77岁汪明荃入行58年，多年来累积无数歌影视作品，更获大家专称为汪阿姐！汪明荃将于11月23及24日在红馆举行《阿姐•汪明荃演唱会2024》，日前汪阿姐更于《世界认真组织》嘅IG新片惊喜现身，仲挑战狂斟100杯咖啡兼连环爆金句，超玩得获网民留言激讚！阅读全文

汪明荃狂斟100杯咖啡宣传演唱会

汪明荃日前现身IG频道《世界认真组织》，仲挑战「100杯热咖啡有几多杯会斟泻」，为下月举行嘅演唱会做宣传，更在片中狂斟100杯咖啡。当片主帮汪阿姐斟咖啡落手上嘅咖啡壶时，汪阿姐见对方冇斟满时仲表示：「你再多啲啦，唔係斟到天光喇，我有举重㗎」最后更面不改色完成挑战，而斟泻嘅杯数则係13杯，阿姐实力果然唔可以睇少！

汪明荃连环爆金句网民like爆

除咗挑战斟100杯咖啡引起网民热议外，汪阿姐更在挑战中连环爆出金句，当片主问汪阿姐「係唔係未试过一次过斟100杯咖啡」时，汪阿姐即爆笑表示：「冇喎，我自己都唔饮嘅」随后片主在汪阿姐斟净3杯时哗出声，又搞笑称：「阿姐心谂都唔知你哋嗌乜，吓死人咩」点知汪阿姐竟然火速抽自己经典广告水讲：「个心离一离？」简直係贴地到爆！

因此亦有唔少网民留言激讚汪阿姐超玩得：「好欣赏阿姐近贴年青人」、「好有趣！阿姐心态年轻，很会接梗」、「觉得汪阿姐越来越可爱」、「个心离一离阿姐都识接落去」、「阿姐劲啊，100杯係真心坚！同埋阿姐都几玩得，一齐癫」、「好X劲！汪阿姐咁玩得！个心离一离！」

汪明荃新歌搵黄伟文林家谦合作

汪明荃上月中推出新歌《Make my day》，今次新歌邀请Wyman黄伟文填词，不过最惊喜嘅部分莫过于作曲部分係由新生代歌手林家谦担任，跨世代合作令唔少网民表示十分期待！

福利视频，稀有资源请前往新站下载：zuisiji.top