福利视频，稀有资源请前往新站下载：zuisiji.top

由梁思浩、黄紫恩（Jojo）及黄耀英主持，TVB Plus（82 台）开台重头戏及首个灵异直播一小时节目《直播灵接触》，逢周一晚 9点半及周二晚 9 点 35 分播映。每集除有各门各派玄学大师坐阵、跟观众互动解答灵异疑难之余，还会邀请有份量艺人亮相，分享他们的灵异经历。阅读全文

昨晚（11 日）第 16 集，九十年代男神、已超过 20 年未有现身无綫节目的邓浩光（Anthony）和「泰国通」Roger（胡慧冲）分享灵异经历，62 岁的 Anthony身形比以往清瘦不少惹来网友关注，亦有网友讚他有型有款，靓仔样依然。思浩透露与 Anthony 相识时，当时 Anthony 的手部受了伤，Anthony 首度在节目

开腔谈及此事，他说：「今次係第一次讲，呢件事一直摆喺心入面，1989 年时我喺友台第一次拍电视剧，剧情係讲我做警员要追一架车，当时凌晨两、三点喺火炭一个停车场拍。」Anthony 指事前多次排练都十分顺利，他说：「之后有个工作人员话：『劲喎，咁多 Fans 睇你拍嘢。』我就话冇喎，咁夜边度会有人，我自己冇为意，之后意外真係出现咗，我畀架车撞到，撞爆咗车头玻璃，（展示手部伤疤）只手断晒筋，依家只手啲筋係只脚趾攞筋上嚟驳番，之后嗰个工作人员嚟咗探我，佢话记唔记得嗰日讲过见到好多人，依家就知道唔係啦，佢话会唔会係搵替死鬼呢？」

Anthony 与「泰国通」Roger 老友鬼鬼，Roger 大谈与 Anthony 结缘的经过：

「以前喺友台做 Writer，2 年之内去咗 30 几个地方，有一半係同佢去，后尾唔使写稿畀佢，同佢讲一次佢就已经可以原装讲番出嚟。」Anthony 笑言：「因为佢写稿好专一，成日玩食字，啲套路我已经知道晒，佢未写我已经知道晒。」足见两人默契十足。两人曾到泰国桂河大桥拍摄节目，该处在二战时期死了十万多人，两人在当地齐齐遇上灵异事件！Anthony 说：「做幕前通常一个人一间房，幕后就 Share Room，嗰日唔知点解唔够房要 Share 房，之后酒店经理话其实有间房，但睇吓我会唔会住，我谂瞓一晚咩房都得，原来间房係老闆个妈妈长住嘅，入到去觉得几阴森，有一部好古怪嘅衣车，同埋啲摆设都比较怪，我话唔紧要啦一晚就照住，我瞓嗰阵 Feel 到张床係 Un 下 Un 下，我同自己讲攰得滞有幻觉啫，但係最奇怪，第二日準备 Check Out 预备开工时，Feel 到张床

係湿嘅，床冚被铺都係唔乾嘅，之后喺衣柜攞衫着，啲衫都係湿晒未乾咁样！」Roger 则说：「嗰时好兴着迷彩，撞到个 Crew，佢话你啲 Friend 到咗，话成班迷彩军队喺外面步操，当时以为佢讲笑，但谂吓呢度係桂河大桥，撞到都唔出奇！」

节目尾声，Roger 再爆一件亲身经历的灵异事件，他说某年和 Anthony 去到尼

泊尔寻找「活女神」拍摄节目，当时的製片安排了他拍摄拜神舞，所有舞者都戴着面具跳舞，Roger 被其中一个平平无奇的面具深深吸引着，着晒迷的 Roger更不理 Anthony 的劝阻坚持买下该面具，他说：「第一係好想买，第二尼泊尔我未必再去，睇完只舞觉得好好睇，好想拥有（面具）。」没想到回到香港便出事，Roger 说：「我嗰时住喺香港，晚上听到揿门钟声，楼下有看更，阿妈又唔会三更半夜嚟搵我，之后当无嘢照瞓，第二朝我真係觉得有人揿钟，出到厅见摆（面具）个位有个人影！」心知不妙的 Roger 后来趁着出 Trip 泰国拍摄，急急将面具送到寺庙处理，他呼吁大家：「喺外国见到同神佛有关嘅东西，唔好乱请唔好乱买，否则易请难送！」