TVB台庆剧《黑色月光》剧情现正进入结局週，剧中紧凑嘅剧情亦引起唔少网民热议。今次剧中更有事隔7年再重返镜头前嘅73岁郭锋，虽然佢嘅戏份已经完结，但係佢精湛嘅演技就获唔少观众大讚！虽然郭锋屡演反派严肃古板，但其实内裏则係铁汉柔情，对于已经离世7年嘅爱妻欧阳珮珊更係深情至极，就算太太逝世多年仍坚持做2件事……阅读全文

郭锋坦言失去太太后世界变晒灰色

郭锋与亡妻欧阳珮珊因拍剧认识，并在剧集《无语问苍天》一剧定情，随后在1977年拉埋天窗。两夫妻多年来鹣鲽情深，同甘共苦，走过40年婚姻路，奈何2017年欧阳珮珊因病离世，令锋哥伤心欲绝，更因而淡出幕前。

回想当时突然失去一生中最重要的人，锋哥直言整个世界也变成灰色，做任何事也再没有意思：「我前面嘅画面係做咩都一样， 直情觉得咩都无所谓， 嗰种无所谓係想快啲同太太再见，所以嗰时要我出番嚟工作绝对冇可能 ，你叫我欢笑係笑得到 ，但唔係个戏嘅角色，而有时剧情可能仲会触发我某啲唔好嘅情绪 ，变咗自己唔受控或者整个人沉咗落去，只会影响大家。」

郭锋坚持做2事忆亡妻

时间流逝，现时锋哥在伤痛慢慢走出来，感谢其身边的朋友陪伴左右，不令他胡思乱想，「 当自己一个静落嚟唔谂係冇可能， 初时自己一个人都好沉重，依家因为时间耐咗会开怀咗。」

即使太太不再在身边，锋哥依然记挂对方，不但每星期也会到坟场探望，每天回到家仍然会与对方「聊天」，「『老婆我返嚟喇 』、『老婆我依家出去喇 』， 有啲人可能会觉得好傻，甚至係咪精神失常呀？ 我话唔係，呢个对我係一个习惯，好似刷牙洗面一样，只不过喺生活入面做番比较接近以前嘅事。」

郭锋自揭手机背面放亡妻照原因

郭锋的手机背面一直放着太太的相片，全因对方是其「定海神针」。他自言个性火爆冲动，相反太太冷静理性，二人一凹一凸互补不足：「我见到张相就会个心舒服好多同时警剔自己做每一样嘢都要小心 ，因为我几百厌，成日都做得『过晒龙』，以前太太喺度嘅时候好多时都会话我，『你做咩啫 ？』、『你咁急做咩？」 总之要坐定慢慢谂，办法总比问题多，所以依家佢唔喺度，要识得提点自己。」

郭锋对亡妻有1遗憾

与太太携手走过人生不同阶段，锋哥回望过去自揭对太太有遗憾，有一件事至今仍令其耿耿于怀：「呢件事已经係80年代嘅事，嗰时我参加咗赛车比赛，我冇同太太讲，后尾出赛佢先知，当时佢係唔开心，点解依家先话佢知。后尾佢身边嘅同事朋友同我讲，『你去咗比赛时佢要开工拍嘢，佢坐喺化妆间个样揦埋口面，原来好担心我嘅安全。』那刻我听到心好酸，真係对唔住老婆，同埋我喺度嘅时候佢完全冇展露唔开心嘅情绪，咁先攞命 。」

作为教徒的锋哥在2019年远赴以色列、约旦等地朝圣，更在当地加纳婚宴堂与亡妻再立婚约，在众人的见证下许下承诺，爱太太一生一世，即使对方已离开人世，对其的爱依然永相随，「她永远是我偶像，改变我一生嘅人。」

福利视频，稀有资源请前往新站下载：zuisiji.top