自称「李老母」的李璨琛老婆梁志莹，经营5岁爱女李元元（Lucy）和1岁细女李斐斐（Sucy）的IG账号成为育儿界KOL，凭可爱搞怪的形象深受网民喜爱。然而，Lucy妈妈却多次因拍片惹争议，今次就到1岁细女误吞纸皮，但李老母却因为挂住拍片，遭到网民怒轰！

阅读全文

李璨琛1岁细女误吞纸皮 Lucy出手「扣喉」

日前，自称「李老母」的Lucy妈妈在IG分享两位囡囡的照片和短片，2位小朋友都瞓到头髮蓬鬆，非常可爱。李老母发文指：

本身见到佢哋两条友仔个头咁乱想影低笑吓，一个不小心竟然影到一个悲剧嘅发生 #家姐终于可以深喉 #阿妹又食纸皮家姐努力想将纸皮拯救 #结果阿妹得嗰四只门牙竟然依然咬中家姐只金手指 #阿妹感觉好生人勿近 #最尾张相几咁悲剧

光睇文字都觉得够晒牙烟，再睇一睇短片，可以见到Lucy突然将手指塞到妹妹口中，仲要愈塞愈深，犹如「扣喉」一样；而妹妹Sucy就状甚痛苦，标晒眼水，多次想离开座位，最后更疑似出现「催吐」情况。

网民再怒轰：喊得咁凄凉仲影

李老母就淡定拍片分享，但一班网民都觉得情况太危险，Lucy妈妈一啲安全意识都冇，纷纷留言怒轰：「喊得咁凄凉仲影」、「唔好畀纸在佢视线範围内喇」、「咁都拍片放上网，成件事好危险」、「老母係咪唔畀饱奶susu食呀？饿到纸皮都食？」、「李伯母，咁大整蛊整块纸皮畀阿妹，好彩无咬甩牙咋」。

5岁爱女Lucy撞亲头都挂住笑

「李老母」Lucy妈妈在IG分享早前打8号风球时发生的家居意外事件：「李元元喺屋企上演一幕冲力射头，成个人飞弹埋个名贵实木餐边柜，头壳经过测试够坚硬竟然俾佢撞凹咗个柜。」李老母随后公开Lucy的伤势，只见5岁的她前额头明显肿了出来兼留下一条长长的伤痕，只而事发现场的木柜亦被撞至明显凹了下去，可想言之Lucy当下有几痛！然而，作为妈妈的李老母虽然表示「feel都我老公好似有一刻嬲」，却只顾不断笑，甚至将女儿的丑态放上网「公审」：「心裏不停谂我个女个头真係有咁硬竟然可以撞凹个柜？个铁头冇爆其实真係好好彩，李元元出年东华表演一定要预埋你 #冲力射头 #贴块胶布佢即刻觉得自己係冇事嘅。」

网民怒轰心理变态

虽然Lucy妈妈觉得好好笑，但网民却觉得她太冷血，狠批她枉为人母：「简直心理变态，为求呃like，无所不用其极玩阿女，不知所谓」、「係好顶唔顺，唔知点解有老母会笑得出」、「公开讲笑会俾人有位入你做唔好妈咪角色」、「唔係讲笑，撞到几伤吓，撞到表面额头其实入面係蝶骨」、「李老豆怒睥得你啱嘅，笑笑笑，丙得少」，甚至连谢安琪的关心都比起李老母还要多：「Poor Lucy，快啲好返！」

被闹爆再发文「补获」

Lucy受伤事件引起各方报道之后，李老母今日（12日）再于IG回应，澄清女儿一点事也没有，并上载一条Lucy在镜头前表现鬼马的影片：「多谢各界好友嘅关心，条友仔真係冇事，你哋睇吓觉得佢有冇事 #个样烦到」

细女Sucy被塞纸箱眼碌碌

事缘，Lucy妈日前于IG上载一段影片，片中刚于今年2月出世的细女Sucy被塞进好似鞋盒咁大嘅纸箱入面，大女Lucy兴高采烈打开纸盒，在盒中曲着身体嘅Sucy即瞪大双眼，好像未知发生什么事，样子表现有点不安。

网民闹爆Lucy妈呃Like走火入魔

影片一出，不少网民闹爆Lucy妈：「为咗呃Like走火入魔，连盖都冚埋一阵焗亲点算」、更有网友担心细女条腰好容易出事，更狠批虐儿。「睇佢年纪条颈同条腰应该仲未完整，点可以咁样」、「这位阿妈脑袋有问题」等。经过一轮骂声，Lucy妈已将该影片删除，不过事后继续于社交网分享两个宝贝女的萌照及影片。

Lucy李元元被阿妈笑似…惹争议

去年李妈妈梁志莹上载一张李元元穿上闪爆高踭鞋、擘脾坐在凳上吃苹果的相片，相中李元元表情落寞，似乎有心事，而且手中苹果被她咬出心形图案，未知心事是否跟男生有关。李妈妈在配文中笑言：「庙街…一枚 #喂呀你可唔可以着返好对鞋先再讲呀#你咁样係唔会有客㗎」

网民狠批评：咁样笑自己亲生女

有些网民表示好搞笑：「麻甩LU」、「完全係生活在韩国街市阿猪妈」、「啋过你呀！Lulu似包租婆」、「lucy姐嘅品味系另类咗啲，不过都冇影响佢嘅顔值」。但亦有网民狠批评梁志莹用词不当，甚至于讨论区开帖文，累积超过800个Dislike：「唔好咁样话个囡」、「呢个世界真係乜人都有，咁样笑自己亲生女，仲要摆上网」、「开始觉得佢个女好惨」、「净係识用个女嚟搵钱」、「个女第时大个，实被同学笑到面都黄」等等。

原来「流莺」是指四处飞翔鸣唱的黄莺鸟，但后来代表那些当街在路上兜搭男士、进行不道德交易的女士，油麻地庙街常见有「流莺」聚集于街头。根据刑事罪行条例中的《为不道德目的而唆使他人》条例，如在街头主动兜搭客人，则有机会违反，一经定罪，可处罚款1万港元及监禁六个月。

福利视频，稀有资源请前往新站下载：zuisiji.top