41岁吴浩康（Deep）2022年与郭思琳结婚，并于同年诞下儿子「撑撑」。吴浩康近年转行做地盘养家，努力洗甩渣男形象兼获封「职安真汉子」。早前吴浩康就现身由田蕊妮、虾头（杨诗敏）以及贝依霖主持嘅《港女又万岁》，除咗剖白当年出轨嘅矛盾心情，更大方谈及男人会唔会「滚」嘅话题……阅读全文

吴浩康感谢仔仔畀自己洗底

田蕊妮在节目中连环讚吴浩康现时係好爸爸同好老公，不过吴浩康就谦虚表示：「一班地铁入面有几多个咁样嘅男人，我做咗两年啫最多，我唔好意思认，做得耐过我嘅大有人在。」但就直言感谢仔仔畀自己展示膊头：「以前我都有养我老窦，人哋唔会觉得係点，都係等做明星嘅一条『契弟』，咁其实我都有做其他嘢，有做吓保险。但係我个仔出世之后，好似畀咗个机会外面嘅人认知，所以好多谢我个仔。」

吴浩康唔信有男人冇滚过

田蕊妮随后就问到「係唔係逢男人，真係9个都去滚，净返嗰个仲谂紧㗎？」吴浩康就表示：「唔滚嘅会有，但係冇滚过嘅我就唔信」更直言：「点样都一次半次，点都试过，有啲人试完可能觉得唔啱㗎嘛。」

不过吴浩康嘅发言就被网民狠批：「佢锺意滚就滚啦，唔好拉埋有啲男人落水」、「自己做错嘢，将件事合理化」、「男人唔去滚， 皆因手头紧！」、「睇完之后发现吴浩康未係真改，迟早再衰过，放长双眼」、「未有钱同赚到钱嘅分别」

吴浩康剖白出轨矛盾心情

吴浩康于2014年时曾直言与锺舒漫到谈婚论嫁嘅关係，不过后来被爆出连环追6女，兼在街头拥吻女伴，随后锺舒漫即宣布甩拖吴浩康，而佢亦从此被冠上渣男嘅名字。

对于当年出轨一事，吴浩康就罕有剖白矛盾心情：「係好矛盾嘅嘢，你明知係错係出卖」随后田蕊妮就追问为何仍选择出轨，吴浩康就称：「另一边又会觉得做嗰样嘢有个诱惑喺到，出轨有出轨嘅刺激」更透露自己嘅谂法：「好幼稚地觉得好多人锺意我，好似觉得自己好X劲咁」

福利视频，稀有资源请前往新站下载：zuisiji.top