伟笑指刘德华才是真正的专业歌手，自己就只係「玩玩吓」，当年之所以会卖力唱歌，都只是因为电视台安排，每当没戏拍就唱歌，一切都係因为「贪玩」：

我係三分钟热度㗎咋，除咗拍戏之外，我其他嘢玩一轮就唔钟意，就唔会再玩。（咁会唔会再唱？）唔会。（点解？）我觉得真係要好钟意，真係要日日练，咁先会享受。我唔係，我係钟意就唱吓，唔钟意就唔唱。

一齐睇《The Do Show》专访：

两位视帝梁朝伟、刘德华罕谈感情生活！

福利视频，稀有资源请前往新站下载：zuisiji.top