歌唱真人骚《香港李衆胜堂保济丸呈献：中年好声音 2》，周日初二（11 日）晚 8 点 35 分翡翠台播出，节目由车婉婉担任主持。本集是第九部曲《陈慧娴金曲赛 喜气洋洋贺十二强！》下半场， 有肥妈、伍仲衡、张佳添、周国丰和陈慧娴担任评审。今集出场名单如下：《归来吧》谭辉智、《我寂寞》黄剑文、《夜机》安雅希、《傻女》陈燕娜、《月亮》沈宗贤和《与泪抱拥》刘威煌。

阅读全文

越唱越强的黄剑文再有好表现！自弹自唱的剑文演出《我寂寞》，大晒烟嗓唱出寂寞感觉，而他的留鬚流浪造型亦加分不少，慧娴大讚：「恭喜晒你，呢只歌你做咗好多功课，畀到嘢我睇、畀到嘢我听，真係畀咗好多心机落去，呢样值好多分，令我好感动。」肥妈亦大讚剑文做足功课：「引用一句好老土嘅说话，海上扒龙船，岸上有人见，你真係有做功课。」伍仲衡则说：「自从《爱很简单》个回合，已经觉得你返咗嚟，同埋你畀咗呢首歌新嘅面孔，有啲王杰嗰啲浪子Feel，好不羁，好鬼正呀你！」

穿上酒红裙的安雅希献唱《夜机》，她将歌曲改编成 Bossa Nova 风格，雅希边唱边摇 Chill 到爆。对于雅希的演出，慧娴说：「你係一个战斗格嘅歌手，但呢只歌唔係太适合比赛，你声音係属于厚同低沉，唱呢只歌係好听，不过呢只咁平淡嘅歌表现唔到你威猛嘅地方。」伍仲衡亦认同慧娴所说：「呢只歌大部分时间係中低音，而你嘅高音係好听，攞分好多时喺个 Chorus 度，要有啲嘢畀人听。」张佳添则说：「 Bossa Nova 係轻鬆嘢，大强（吴大强）唱可以攞到好高分，你会玩啲Ad-lib，但 Phrasing 上面唔够新鲜感畀我哋，你 Own 唔到呢个版本，听完之后係觉得好好听，但未够 Impressed 啰。」

《夜机》乃慧娴爆红作品之一，当年正值事业高峰的慧娴宣布暂别乐坛远赴美国读书，令一众歌迷依依不捨，今集慧娴自揭箇中原因：「我个人好简单，唔多谂嘢，多得我老窦係超级控制狂，佢话咩我就做咩，虽然我有唱《反叛》，但都係被迫㗎啫！爸爸觉得我唱咗歌，满足咗自己爱好喇，咁不如读埋大学，如果第时唔唱歌，都起码有个学历喺度，当时我自己都喊，都好唔捨得啲歌迷。」

福利视频，稀有资源请前往新站下载：zuisiji.top