乐坛天后郑秀文一连13场《You & Mi世界巡迴演唱会—香港站》正在进行得如火如荼，其中Sammi多套独特服装就最为吸引网民眼球，不过就有网民唔太识欣赏其「出位造型」！阅读全文

郑秀文丑小鸭造型惹争议

郑秀文今次演唱会六个阶段换衫转造型，服饰由中方玩到西方，古代去到未来、仲加插科技元素，非常有心思。不过就有网民指郑秀文身材平平无奇、似足男人，更指终于明白为何许志安要出轨：「冇胸！係咪男人黎」「我都唔明市场上点解会怪安心出行」「好心佢下次唔好再咁着啦」「佢stylist 炒得。好丑啲衫」「其实个人好地地 点解成日服装设计都咁玩佢」等。

有片还原真相：造型变化有心思！

其实Sammi玩完aerobics，即变成朵大红花唱《一夜成名》，真係有种丑小鸭变天鹅嘅变化过程，劲有意思，呢个名为花枝招展造型同样出自Tomas Chan。

疑似杨千嬅粉丝带头狂踩Mi粉型爆反击

其中一位网民特意上传Sammi今次演唱会中的紧身运动服造型，其他人亦附和指「D衫好核突」。有网民发现原来该名网民其实係杨千嬅粉丝，每次都会留言踩其他女艺人，搞到Sammi粉丝们都唔忍，直接发长文型爆反击：

婵粉专post成晚最难睇嘅衫有睇就知呢度个主题係丑小鸭变天鹅Sammi 成晚十几个造型密密唱跳 好有诚意点似得你个阿婵几套衫着足两年开巡迴更加唔使讲几乎每一场都要喊 唱到喊我琴晚睇Sammi佢都有喊但係係讲嘢讲到喊话自己老了 接受自己啲皱纹飞出嚟呢啲先叫人话同埋合乎情理嘅情感宣洩你个婵就夹硬培养情绪入戏瞓喺度喊跳舞又跳到丧尸咁婵粉仲好意思入嚟post嘢又唔见mi fans喺连登踩你哋场好心做人唔好咁呕心

谷德昭发文为Sammi平反

除了有Mi粉为Sammi反击之外，连谷德昭都有在社交平台发长文撑Sammi：

「郑秀文 You & Mi 世界巡迴演唱会-香港站」是不讲道理地不计成本的。好靓嘅衫、好靓嘅舞台设计、道具，只係用一、两首歌就转，不停有新体验，好抵睇。Ah Mi当然全程投入俾足120%，我哋爱Ah Mi，Ah Mi大大力爱番我哋。舞台上嗰啲衫，Ah Mi胜在担得起，除咗要有好体魄，仲要现实中本身Keep住型，才会着乜嘢都唔会「娘」，更重要嘅係坚持一份态度，一份「在状态」的态度，用态度着衫，所以型，所以靓。成日都话要说好香港故事，Ah Mi就正正说好香港故事，做好所有嘢，所有嘢都高要求，然后高度达标。你爱我，我就俾到你足…有突。香港很骄傲有郑秀文。

福利视频，稀有资源请前往新站下载：zuisiji.top