现年42岁的庄韵澄（Xenia，前名：庄端儿）自爆遭到「準前夫」吕成忠（Joe）持续性骚扰同伤害，对方仲搵埋警察上门，令她大喊：「真係好恐怖！」阅读全文

庄韵澄 公开与準前夫对话内容

庄韵澄与吕成忠正在办理离婚手续，最近庄韵澄却忽然出po透露被吕成忠不断要求开FaceTime及影相、拍片报告儿子的实时状况，有日她因未有听电话，以及电话过热拍片拍到「疾疾吓」，结果约20多分钟后警察就搵上门，她直言：「佢头先仲喺我楼下呀！我同BB都好惊。」

庄韵澄 寸爆準前夫浪费警力

庄韵澄又以影片形式公开两人对话内容，吕成忠表示：「我用我可以保护BB安全方法」、「警员陪同下係（喺）楼下超过20分钟」、「因为BB得3岁，怕佢一个人」、「最后BB位置时间不确定。我和警员沟通过才了解BB是否独留家中」等，庄韵澄则寸爆他浪费警力：「差啲以为我失蹤20小时呀！」

庄韵澄：唔明点解係都唔放过我

之后庄韵澄再以与囝囝到公园玩的片段作背景，大呻：「我都好想可以放低电话专心凑仔，我唔明点解係都唔放过我！」又指自己每日都被吕成忠用不同名目骚扰：「都唔知仲要点先肯畀我抖抖，持续性嘅骚扰同伤害真係好恐怖！」更指吕成忠连她化个妆落街都要报警，令她无奈到极点！

庄韵澄 解释点解唔block準前夫

最后庄韵澄发了一段黑底白字的长文，解释自己点解唔block吕成忠，全文如下：

过去为咗小朋友我忍边个唔想俾个完整家庭小朋友否则我就唔会忍咁耐啦而家我都係为咗我小朋友要去克服去面对好多人问我点解唔block佢因为我只不过冇听2个电话或者30几分钟联络唔到我啲人就会去报警啰我而家就喺度讲到明我係会出去工作搵钱养家我係会带仔去玩去正常返学上堂同各种活动见唔同朋友有正常社交我都会自己同朋友见面食饭而我唔喺我仔身边嘅时候一定会有工人姐姐同婆婆睇住舅父舅母又会一齐帮手睇基本上佢哋差唔多晚晚一齐陪我同BB食饭BB真係好开心而我屋企人真係好担心我呀不过我真係同大家讲声唔好意思我好少放负…我好想之后放多啲工作相开心相同BB嘅相我会加油！

网民狠批吕成忠：做男人做到咁真係好垃圾

不少网友都留言支持庄韵澄，狠批其準前夫吕成忠：「做男人做到咁真係好垃圾，小气又死缠难打，仔已经唔洗你养，最多冇地方住啫」、「去到呢啲地步佢老公都係想揽炒架喇，睇下几时啫」、「因为佢又得闲又嬲，有时遇到呢啲人，只可以等佢突然唔想玩你」等。

庄韵澄自爆儿子曾被带到台湾作威胁

庄韵澄曾在声明中透露，儿子于今年1月在自己不知情的情况下被丈夫带到台湾，更惨成用作威胁自己的筹码。庄韵澄表示：「我已即时报警处理，也令婚姻到达无法挽回的地步」更称儿子因此性情大变：「孩子更因突然失去母亲变得没有安全感，加上长期看到母亲被骂亦令孩子变得封闭不爱说话。」

庄韵澄甩拖张致恒后奉子成婚

庄韵澄27岁未入行时就已经有一段婚姻，2013年入行后与张致恒相恋，可惜对方多次出轨，2人最后于2016年宣布分手。庄韵澄随后于2020年宣布与圈外男友吕成忠拉埋天窗，翌年诞下儿子吕崇滈。不过吕成忠与庄韵澄结婚时就被踢爆破产一事，当时庄韵澄冧爆表示：「佢叫我放心，承诺等佢处理好之后，会好好照顾我，我信佢会翻到身。」

福利视频，稀有资源请前往新站下载：zuisiji.top