福利视频,稀有资源请前往新站下载:zuisiji.top
由森美、阮小仪主持嘅商台叱咤903电台节目《早霸王》由2009年起陪住唔少听众度过每个早上,内容多元化又有趣,广受观众欢迎!上年3月更加入梁嘉琪主持,不过今日(26日)社交平台疯传《早霸王》即将「唔做」!引起网友疯狂揣测背后原因,森美今日开咪亦亲自回应真相!阅读全文
《早霸王》无预警「唔做」引起恐慌
Facebook专页「全港店舖消息(开张/执笠)关注组」今日发文指「有传早霸王将于8月5日执笠」,另外连登讨论区亦有网友进一步表示「听到有新节目《今朝多珍重》,我听个promo 第二次先够胆开po 问,初初以为自己听错」。对于呢个无预警安排,一向有听开《早霸王》嘅听众都唔敢相信事实,直言「世界末日」!网友亦感叹「早霸王都可以执?」实在相当可惜!
![早霸王 8月5 网友亦感叹「早霸王都可以执?」实在相当可惜!(图片来源:Facebook专页「全港店舖消息(开张/执笠)关注组」)](https://imgs.orientalsunday.hk/wp-content/uploads/2024/07/6ecf8b43-cb60-4c5c-810c-019d969cf747_26631203166a335c8803b5-852x1024.jpg)
![早霸王 8月5 《早霸王》全盛时期仲有阿正同Marco坐阵!(图片来源:网上图片)](https://imgs.orientalsunday.hk/wp-content/uploads/2024/07/fp9-n2ecb6aoxbnv0lbjwzhqpsp9kftkcq5laxkuzwk_63934240066a332aebc699.jpeg)
网友意见两极:其实森美脱晒节!
不过,亦有网友认为《早霸王》告一段落係好事,其中有人觉得自从旧拍档Marco冇做后,换上梁嘉琪顶上,节脱质素已今非昔比:「冇咗Marco冇听好耐」「梁+k CCTVB味太重」;亦有人不满森美「大哥mode」:「其实森美脱晒节! 有佢讲无人讲! 梁嘉琪就废话嚟嘅!」「嚟嚟去去都係森美摆大哥款讲content farm嘢」「老实讲劲耐冇听903,00年果阵真係青春活力代表,E家港台果班重后生过佢地。。」
![早霸王 8月5 有人觉得自从旧拍档Marco冇做后,换上梁嘉琪顶上,节脱质素已今非昔比(图片来源:Facebook专页「全港店舖消息(开张/执笠)关注组」)](https://imgs.orientalsunday.hk/wp-content/uploads/2024/07/94f12920-25bd-4af2-801f-c4e818fd2f88_41628367866a335fd907b6-682x1024.jpg)
森美开咪亲自回应真相:我只能讲到咁多
对于种种网上传言,森美今日开咪亦亲自回应真相「监製就话啦,到时我哋好似有半个钟头唔使做。」小仪听到后「吓 」了一声,嘉棋更笑言仲想请长假谂去个旅行,森美再讲:
「至于半个钟头边个做?就唔喺度讲,因为其他嘢都仲係秘密,我只能将知咁多讲咁多啦!因为啲人係咁问我,我又唔想唔讲。」
「 我而家讲嘅嘢全部都係事实嚟嘅,我係今朝先话到俾大家听,我只能讲到咁多,如果唔係我真係畀人炒㗎啦」
小仪爆有高层落order吩咐一件事
小仪事后亦补充,有一位高层拜託她做一件事:
「呢一个宣传声带(我哋个节目呢个时段畀人霸咗嘅呢一个时段),之前有一个高层同我讲,佢又係冇同我讲咁多嘢,佢话嘅嚟紧会有一个咁样嘅promo出街,你可唔可以帮我同森美讲,话定(呢个消息)畀佢听,因为佢啲朋友听完跟住话俾森美听,怕森美会惊。」
森美笑指「你话畀个高层听,未惊过」,即时引起全场大笑!因此大家不用担心,今次节目调动并非《早霸王》唔做,而是有半小时节目时段拨出做其他节目。
![早霸王 8月5 对于种种网上传言,森美今日开咪亦亲自回应真相「监製就话啦,到时我哋好似有半个钟头唔使做。」(图片来源:早霸王Facebook)](https://imgs.orientalsunday.hk/wp-content/uploads/2024/07/-2024-07-26-1.28.22_134529151866a33427e4e6c.png)
同场加映:早霸王算keep得最耐
根据资料,森美小仪呢对黄金组合合作无间超过20年,《早霸王》算keep得最耐。
节目名称 | 播出时间 |
森美小仪dot dot dot | (1999/7/26-2003/2/28) |
森美小仪山寨王 | (2003/3/3-2005/1/14) |
架势堂 | (2005/1/17-2009/4/24/) |
早霸王 | (2009年4月27日-现在) |
请登录后发表评论
注册