《903 All Star篮球赛》已于上星期六（23日）顺利举行，当日赛事云集咗多位歌手，除咗有唔少靓仔选手外，现场仲有超多高颜值女球员，画面可谓係十分养眼！以下将会为各位盘点16位高颜值女球员，睇吓边位靓得嚟又有姿势啦！

903篮球赛目录

阅读全文

回到目录

谭旻萱获讚似拍广告

篮球女神谭旻萱（Mandy）今年继续有份出赛，10分热爱篮球嘅佢，赛后亦喺IG上载多张打波时嘅动感靓相，有姿势又有实际嘅Mandy更获森美都留言大讚：「好似拍咗个广告咁」！

回到目录

林恺铃能文能武骚功架

今年初正式杀入乐坛嘅林恺铃（Ashley）亦有份出战，睇落斯斯文文嘅Ashley打起波上嚟就非常有功架！而林恺铃除咗晒出赛事嘅靓相之外，仲分享咗一段练波片段，透露自己曾经係篮球队成员，难怪打起波上嚟咁厉害！

回到目录

云浩影po相晒蓝球梦

云浩影（Cloud）今年亦继续代表歌星勇士队出战，虽然云浩影并唔擅长打篮球，但係佢落场时都十分落力，赛后除咗晒出靓相外，仲爆笑配文表示：「我完全冇掂过个波」以及「其实我都有个灌篮梦」！

回到目录

徐颖榆专业实力上阵

去年入选杭州第19届亚运会香港女子蓝球队代表嘅徐颖榆（Fish），今年就代表九零三人出战。球技了得嘅Fish赛后在社交平台发文，仲透露两年前已获邀请参赛，可惜当时因伤未能应战，今年终于都有机会在903蓝球赛一展实力！

回到目录

阿妹@Lolly Talk变超近距离观众

人气女团Lolly Talk今年亦有现身蓝球赛，佢哋除咗落场比赛之外，仲担任埋啦啦队进行中场表演，为现场各位歌手打气！不过唔係精于篮球嘅阿妹po完靓相后，都搞笑表示自己落场2分钟keep住跑嚟跑去，係最近距离嘅观众！

回到目录

Yanny@Lolly Talk靓到要寻人

Yanny赛后发文表示今次係首次落场比赛，虽然在赛事中掂唔到波，但係就表示今次嘅活动十分热血，简直係有返中学时嘅感觉。而Yanny于中场表演时嘅靓相更被网民上载于社交平台，并表示「呢个女仔好靓」兼要寻人，获唔少人畀like！

回到目录

MeiMei@Lolly Talk紧张到爆

MeiMei在社交平台连环上载多张新相，亦配文表示无论係睇比赛定係自己落场时，心跳都加速得非常厉害，简直係紧张到呼吸唔到嘅程度！不过亦有fans留言大讚MeiMei传波好掂，而且表演亦够晒青春兼热血！

回到目录

Elka@Lolly Talk变运动担当

早前已于903排球赛出战嘅Elka，今次同样孖住一班队友现身篮球赛。Elka赛后在社交平发文称燃起咗做运动嘅自己，更表示今次无论係比赛定係表演都十分难忘，更获fans大讚係Lolly Talk嘅运动担当！

回到目录

Sinnie@Lolly Talk玩到变闪避球

Sinnie嘅赛后帖文就行搞怪路线，除咗晒出多张表演时嘅照片，仲分享咗一段落场比赛时嘅影片。片中Sinnie超搞笑避走场上嘅篮球，更配文表示「仲要极心虚地获得了银牌」，引嚟fans笑称：「篮球玩出了闪避球的效果」！

回到目录

Ahyo@Lolly Talk狂派福利晒靓样

Ahyo赛后大派福利，连环分享表演时嘅靓相，以及换上篮球装嘅照片。但係落场比赛时冇掂到波嘅Ahyo同其他队友一样，搞笑表示就算拎咗银奖都略显心虚，仲大讚歌声勇士队嘅一众球员们非常厉害！

回到目录

阿蛋@Lolly Talk赛后爱上篮球

阿蛋在社交平台发文大讚当日赛事非常刺激，更表示好开心有份落场打波，虽然球技唔係好叻，只係掂咗一阵波，但就已经大感篮球十分有趣，更称日后会继续打波，令唔少fans十分期待阿蛋明年嘅表现！

回到目录

Tania@Lolly Talk

Tania同阿蛋赛后似乎都被篮球所吸引，赛事中表现得有板有眼嘅Tania除咗发文感谢教练外，仲表示自己锺意咗打篮球，更因为今次嘅赛事识咗唔少新朋友，希望日后再有机会可以一齐打波！

回到目录

ValC@VIVA高难度动作零失误

女团VIVA于赛事当日除咗有份落场比赛外，更担任埋903打气团，在赛场上做出多个高难度啦啦队动作，零失误表演获更观众大讚！成员ValC赛后亦发文大呻紧张心情，更表示终于梦想成真玩到啦啦队，获网民留言大讚无论係排球赛定係篮球赛都表现出色！

回到目录

Ada@VIVA零经验搏尽上场

Ada同样在啦啦队表演中展现苦练成果，赛后在社交平台发长文分享心路历程嘅Ada，除咗透露自己其实零经验之外，更表示希望透过今次嘅表演令大家认识竞技啦啦队呢一项运动，超出色表现获唔少网民留言大讚好叻女！

回到目录

Macy@VIVA克服惊波落场挑战自己

Macy除咗在社交平台中晒出靓相外，更透露表演中嘅分腿跳係由自己提出想挑战，并发文感谢所有Macy Team嘅成员。Macy随后亦表示自己由细到大都好惊波，因此今年有机会落场打波係非常难得，更希望明年可以更勇，争取入到一球！

回到目录

Carina@VIVA新人年豁出去

Carina赛后发文表示新人年与几位队友豁出去，更透露已经秘密练兵1个月，务求可以顺利完成表演，兼希望大家可以多啲留意竞技啦啦队。Carina亦称虽然今年主项唔係打篮球，但係现场睇都感到超级热血同紧凑！

回到目录

福利视频，稀有资源请前往新站下载：zuisiji.top