J2节目《不正常爱情研究所》主持文颂男（Koba），去年宣布确诊尤文氏肉瘤（Ewing’s Sarcoma）的消息，目前已全面停工接受治疗。不过文颂男早前就宣布第一阶段的治疗失败，需要由化疗转为电疗，继续漫长的抗癌之路。不过早前文颂男就在社交平台透露心声，更表示自从病咗之后，好似由感谢大家，变咗服务大家……阅读全文

文颂男无奈表示唔覆DM被闹

虽然在病痛的折磨下，文颂男仍然努力更新社交平台，更会透过直播与粉丝互动。不过文颂男透露，由于身体状况限制，无法回覆所有粉丝的私讯，Koba的全文如下：

「自从我病咗之后，好似由感谢大家，变咗服务大家。

我收到源源不绝嘅DM。每个人都希望我回覆佢，我唔回覆佢嘅话甚至喺我直播上面闹我。我知大家都好想同我做朋友，而其实我都好欢迎同大家做朋友，我都尝试尽量回应晒大家嘅DM，尤其一啲有用嘅资讯，我係好感谢大家提供畀我。奈何实在太多太多嘅讯息，我实在冇办法回复得晒，尤其是最近呢排每日都痛，根本分散唔到注意力去回覆大量嘅讯息，喺到同大家讲句唔好意思，我知道大家都好热心好关注，我已经收到大家嘅心意。我当然好欢迎大家发讯息畀我，但我未必可以回覆得晒，而儘管我未必可以及时回覆，我都会尽量睇晒大家嘅DM。

大家畀咗无数咁多、唔同嘅建议我。有啲人又话某啲嘢唔好食，有啲人又话某啲嘢应该食。我食亲啲咩都话唔应该食，好似就嚟冇嘢係可以食，就嚟係咩都唔食得。咁我到底应该食啲乜嘢呢？大家建议我食素、戒呢样戒嗰样，我都只能够尽量执行，同我屋企人讲声不如煮呢啲啦。

最后，我真係好感谢大家对我嘅热心同关心，除咗收到你哋嘅捐款之外，仲有一啲膳食补充剂去帮助控制我嘅病情，冇你哋嘅支持我未必可以走到嚟而家呢一步，我对于以上种种嘅支持同关怀表示感激，多谢大家！同时都希望大家可以畀多啲空间我，体谅一下我。同病魔搏斗係好辛苦、好困难嘅一件事情，希望大家继续帮我集气，打倒呢个大魔王！」

网民留言力撑文颂男

对于文颂男无辜被闹一事，不少网民都留言力撑文颂男：「啲人唔使理咁多啦，最紧要顾好自己身体，希望你有奇蹟，祝你早日康复」、「网上怪人就无视佢地啦，讲出来都无人会帮佢地。」、「请你继续加油！专注自己养病，不用理会别人任何的要求，他们不会知道落药后身心嘅攰係点样。要身体有能量，期盼有希望就会有机会成功！祝福你！」、「可能啲人太关心你， 过度紧张， 你感觉变咗闹， 咁样谂会唔会舒服啲？ 自己要锡自己， 爱自己， 清闲时就睇讯息及覆（随喜）休息之余要坚持散步， 祝你早日康复， 撑住！」

J2节目主持文颂男化疗无效 揭一个坏消息：活得冇尊严

J2节目《不正常爱情研究所》的主持文颂男（Koba），去年12月在社交平台透露因患上癌症（尤文氏肉瘤，Ewing’s Sarcoma），早前全面停工接受治疗。早前更在《不正常爱情研究所》复工，表示「拍到眼湿湿，希望有机会再喺电视同大家见面」。文颂男昨日（27日）发文，透露一个坏消息，直言「我好唔想离开你哋」。

文颂男化疗无效：肿瘤仲变大咗少少

文颂男早前复工亮相节目，直言「拍到眼湿湿」。文颂男帖文内容：「经历咗第一阶段嘅治疗，做咗五次嘅化疗，但係治疗无效。照咗磁力共振，发现个肿瘤唔单止冇缩细，仲变大咗少少。喺呢个时间点，我想分享少少自己嘅真实想法同感受。做咗五次化疗，每一次都好似经历生死，肉体上好难受好辛苦，而且所有毛髮都甩晒，个样好似妖怪咁，到后期仲开始痛返。」

文颂男担心离死亡又近一步

文颂男形容心情跌咗落深渊，担心距离死亡又近一步，更怕死得好痛苦，「我真係觉得好无奈，好似咁辛苦但係完全冇意义。另一方面，到真正听到医生话：「个治疗冇乜效果、个肿瘤仲要大咗少少，最后一次化疗都唔好做喇，準备做电疗啦。」嘅时候，我心情喺嗰刻好似跌咗落深渊。同时，我真係好惊，感觉距离死亡又近咗一步，而且可能唔係死咁简单，係会死得好痛苦，因为我嘅下肢 、盘骨附近嘅位置係越嚟越痛，痛到开始连吗啡都冇办法舒缓到，身体仲会不自觉抽搐，有啲身体部位已经变得麻木，排泄方面都开始出现好多问题（呢部分太羞耻都唔想讲太多），

文颂男：我活得好冇尊严

「我开始有种感觉係「我活得好冇尊严」，因为行动不便、痛，每日都係喺屋企对住四埲墙，几乎零社交、零工作，每日都活得好似好无意义咁。我成日都好惊，我真係好惊，好惊，好惊可能临死前会半身不遂、全身插满喉管、无时无刻都伴随住巨大嘅痛楚、意识唔清醒又表达唔到自己。」

文颂男：其实根本唔知可以点放弃

文颂男更指其实根本唔知可以点放弃。「捱咗咁耐、咁辛苦、无一刻可以放鬆，有时唔知为咗乜嘢。我咁大个人，都未活得轻鬆过。由细到大都遇到唔同难关同挑战，就算每次嘅挑战都越嚟越困难，但我都靠自己一一跨越过，但个天就好似好想我死咁，唔肯放过我，唔想畀我轻鬆。喺我以为终于生活可以稳定啲嘅时候，又畀咗呢一个难关我，而今次我觉得我真係控制唔到，冇办法靠自己去解决。」

「就算我想放弃，但其实根本唔知可以点放弃。我未死嘅话，我只能够选择坚持。依家我每日都痛、非常痛，无一刻唔痛，每日度日如年，我唔知几时可以开始电疗、几时先可以舒缓到我嘅痛楚，我只係盼望可以快啲唔痛。我真係觉得好攰、好攰、真係好攰。」

网民纷纷留言鼓励

他透露这段时间学懂活在当下：「我仍然好热爱我嘅拍摄、演出工作。好希望有一日可以康复、行动自如，可以继续返呢啲工作。我爱你哋，我好唔想离开你哋。」

文章一出，不少网民留言鼓励文颂男。文颂男亦有回覆：「我一路睇一路喊，觉得好感动。真係好多谢大家嘅鼓励，我估唔到咁多人都爱我、支持我。」

福利视频，稀有资源请前往新站下载：zuisiji.top