女团XiX出身自TVB选秀节目《声梦JUNIOR》，并由Eric Kwok担任经理人。不过早前就突然传出成员庄殷玥（Vici）被Eric Kwok踢走，随后又被网民指拍MV唔找数，令Eric Kwok及XiX的形象均受影响。不过Eric Kwok就一于懒理负评，继续带住XiX周围出活动，日前佢哋就去到广州出席活动，Eric Kwok更在车上兴奋孖XiX拍片预热，不过就讲错1句话激嬲当地网民……阅读全文

XiX飞甩Vici后首访广州

日前Eric Kwok带住重组后嘅XiX去广州宣传，更在车上兴奋孖4位成员拍片。Eric Kwok在片头并未讲太多説话，只係数1，2，3后就由4位成员讲出：「广州，We are coming！」随后Eric Kwok又叫4位成员：「讲啲国语吖」听话的几位成员亦乖乖照做！影片尾段更有成员搞笑叫Eric Kwok一齐讲：「Eric Sir你都讲啲国语嚟听下」不过后者就自知普通话麻麻，只尴尬笑笑讲ok就将影片cut停。

Eric Kwok 1句话激嬲当地网民

虽然影片睇落并冇任何问题，不过Eric Kwok 1句「讲啲国语吖」就激嬲唔少广州的网民！更有人在影片下留言表示：「唔好教啲香港细路广州係讲普通话嘅，我哋係广东话文化嘅城市。你教佢哋咁样， 我作为广州人，觉得好难过同埋好悲哀，感觉广州已经被踢出广东话圈了…」「讲乜X国语啊，真係以为全内地都讲普通话？」「其实广州人都係讲广东话嘅」「广州欢迎您，但请讲广州话（粤语）」「点解要讲国语 多X余」

Eric Kwok高调踢人惹粉丝不满 被指唔够大方输公关

Eric Kwok主理的女团XiX近日因为退团风波引发热议。日前，Eric Kwok在出席活动时大爆Vici庄殷玥係被踢走而非退团，更指冇咗Vici一身轻。网民纷纷留言指Eric Kwok唔够大方，更指佢「赢咗啖气，输晒公关」…

网民发文闹爆Eric Kwok：攞晒彩但输民心

日前，有网民就Eric Kwok踢走女团XiX成员Vici一事，在XiX粉丝群组发文大闹，指Eric Kwok身为一个经理人，竟然公开践踏自家Artist，虽然成功执翻身彩，但就已经输晒民心。

不少网民都留言表示认同，指对Eric Kwok和其团队感到失望：「事实胜于雄辩，每个人看在眼裏。开埠以来第一次见经理人会咁对艺人。以后有边个仲敢跟佢?」「讲多咗」「其实佢有冇考虑过其他团员心态? 五个女仔姊妹情深，点会想企旁边为呢件事接受访问？」。

网民反驳：一巴打醒啲怪兽家长

不过亦有网民撑Eric Kwok做得啱：「Iron Man今次就做咗件好事，一巴打醒啲怪兽家长」「家长玩到点先会激爆Iroman」「参加比赛开始已经唔锺意佢」

Vici千字文获网民大讚大方

相反，年仅17岁的Vici日前在社交平台的千字文则获网民大讚够大方。Vici在文中特别感谢Eric Kwok、叶佩雯以及XiX团队，又表示生命充满挑战，自己亦是时候重新学习，未知是否将专注于学业。

而Vici的发文亦获家姐留言安慰：「妹你见到留言有咁多锺意你嘅人，唔好为一啲讨厌你嘅人而放弃，要为嗰啲锺意你嘅人同自己而努力！你明我讲咩啦」「家姐想讲我见到你每一分努力，同埋跨过重重难关，我觉得你成熟咗成长咗。当然唔係每条路都顺，不过过完呢关啦，依家係level up！」

Eric Kwok大爆Vici家长过份干预

Eric Kwok日前在记者会上澄清Vici是被踢走而非退团，更大爆主因係佢嘅家人过份干预：「XiX係由15岁，当时係14-16岁（组成），所以好需要家长嘅配合」「无奈嘅就係Vici呢一家人呢，我同我太太都用咗好多时间同好多心机去磨合，但係始终都係磨合唔到」「明白家长係好想参与，好紧张自己个细路，但係好多参与就变咗干预，咁呢个干预就令到大家开始就冇呢个尊重，互相开始唔尊重，亦都开始失去咗信任。」

Eric Kwok踢走Vici一身轻

Eric Kwok除了大爆无法与Vici的家长磨合外，更呻自己与太太叶佩雯都十分痛苦：「我都痛苦咗好耐，软硬都试过，令我觉得呢个世界有啲人真係无办法相处，既然咁辛苦不如分开啦，我觉得佢无咗我会开心啲，正如我无咗佢都开心好多。」

Eric Kwok亦坦言显示有雨过天晴嘅感觉：「就好似个天阴天行雷闪电落好多雨，落咗六七八个月，忽然之间今日晴天个感觉，我终于觉得我哋有运行啦！」更透露会开放邀请多1-2位成员加入，以填补目前的缺口。

福利视频，稀有资源请前往新站下载：zuisiji.top