《声梦传奇》23岁文凯婷近年被捲入「小三风波」，形象一度插水。日前文凯婷主持《J Music》翻唱洪嘉豪作品《黑玻璃》，不过就惨被网民狠批似「唱k水平」，与靓声云浩影对比，更加係被技术性击倒！阅读全文

文凯婷翻唱《黑玻璃》 被狠批「唱k水平」

文凯婷日前在《J Music》中翻唱洪家豪的《黑玻璃》，虽然获得部分歌迷留言称讚，不过大部分网民都对于文凯婷的表现不太收货，认为文凯婷无星味又多懒音、唱到似唱K咁，纷纷留言狠批：「佢比赛果阵都知佢係唱得差架啦，完全冇期望佢会唱得好听，果然冇令人失望」「唱k水平 chorus听落有啲hea添」「好难听喎」「原唱好听得多」等。

云浩影版本获好评 评价「差天共地」

相反，在今年5月初在ChillGOOD TV的《Music Panda》中，同样翻唱过《黑玻璃》的靓声歌手云浩影就获得一致好评。翻唱版本在短短三个月就录得过百万的点击率！网民都大讚云浩影唱功好，成功演绎出个中的甜蜜感觉：「呢个 key 一听就有闻到成阵新车味」「呢个version 真係狂loop，我锺意云姨把声」「继卫兰后，很喜爱的声音」等。

即睇两个女声版本：

文凯婷玩忘年师生恋 传做小三搞散正室

去年4月，有消息爆出当时22岁文凯婷激玩师生恋，男友大足自已17年，身份疑是唱歌导师湛耀东（Waye Cham）！消息愈爆愈劲，有指文凯婷仲「越级挑战」嗒人男友，消息话对方有位拍拖多年的正印，捱得义气陪湛耀东走过低谷，但自从旧年文凯婷杀入两人恋情，搞到当时湛耀东嘅正室苦苦不乐，令男方与女友分晒手饮恨收场。自此文凯婷得米升晒档次做正室，更与湛耀东开心欧游叹世界！

文凯婷疑冧掂「奶奶」 获认可

消息指文凯婷与湛耀东曾前后脚赴澳洲叹世界，把臂同游劲甜蜜，惟「神队友」的湛耀东妈妈唔觉意将「合家幅」上载至社交平台，搞到呢段忘年师生恋断正曝光。消息话湛耀东妈妈刻意用emoji帮文凯婷遮脸，更言：「一家人齐齐整整！」此举疑反映文凯婷升晒档次，短短时间融入亲家冧掂奶奶获晒认可，更被认定家人，发展厉害！惟事后湛耀东妈妈疑想「补获」，火速下架照片！

文凯婷认陷忘年师生恋 坚决否认做「狐狸精」

消息震撼网民，22岁文凯婷对事件亦有回应，承认搭上大自己17年嘅前歌唱老师，仲指恋情处蜜运阶段，但坚决否认自己做「狐狸精」整走正室：「我同我男朋友一齐嘅时候，大家都係单身状态！」

文凯婷懒理负皮心情靓爆po相狂晒名牌入门级皮带

虽然网民矛头指向文凯婷做狐狸精，迫走湛耀东正印，出招冧掂亲家奶奶「邪花入宅」，但係文凯婷心情依然靓爆，完全唔理负评，仍然开心喺IG分享靓相，又伸晒条脷出嚟，一时又笑到四万咁口，畀网民话春心蕩漾，仲大晒Gucci皮带一副贵族女嘅感觉，摆明show Off畀你睇！经过翻查资料，我哋发现文凯婷戴住嘅GUCCI皮带唔算高档货，只係属于该牌子嘅入门货色，盛惠港币$4000元，但以文凯婷不受大台重用，出骚钱向来唔够炎明熹同姚焯菲撼来计算，呢条皮带已经算係落重本！

疑做小三惹公愤 网民留言闹爆

文凯婷今次疑似做小三嘅消息流出，搞到班声梦Fans都唔帮佢，仲话文凯婷影衰晒声梦，拖累炎明熹同姚焯菲等人嘅正面形象，加上文凯婷依然我行我素po靓相，搞到网民完全嬲嬲猪！我哋一齐睇吓网民点样闹文凯婷：「不知所谓的人！歌唔係唱得好，人品又差，早日退出娱乐圈」、「唱首第三者听吓」、「如果文小姐仲有良知，唔该你立即同东sir分手，同埋开记者会向支持声梦既粉丝、aeren专属粉丝同埋火鸡道歉」、「我最担心係其他声梦14个因你1个坏份子而影响佢地，因为其他声梦学员都係好纯品，希望tvb高层严肃处理此事」、「文小姐心虚啊，删我帖，我身为声梦粉丝，对你今次做既所作所为极度失望，声梦之耻！」

福利视频，稀有资源请前往新站下载：zuisiji.top