福利视频，稀有资源请前往新站下载：zuisiji.top

由黎芷珊主持的《澳娱综合呈献：芷珊约您》，逢星期日晚上 9 点半翡翠台播映。明晚（5 日）播出第三集的嘉宾是组合草蜢，芷珊除了会到他们綵排现场探班，更会飞到台湾直击他们的高雄巨蛋演唱会，草蜢更是首个在高雄巨蛋开骚的香港组合，相当威水。阅读全文

草蜢三子蔡一智、蔡一杰和苏志威成军 39 年，相隔 30 年再赴高雄开骚的三子全力投入綵排和公演，务求展现出对舞台的专业和执着。杰仔为了开骚可以去到好尽，他大爆筹备演唱会期间会疯狂做运动保持最佳状态，他说：「我限定自己 9点、10 点一定要起身，跟住出去就跑山，然后食少少嘢，跟住喺 GYM 度做 3、4个钟头，跟住去排舞，排大概 4 个零钟头，之后我 7 点半一定要走，跟住我求其食碗嘢，再去游水一个钟，最高纪录係 9 个字内游咗 3,000 米，跟住返屋企跑步6、7k，好似运动员咁。」运动量非常夸张！

开骚前 20 小时，綵排气氛突然变得紧张，三子直言也有冲突时，但绝无隔夜仇，阿智笑言：「对于我哋嚟讲係『开会』，对人哋嚟讲就係闹交，我哋开会係用好进取方法，快、靓、正，咪就係直接讲啰！」到正式开骚 30 分钟前，芷珊突击三子準备情况，阿智开骚前会拉筋做热身，阿细会闭目模拟开骚情况，杰仔则会刷牙，他笑言：「呢个係罗文教我嘅，刷牙时係按摩咗啲牙肉，出嚟声音係会圆润啲。」到正式开骚时，三子使尽浑身解数又唱又跳，歌迷 High 爆由头跳到落尾，气氛炽热。去到尾声时，有不少粉丝不捨落泪，草蜢三子亦感动得差点唱不下去，场面感人。

芷珊分别与草蜢三子进行深情专访。三子的缘份从童年开始，阿智笑言：「我哋係隔篱邻舍，我妈大肚时，到佢阿妈（苏志威妈妈）大肚，我妈就生咗我，佢妈就生咗佢哥哥，然之后我妈又大肚，佢妈又大肚，跟住佢妈生咗苏志威，我妈就生咗蔡一杰。」虽然草蜢出道多年，但一智笑言有不少人会捞乱他们，就连证婚律师也曾搞错，一智说：「我结婚时，个证婚律师话周雪芳小姐，你愿唔愿意嫁畀蔡一杰，全场人（笑到）仆低晒！」

草蜢三兄弟无分彼此，就连歌酬都存入共同帐户，并由数口精的苏老闆负责管

数，苏老闆笑言：「佢哋两个唔知有几钱，只係得我知有几钱，由入行到依家都係，用咗去边会写低晒，因为我哋三兄弟，唔想话你欠我、我欠你咁，用一本簿写住晒，依家啲簿仲喺度。」至于讲到 3 人谁企 C 位的问题，苏老闆直言唔恨企C 位，皆因企 C 位压力很大，更会大爆杰仔经常企 C 位的原因！想知道原因为何？密切留意周日播出的《芷珊约您》。想知道更多相关精彩资讯，敬请留意 www.tvb.com 。