早前凭何伯上《东张西望》一炮而红嘅何太连月来话题不断，立志成为网红嘅何太更係连环开直播，并喺直播中靠住大爆房事，以及爆seed丧闹何伯引起大家关注。日前（15日）何太就再开直播同fans倾偈，并在直播中自爆会将网民嘅「课金」捐出，不过随即就被无情踢爆，仲搞到又喺直播中委屈爆喊……阅读全文

何太称捐网民课金畀无国界医生

适逢何太嘅直播时即将迎来中秋节，因此有观众「课金」畀何太贺佳节。何太收到「课金」后仲大方表示会将钱捐畀无国界医生：「啲课金啊，都可以全数捐出去嘅，到我手上之时我就全部捐去无国界医生嗰度！」不过随即就有唔少网民涌入无国界医生嘅Facebook专页，兼且连环留言质疑何太借捐钱吸引观众「课金」，行为其实别有用心。

无国界医生真相大踢爆

对于网民提出「无国界医生（香港）是否曾授权『何太生活语录』频道为无国界医生筹款」的质疑，无国界医生就在其社交平台作出澄清，并表示：「目前并没有与该频道合作任何募捐筹款活动」，踢爆何太讲得十分好听嘅「课金」藉口。更有唔少网民对此留言狠批何太：「连NGO都够胆利用」「真係贪到出晒面」「点解可以咁厚面皮」

何太又爆喊入黑粉数

代无国界医生筹款一事被踢爆后，何太昨日（16日）就如常开直播，不过就再度爆喊入黑粉数：「嗰啲黑粉啊搞事份子一直以来害我陷害我，佢哋依家攻击埋人哋嗰啲无国界医生」「佢哋目标係搞我，我真係唔希望嗰啲无辜嘅受到牵连受到影响」何太仲边讲边拎纸巾狂抹眼泪，不过就未能获得网民嘅信任及同情，更直言佢「好戏过演员」。

福利视频，稀有资源请前往新站下载：zuisiji.top