香港「剑神」张家朗于巴黎奥运男子花剑决赛击败意大利代表马治（Filippo Macchi），成功卫冕花剑金牌后，意大利观众疑似不服输，涌入张家朗与巴黎奥运的官方IG帐户留言大骂「黑哨」，更有网民留言称张家朗的金牌是「偷回来的」。阅读全文

张家朗IG被意大利人「出征」

意大利队教练史里奥连（Stefano Cerioni）赛后亦在IG上载自己指着裁判黄皓志作出抗议的照片，并留言表示：「从未见过这样一个贼！伟大的马治！你是赢家。」并向国际剑联（FIE）及国际奥委会（IOC）提出抗议。

香港网民反击闹意大利教练种族歧视

有网民在讨论区出post讲到张家朗IG被「出征」一事，闹爆意大利队「输打赢要」、「成班生蕃，个教练同国民都係」、「个运动员都似串，但始终都係个教练有问题啲，中途已经狂躁，赛后直程racist咁款」、「佢喺採访嘅时候已经闹个裁判係亚洲人，所以判比香港」等，更有网民提到「Ryan直播都有讲，同个意大利佬打过几次，佢好自大寸寸贡仲同张家朗闹过交」。

为此有不少香港网民不忿反击，涌到意大利选手马基的IG闹爆对方输唔起，更不停提「pineapple pizza」（菠萝薄饼），原因是意大利人都认为在pizza放菠萝是污辱pizza文化，甚至宁愿饿死都不会吃菠萝pizza。

蔡俊彦：求不要到意大利选手ig Diu 佢

为ViuTV担任巴黎奥运旁述的剑击运动员蔡俊彦（Ryan）在社交网出po，求网民不要再到意大利选手的IG「出征」，并强调冇黑哨，引来不少网民力撑。蔡俊彦在Threads中发长文呼吁网民不要再「出征」去闹意大利的剑击选手马治，并澄清自己在直播中的说话并非想讽刺对方：

求不要到意大利选手ig Diu 佢比赛落败心中不忿，人之常情。更何况呢场係绝对充满争议性既比赛。

我係直播话「你已经有银牌唔好唔开心」「希望获得银牌会谦虚」全部真心话可能我个tone 99地搞到大家觉得我想讽刺佢

「佢样寸寸贡，人冇乜野」係真事呢句同样适用于形容我自己

对手教练向裁判投訢，非常正常。掉转我地法国教练一样会咁做。

意大利人的确有时赖皮一啲，向裁判施压，係战术之一。你可以唔锺意，咁唔好学，唔使走去插人哋。

Post下食菠萝pizza都几好笑，何必要走去人哋ig comment 呢？

顺手一提，我哋香港剑击队都有意大利教练，同对手意大利教练好frd，曾一齐执教意大利、俄罗斯（战争前），及美国着名选手。我唔想我教练难受。

要你哋del comment应该冇乜可能，但真係唔好继续Diu。专心庆祝香港夺金牌，多啲正能量多啲爱，个世界会开心啲！

仲有，冇黑哨。

台北裁判亦成「箭靶」被讽黑哨

由于张家朗和马治的比赛末段出现三次争议判决，令中华台北裁判黄皓志亦成为「箭靶」，不只意大利网「出征」其IG，连香港网民都质疑「决一剑」时张家朗已明显得分，但裁判仍犹豫不决，以致需要三度裁决，更讽刺他为「黑哨」。

为此蔡俊彦亦有黄皓志作出平反，大讚他是世界数一数二的好裁判：

其实最后嗰分，两位剑手明知裁判锺意睇脚，都唔用多啲脚，当然满足唔到裁判，好自然佢就判唔出。

重有想满足裁判好简单，又用手又用脚，动作交代清晰，使乜走去睇片，必定好快判得出。

P.s 认真求下大家唔好话嗰位台湾裁判，佢绝对係世界数一数二好嘅裁判🙏🙏最后判唔出有机会係同另一位韩国裁判达唔成共识，合情合理的。

网民力撑蔡俊彦：输赢都要有风度

不少网民都力撑蔡俊彦，表示：「大部分人唔係黑哨就教练好嘈就或者对手黑面。大佬，人哋差一分攞金喎，但突然连输，嬲下好奇怪咩？赢左，仲要去人哋到挑衅，显得好冇风度啰」、「走去人地ig开战同小粉红出征冇异」、「人哋冇体育精神、我哋唔需要学佢哋咁肉酸」、「输赢都要有风度，至係真香港人」等。

网民对新晋评述员蔡俊彦反应两极

剑击运动员蔡俊彦近日为ViuTV担任奥运评述员。他的表现引起了网民的热烈讨论，有人认为他讲解生硬，準备不足，甚至有网民在社交平台Threads上留言表示：「睇ViuTV奥运，听蔡俊彦讲嘢真係好辛苦，鬼食泥咁，又唔做好準备，讲到『甩甩咳咳』，有时又发紧梦咁。」对此，蔡俊彦也不避嫌地回应，希望大家能多些包容，给他更多机会学习和改进。

「大师兄」张小伦爆seed反击：积下啲口福

另一方面，刚退役的男子花剑运动员张小伦，也在社交平台上发表了自己的看法。张小伦写道：「做香港运动员就係咁，一有成绩就係到呱呱嘈，冇成绩就係到X，咁细个地方岀到奥运冠军级别运动员，你估容易丫！要牺牲几多代人嘅努力同付出，牺牲几多位运动付出嘅年轻人，你又识得几多个？？？」

张小伦亦希望大家体谅做评述嘅运动员：

「唔该大家评论运动员去唔同电影台做旁述嘅时候，积下啲口福，个个捱更抵夜去讲的专业运动知识俾你哋听，虽然我哋唔係专业，但係我哋係流主运动员嘅血，係一世架，希望分享多啲运动员嘅经历」

最后，他亦叫大家不论输赢都要尊重每位运动员：

「有得去参与奥运嘅运动员我哋当然要帮佢哋打气，冇得去嘅一样係唔同岗位默默努力，不论输赢係咪都要尊重吓啲运动员，佢哋用人生最青春嘅时光用努力意志去克服唔同嘅比赛同伤患，希望可以有一日踏上颁奖台，证明自己。其实冇得去参加奥运嘅运动员都好大勇气行岀来去做运动旁述，仲要比大家批评，我性格就係咁有个句讲个句，唔钟意我哋嘅好似睇电视一样揿个掣转台或者熄机。 」

福利视频，稀有资源请前往新站下载：zuisiji.top