福利视频，稀有资源请前往新站下载：zuisiji.top

由黎芷珊主持的全新节目《澳娱综合呈献：芷珊约您》昨晚（21 日）开始逢星期日晚上 9 点半翡翠台播映。向来擅长主持访谈节目的芷珊，这次将挑战难度推出纪录式访谈节目，并广邀在乐坛举足轻重的 7 位代表人物/组合，贴身直击 7 个不同风格的世界巡迴演唱会。阅读全文

阿 B 试过有次开 Show 同其他 band 夹到周身唔聚财，但阿伦一嚟到就即刻成个人安心晒，好感人。（图片来源：TVB）

第一集为《芷珊约您》打响头炮的嘉宾，是已经在乐坛屹立了五十年、由谭咏麟（阿伦）、锺镇涛（阿 B）、陈友、彭健新及叶智强组合而成的温拿乐队，芷珊除了直击五人在澳门的告别巡唱綵排及上台前的关键时刻外，还跟五子到吉隆坡见证他们连串告别巡场宣传活动。温拿屹立多年，最为人津津乐道的除了是一首又一首的名曲外，还有五人的兄弟情。五子之中，由于阿伦及阿 B 较受欢迎，二人在温拿出道不久已获各方邀请作单飞发展，为了顾及其余三位好兄弟而一直未有行动；陈友接受芷珊单对单访问时便娓娓道来温拿为何在 1978 年时决定尝试各自发展，陈友说：「嗰两个靓仔小鲜肉好多人搵佢哋独立发展架嘛，咁你走咗队band 点呢？我觉得佢哋有难处嘅，咁我哋三个（陈友、健仔及智强）咪商量话不如停吓，各有各做啲嘢先啦，几年后睇吓係咪再聚埋啦，唔通三十岁仲弹结他咩，係咪应该搵啲自己各自嘅事业呢？大家好兄弟，有啲嘢唔好等佢讲，大家明吖嘛。」听落极度窝心，亦因为这样，温拿建立了每隔五年便聚在一起开骚的传统。

芷珊再追问陈友见到同队有其他队员更受欢迎会否感到唏嘘时，陈友说：「睇你执咗咩筹，咁你执咗支打鼓筹，你咪认住支打鼓筹。唱歌嘅係 front man，一定要有咁嘅条件，就係睇起上嚟好舒服、可以吸引到万千拥趸嘅。自己要问番自己有冇呢啲条件先？我觉得我后生嗰时就冇（呢啲条件）嘅。」芷珊还追问了阿伦与阿 B 的乐迷会否不和，对此阿伦即收起一贯的顽皮严肃谓：「我哋会教导佢哋，我哋係一队 band 嚟，锺意我要爱屋及乌。」阿 B 则谓：「跟咗好多年嘅 fans，就冇分锺意边个边个架喇。」

无所不谈的五子，提到阿 B 2002 年面对经济难关时，阿伦坦言当时其余四子都想尽办法想帮阿 B 度过难关：「我哋成班有谂过不如我哋开演唱会同佢搞掂佢啦，但阿 B 就话唔使。」阿 B 在旁即接着说：「发生咗事情就面对啦，佢哋係好有心

想帮我呢件事，但我自己嘅事应该自己承担，就算係帮我，都冇理由佢哋咁辛苦嚟帮我。」五子互相的扶持及体谅，配以芷珊「好兄弟无须多讲，永远都係互相支持」的旁白，煞是感人。

温拿无论係五子之间抑或同歌迷之间，大家嘅情谊都係好似歌词一样千载不变。（图片来源：TVB）

有温拿的地方，就有美食和欢笑。五子受访时大谈当年奀皮事件，原来阿伦及陈友曾因一时贪玩大玩自残游戏，结果两败俱伤。陈友说：「我同阿伦每人一嚿拳头咁大嘅芥辣，然后一齐啪入口唔准饮水！」阿伦说：「大家咪互望，总之有任何反应就输！」陈友再说：「我嗰晚好辛苦，个胃转嚟转去，见阿伦冇打嚟以为佢冇事，点知第二朝见到佢块面黄晒。」阿伦没好气谓：「我呕到黄胆水都出埋嚟。」阿伦又大爆智强与陈友相当烂瞓，其中有次因担心昏睡不醒的阿强有事，惊动酒店职员帮忙开门，岂料阿强不但瞓得好稔，更连被开着的灯「Cup」住整块脸也浑然不觉，十分搞笑。