张致恒老婆雯雯近期不断引起争议，继早前有疑似患癌网民指控雯雯有借冇还，雯雯仲颓爆暗示「想离开」后，今日（20日），雯雯又突然再次在社交平台放负。不过今次雯雯就唔係呻睇唔开，而係连环追击老公张致恒好食懒飞，仲爆seed表示「使唔使卖身养埋你？ 」阅读全文

张致恒港铁被嫌有噏臭味

日前有网民在港铁偶遇张致恒，并影低po上网表示「第一次见到大明星，差点不认得错过了」，引来大批网民极嫌弃留言：「救命！！我觉得佢身上一股噏臭味」、「隔住屏幕都觉得佢臭臭的」、「他会不会酸酸臭臭的」、「生生性性做返个好人还是不错的感觉」

雯雯连环追击张致恒好食懒飞

张致恒老婆雯雯今早更连环出story追击张致恒，爆seed怒轰张致恒「每日只係识瞓食同痾」，又表示「就嚟冇屋住」，再次透露咗现时的困境。雯雯仲嬲爆闹张致恒冇贡献，咩事都靠老婆解决：「我使唔使卖身养埋你？」「到底你喺呢个世界生存为乜？」，更表示如果自己係佢就会「我係你做人仲有少少尊严就消失！」

雯雯疑呃癌症病人钱后颓爆呻「想离开」 网民反轰：个底咁花都借

张致恆（Steven）与太太区燕雯（雯雯）多次宣布要离婚和经济困难，导致连连成为新闻焦点。早前，雯雯更自爆家中连环发生不幸事件，包括儿子入急症、爱犬患癌及自己持续肚痛，初步怀疑生肿瘤等等。最近，一名自称患癌的网民在雯雯的社交平台上表示自己借了钱给她，但雯雯从来未还过钱。雯雯在留言中直接回覆后，今日突然颓爆呻「想离开」……

自称患癌网民指控雯雯欠钱不还

近日有网民在雯雯YouTube频道最新影片下留言，指雯雯欠下自己万六蚊，但雯雯一蚊都冇还过：「雯雯，我係Cat，你想点呀？比咗几个月时间你，争我嗰万六蚊一蚊都收唔到，包多春鱼都收唔到，之前免费送咁多嘢畀你哋，你哋咁对我？！你好快啲还钱，最多比你分两期，分两个月每次还$8000」。

该网民更表示谂住报东张西望：「所有Payme过数记录同埋WhatsApp我都有keep，唔好迫我公开哂。我真係谂住搵东张西望，标题係：『宁愿呃癌症病人钱，都唔愿意出去打工嘅前偶像夫妻。』」

雯雯正面回应网民指控

该网民更表示预咗会畀比雯雯del留言加Block，不过雯雯今次就无Del任何留言，更回覆指自己依家未鬆动可以去还钱：「首先，我好多谢你当初主动出现帮我哋。我从来无谂过呃你，只係我依家未有鬆动可以还到畀你，就算其他人我同样都係未还，当初你主动企出黎帮我哋嘅时候，我都有同你沟通我无咁快有能力可以还到钱，你亦话你明白，至于你两包多春鱼，我冇左你地址，你block咗我，我根本联络唔到。」

雯雯续指，就算对方公开都会尊重：「当中亦可以证明到我有讲清楚我无咁快还到畀你，所以不存在呃你钱。最后希望你unblock我，比返你地址我寄比你。亦祝你健健康康。」

惹网民热议：个底咁花都借

就网民借钱予雯雯一事，唔少人都反问点解仲有人肯借钱畀佢哋： 「真係会有人畀钱呢对老千夫妇」、 「两个嗰朵臭晒，仲帮佢哋真係冇得救，人哋周围借钱开心使钱，结果仲有人施捨」、 「呢两公婆呃钱都唔知得罪几多人，迟啲俾人斩都唔意外」、 「个底咁花都借」、 「根本係乞儿呃钱仲呃埋人哋同情心，劝各位有心香港人，唔好再理呢2公婆啦」。

雯雯突然颓爆IG呻「想离开」

明明日前先正面回覆完网民的指控，但雯雯今日（18日）傍晚就突然在IG发文：「既然世界不容纳，倒不如离开」，令不少网民都担心雯雯是否想不开，担心她会做傻事；不过亦有网民认为雯雯只是讲晦气说话，隔一排又会冇事：「今次真係大件事」、「有边次唔係咁讲」、「个个都明佢想点」等。

福利视频，稀有资源请前往新站下载：zuisiji.top