TVB《万千星辉颁奖典礼2023》搬到澳门葡京综合度假村举行，网民意见有讚有弹，有人对比TVB一厂，直指澳门场地好似冇咁有气派，仲列出3点话似足中学Grad din喎！

阅读全文

TVB颁奖典礼睇落劲low budget 3大重点似足中学Grad din？

《万千星辉颁奖典礼2023》今届去咗澳门上葡京综合渡假村上葡京礼堂举行，艺人们齐齐坐圆枱等拎奖睇表演。但有网民就认为呢种圆枱以及整个场面真係劲大阵「low budget味」。

第1，指出似同中学Grad din差唔多level咁，简直真係一间普通公司围威喂搞Annual dinner，完全无晒旧日嗰种星光熠熠的感觉！

第2，普遍公司Annual dinner起码有嘢食，有奖抽，但网民指见到成班艺人净係得个坐字，枱上得杯嘢饮，少少嘢食都无，睇落仲寒酸！

第3，昔日颁奖典礼主持都会有汪明荃、曾志伟、Do姐等，近呢2年已经唔见晒，今年仲要变成丁子朗，网民话就连主持都衬返。

网民：好过酒楼摆酒少少 成晚靠艺人叫嚣撑场围威喂

网民亦开Post讨论，写道：「好有百万圆桌feel，成日听到成个场冇声，得啲友无啦啦X起哄围威喂，成阵味真係好浓」、「只係好过酒楼摆酒少少」、「真係唔讲上葡京以为边间酒楼」、「人哋韩国sbs mbc 都係围威喂，但唔会靠啲艺人叫嚣撑场，似返个颁奖礼」、「冇睇tvb，但以前搞颁奖礼好似隆重好多，做咩而家搞到摆酒咁」、「自己公司annual dinner个场都大过佢」、「今年係上葡京搞酒楼feel，同厂入面有布景舞台真係差劲远」、「楼底劲矮，空间感好迫，即刻觉得好低级」、「出年搵间放得落二，三十人嘅房搞就算啦」、「annual dinner但唔见有嘢食」、「似联欢晚会」、「我见同人哋d婚礼会场好似仲靓少少」。

有网民力撑：TVB自己台搞颁奖典礼紧係围威喂啦

不过都有网民唔认同，指自己台搞颁奖典礼紧係围威喂啦，唔通叫埋对台ViuTV上嚟咩，又指TVB颁奖典礼其实真係TVB的Annual dinne：「本身就係TVB嘅Annual dinne」，又有网民指今次唔驶钱已经好好：「唔驶用自己钱搅仲想点」、「mc迟下开show都係呢到啦，最重要个场係赞助嚟」、「又唔係金像奖好正常啫」、「今年係最好睇一年」。

福利视频，稀有资源请前往新站下载：zuisiji.top