由黎芷珊主持的《澳娱综合呈献：芷珊约您》，逢星期日晚上 9 点半翡翠台播映。昨晚（28 日）播出一集嘉宾是张敬轩（轩仔），芷珊飞到纽约直击轩仔的美国站巡唱。阅读全文

张敬轩自我约束怕输唔起

巡唱圆满结束后，芷珊与轩仔进行深度交流。入行廿年的轩仔，大谈由当年只身来港发展到今日成为香港乐坛顶流之一确实不容易，芷珊问轩仔入行多年牺牲了甚么？轩仔坦言：「一个内地人嚟香港（发展），你会觉得你有咩唔好嘅新闻，会好似变咗一个内地人嘅典範（代表），好多因素令我觉得输唔起。」轩仔续指为了保持靓声，连最爱的酒都不敢多喝：「我要 Keep 住把声仲唱到以前啲歌，咁呢啲就係平时生活上嘅约束。」

望 Share 经验帮后辈搵捷径

问到未来十年的计划，轩仔打算将多年来累积到的经验与后辈分享：「用我哋捱过嘅苦头去话畀佢哋听捷径喺边度，呢啲係好好嘅传播（传承）。」芷珊问到现在的他快乐吗？轩仔坦言：「快乐呀，行到 42 岁呢两年係我人生最好嘅时候，我有自己团队，无论做演唱会或者拍 Youtube 都有好反应，自己派嘅歌反应又好

好，爸爸妈妈生活又安稳 ，自己想食嘅嘢又食得起，想去嘅地方又去得起，觉得人生好圆满，但要 Keep 住落去係唔容易。」

轩仔自认恶顶 生活习惯吓怕有缘人

芷珊还大胆向轩仔提问大家最想知道的感情事，42 岁的轩仔坦言开始有想被人照顾的念头，芷珊问到有否遇过适合的对象，轩仔想了良久后说：「（呢行）唔係好识到人係真嘅，同埋（我）唔係咁轻易畀人进入到我生命。」他又自认恶顶谓：「譬如有 Potential 成为情人嘅人，同一班 Friend 嚟到我屋企，会喺我屋企攞起啲

嘢嚟睇睇，但係佢摆唔番啱个位，咁我就会行埋去摆番啱，咁就完咗喇。」芷珊向轩仔严刑迫供拍过几次拖，轩仔说：「拖过一只、半只手仔咁啦，我係一个讲将来嘅人，但一去到讲将来标準就会唔同，我係冇『不如行吓睇吓点先啦』呢一种，我所有嘢都要 Well Planned。」

轩仔谈父母相处：佢哋嗰种矛盾到依家 40 几年都係冇解决

问到有否真正爱过一个人？轩仔不讳言：「我觉得我係爱过，其实父母係影响咗我嘅感情观，佢哋两个係南辕北辙，佢哋到依家都係唔夹，我见到我妈嘅痛苦，嗰种矛盾到依家 40 几年都係冇解决，佢哋到离开嗰一日都唔会解决得到，我唔可以畀我人生係咁。」轩仔直言如果遇到真爱便会退休：「如果我 Commit 得佢係我另一半，我会同佢 Share 人生最后嗰段时间。」

失魂身后事事件凸显孝顺一面 牛仔裤甩色搞到痛失 10 万蚊？

节目尾声，轩仔应芷珊要求爆了一个小秘密！轩仔透露 2012 年时突然有一天，十只手指无故变黑，他说：「点洗都洗唔到，仲要係入面黑出嚟，好似中咗毒咁！我係一个有疑病症嘅人，嗰时又有 Depression，医生朋友即刻安排我入私家

医院，所有嘢 Check 完都係正常。嗰 6、7 日我係人生第一次觉得，如果我突然间死咗，阿爸阿妈点呢？我打电话畀我身边嘅人安排好晒啲嘢，之后突然之间发现，嗰排着紧嘅牛仔裤点解摸完之后（对手）愈嚟愈黑嘅？原来係条牛仔裤甩色，一条牛仔裤冇咗我 10 万蚊，（为咗呢件事）整咗 10 万蚊呀住院！」轩仔续指当时的「身后事」非常夸张：「我打电话畀 Johnny Yim（着名音乐人），同佢讲要做几个 Project，叫佢帮我编曲，如是者 Johnny 帮我整咗 70 首歌，嗰 70 首歌係旧歌翻唱，我就录晒。虽然牛仔裤事件已经过咗去，但呢件事好似一个炸弹，如果我突然间走咗，我剩低嘅嘢係唔够阿爸阿妈过生活。」

想知道更多相关精彩资讯，敬请留意 www.tvb.com 。

福利视频，稀有资源请前往新站下载：zuisiji.top