麦明诗日前公开新恋情，虽然坐经济位被网民嘲Cheap，但她仍幽默反驳获激讚。其实麦明诗同林作曾拍拖三年，期间不时被传媒影到甜蜜拍拖，自从两人分手后，林作与裕美就高调晒恩爱，而麦明诗则于近日才传出与盛劲为拍拖。有不少网民都随即翻旧闻，更指林作是麦明诗黑历史，其实当年二人分手时，麦明诗时常触景伤情。重温2016年林作麦明诗二人恋情告急来龙去脉。

阅读全文

林作麦明诗2016年分手上封面！传因有第三者介入？

2016年9月6日晚上十时左右，本刊曾独家直击麦明诗到将军澳电视城为「2016年度香港先生选举」做决赛綵排，期间独自行到走廊讲电话，并伤心饮泣，不时用手抹去脸上泪痕，倾咗大约半小时后才挂线入厂綵排。直至凌晨一时收工，麦明诗未有返家休息，而係驾车直驶林作位于麦当劳道嘅豪宅，甫下车，麦明诗见本刊记者仍强颜欢笑，问到刚喺TVB喊得好紧要，麦强笑说：「冇呀！OK…（感情定工作上问题？）都係压力，各方面⋯（同男友感情点？）朋友啰！谂住叫佢拎番啲嘢俾我，但你哋喺度！」

麦明诗上林作屋企执嘢走

麦明诗之后上楼近一小时后才下楼，被问到林作妈妈都好想二人复合？麦明诗说：「拍拖係两个人嘅事，都尽量唔理其他嘅嘢！（会否担心林妈妈好伤心）我谂佢最紧要都係个仔嘅决定！（之前传林妈妈送六千五百万嘅单位畀你）唔係好清楚佢啲嘢，点都唔係畀我啦！佢（林作）都冇搬到！」执嘢走，仲将男友降呢为朋友，正式为「明作恋」画上句号！

麦明诗爆喊呻迷惘

同一日，麦明诗接受《新地》Live fb访问，期间提到同男友林作嘅关係，麦明诗表示感到好迷惘，更数度感触落泪，当记者再问原谅咗佢（林作）未，麦明诗喊住话：「我觉得唔係话原唔原谅，件事唔係你哋睇到咁简单！」

问到是否已同林作复合，麦明诗表示只係食lunch！至于近期有否异性追求，麦明诗笑言唔可以控制其他人做乜：

「其实我觉得人长大咗，人与人之间唔係咁清，当然唔係我想唔清晰（开始紧张，抓头髮）⋯我惊我讲到喊（手掩面）⋯唔係话可以咁清晰⋯人非草木！」

提感情事落泪

麦明诗自认係一个大情大性之人，不过，佢坦言身边人未必了解佢感受！「其实，好多事好易令我开心，但唔係人人都get到，我觉得我係有啲奇怪，我要嘅开心係佢要明白我嘅emotions，或者佢幽默感要好特殊，变咗唔係个个都凼到我开心！但唔係送花送咭能够触动到我！」

林作夜蒲识女仔

咁件事到底係点？当年，麦明诗忙于在深圳拍无綫剧《赌城群英会》，但同时林作就被发现与女友人Victoria夜蒲铜锣湾，仲当街向对方「抄牌」。如此「明张目胆」，难怪Louisa即时嬲爆！据知，Louisa在深圳拍剧时已经喊足好多日，一度拒听男友电话！

之后，麦明诗返港与林作见面，二人去到中环一意大利餐厅，据闻，係佢哋第一次约会的地方，所以别具意义。期间，林作都诚意十足，有风度地替女友点餐，又主动帮女友搞匀饮品。谁不知食饭途中气氛急转直下，麦明诗突然激动喊出嚟，不断饮泣，林作顿时吓得不知所措，只係不断递纸巾给女友，不断凼女友补镬。

林作FB留言冧女

当时林作曾被发现不时在Victoria的FB留下暧昧字句︰「I can’t stare at this profit pic a moment longer because I fear I might fall in love with you… oh too late」（我不敢再盯着看这张相多一刻，因为我怕我会爱上你⋯⋯噢，太迟了！）男友口花又风流，麦明诗点会唔伤心！

原来，Victoria同林作一样喺牛津大学法律系毕业，曾任终审法院的司法助理，当时已经係大状。对被指「抄牌」林作声称纯属一场误会，仲话其实麦明诗都认识Victoria，搵番旧相，三人的确曾在公开场合同场出现过！

重温当年影片

福利视频，稀有资源请前往新站下载：zuisiji.top