32岁的麦明诗（Louisa）日前突然惊爆荣升「新娘子」，与男友机师盛劲为闪婚成为焦点。曾与麦明诗拍拖3年的林作，却被外界视作成为这位「10A港姐」的「一世污点」，当被问及旧爱结婚的消息时，林作本人激动回应……

阅读全文

林作激动回应麦明诗闪婚

麦明诗和盛劲为传出婚讯之后，有传媒追访麦明诗的前男友林作，被问前女友结婚有何感想，他激动表示「冇回应」，又称自己贯彻始终，对于任何前度的事情都「冇回应」。

麦明诗8年前电视城喊爆讲数

2016年9月6日晚上十时左右，本刊曾独家直击麦明诗到将军澳电视城为港男决赛做綵排，期间独自行到走廊讲电话，并伤心饮泣，不时用手抹去脸上泪痕，倾咗大约半小时后才挂线入厂綵排。直至凌晨一时收工，麦明诗未有返家休息，而係驾车直驶林作位于麦当劳道嘅豪宅，甫下车，麦明诗见本刊记者仍强颜欢笑，问到刚喺TVB喊得好紧要，麦强笑说：「冇呀！OK…（感情定工作上问题？）都係压力，各方面⋯（同男友感情点？）朋友啰！谂住叫佢拎番啲嘢俾我，但你哋喺度！」

上林作屋企执嘢走

麦明诗之后上楼近一小时后才下楼，被问到林作妈妈都好想二人复合？麦明诗说：「拍拖係两个人嘅事，都尽量唔理其他嘅嘢！（会否担心林妈妈好伤心）我谂佢最紧要都係个仔嘅决定！（之前传林妈妈送六千五百万嘅单位畀你）唔係好清楚佢啲嘢，点都唔係畀我啦！佢（林作）都冇搬到！」执嘢走，仲将男友降呢为朋友，正式为「明作恋」画上句号！

爆喊呻迷惘

同一日麦明诗接受《新地》Live fb访问，期间提到同男友林作嘅关係，麦明诗表示感到好迷惘，更数度感触落泪，当记者再问原谅咗佢（林作）未，麦明诗喊住话：「我觉得唔係话原唔原谅，件事唔係你哋睇到咁简单！」

问到是否已同林作复合，麦明诗表示只係食lunch！至于近期有否异性追求，麦明诗笑言唔可以控制其他人做乜：「其实我觉得人长大咗，人与人之间唔係咁清，当然唔係我想唔清晰（开始紧张，抓头髮）⋯我惊我讲到喊（手掩面）⋯唔係话可以咁清晰⋯人非草木！」

当问到依家係咪感到好迷惘时，麦明诗直认：「我係好迷惘！（因为林作？）其实唔係喺佢身上，因为我依家廿几岁，好多人喺呢个位都好lost！」此时，麦明诗掩面强装笑容，但双眼已通红！

麦明诗提感情事落泪

麦明诗自认係一个大情大性之人，不过，佢坦言身边人未必了解佢感受！「其实，好多事好易令我开心，但唔係人人都get到，我觉得我係有啲奇怪，我要嘅开心係佢要明白我嘅emotions，或者佢幽默感要好特殊，变咗唔係个个都凼到我开心！但唔係送花送咭能够触动到我！」

当记者再问你原谅咗佢（林作）未？麦明诗即情绪爆发，激动落泪说：「我觉得唔係话原唔原谅，件事唔係你哋睇到咁简单！」

麦明诗大方回应曾恋林作

有网友重提麦明诗与林作昔日的恋情，留言指：「同林作个傻仔扯上关係，係你一生嘅遗憾！」麦明诗竟亲自回覆：「still something I don’t regret!（仍然是我不后悔的事！）」随即引发网民热议，纷纷留言「早走早着，迟啲瞓唔着」、「作仔唔係蠢仔，係衰格啲但几叻计数，依家各有所得。」、「人一生好人坏人都要识吓，呢个係人生嘅学习，唔係污点！」等。有不少网友大讚麦明诗回应好友大方得体，没有说前度半句坏话，有家教、有修养，获得逾千名网友点讚，不过该名引发讨论的网友其后疑已删走了留言。

林作曾多次消费麦明诗

林作过往曾多次消费作为港姐冠军的前度麦明诗，一度为维护现任女友裕美，而在社交网发表伟论谓：「裕美真心靓过麦明诗好多，身材也更优胜。素颜颜值也绝对一流。绝非平平无奇，可谓波涛汹涌。今晚乃来当观众而已，难道要着到嚟选美咁吗？」护花撑自己女友绝对是勇夫所为，不过要借踩前任麦明诗去抬举现任则被指极无品，有传媒问及麦明诗这事时，她就以八字回应：「唔回应，唔想中圈套！」

福利视频，稀有资源请前往新站下载：zuisiji.top